Intembauzyo 63
63
Lwiimbo lwa Devedi naakali munkanda yamu Juda
1Nduwe Leza wangu, O Leza, nkuyandaula aamoyo omwe, muuya wangu ukufwide nyota,
ndikusukamine munyika yacimpayuma, nkulu-kulu iinyina maanzi pe.
2Ndakubona mucikombelo cako cisalala, ndabona nguzu abulemu bwako.
3Mukuti luyando lwako lutazungaani ndubotu kwiinda buumi,
milimo yangu inoolemekezya nduwe.
4Mubuumi bwangu nookutembaula lyoonse, njookomba zina lyako nketambika maanza kujulu.
5Mbuli bukkuta uulya zilyo zinona mbuuyookkuta moyo wangu,
cakukondwa njookutembaula amilimo yangu.
6Nelede ndakuyeeya, masiku lilila nkuku ndakuyeeya.
7Mugwasyi wangu nduwe, mucimvule camababa aako mweimbila.
8Nkede munsi lyako, janza lyako lyalulyo ndelindijisilizi.
9Bayoonyonyoonwa aabo bayanda kundijaya, kunsi aanyika nkobayoozikkwa.
10Bayoonyonyoonwa apanga, bayooba cilyo cabamwaaba.
11Mwami unoosekelela muli Leza, boonse bakonkezye muzina lyakwe kabatembaula,
aawo milomo yababi iyooumuzigwa.
Currently Selected:
Intembauzyo 63: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
