Intembauzyo 60
60
bali zyuulu zili kkumi azibili Mukkuti Lyamunyo.
1Watuvundumukila, watutakata, O Leza, walitunyemenede lino tuboozye alimwi.
2Wayaandula nyika, yazungaana, sinka nganzi yayo, nkaambo ilatenkaana.
3Ziindi zikatazya nzyooletela bantu bako, waini udadalisya ngootunywisya.
4Aabo bakulemeka wabasimpila ndembela, nkobanootijila ciindi nkondo yabasimata yabuka.
5Tuvune, tugwasye swebo ajanza lyako lyalulyo,
ndendilyo aabo bakuyanda nobati futulwe.
6Leza ulaamba kuzwa kubusena bwakwe busalala ulati,
“Njoozunda akwaabanya Syekemu, njoopima kkuti lya Sukoti.
7Giliyadi nguwangu, awalo Manase nguwangu,
Efulemu nengowani yakulikwabilizya,
Juda musako wangu wabwami.
8Mowabu mutiba wangu wakusambila, njoowaalila Edomu ndyasyo zyangu,
njoopozomoka cakuzunda Filisiti.”
9Nguni uuyoondileta kumunzi uukwabililidwe?
Nguni uyoondinjizya Muedomu?
10Sena toli nduwe, O Leza ookatutakata,
ootayandi kusindikila mpi zyesu?
11Tugwasye kuti tulwane sinkondoma, kayi lugwasyo luzwa kubantu ndwabuyo.
12Kuti Leza kali aandiswe tuyoozunda, nguuyootulyatawida basinkondoma.
Currently Selected:
Intembauzyo 60: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
