Intembauzyo 59
59
kuti bamukkalilile, bamujaye.
1O Leza wangu, ndivune kuzwa kuli basinkondoma,
kuzwa kuli baabo bandibukila ndikwabilile.
2Kuzwa kuli basimucita zibi, ndivune, kubantu batila bulowa undivune.
3Bona mbobandiyubilide, bapangana zyakundilwana bantu bakali,
bapangana zyakundilwana nokuba kuti nnyina mulandu,
nikubakuti nnyina cibi, O Mwami Leza.
4Kunyina cibi ncindakacita pe, nikuba boobo balibambilide kundilwana,
nyamuka undigwasye, babone.
5Yebo, O Mwami Leza, Singuzuzyoonse, Leza wa Isilayeli, nyamuka,
usubule misyobo yoonse, utabeengeleli bazangi aaba.
6Balaboola kumangolezya kabawuula mbuli babwa, kabazelengana mumunzi.
7Komvwa ncobaamba, mumilomo yabo muzwa mapanga balati,
“Ino nguni uunga watumvwa?”
8Wiide kubaseka yebo, O Mwami Leza, uliisampaula misyobo eeyi yoonse.
9Nduwe ngwelangila, o nguzu zyangu, ulicikwabilizyo cangu yebo, O Leza.
10Uli Leza uundiyanda, Leza uyoondisolweda, uyoondizundya basinkondoma.
11Utafwambaani kubanyonyoona O Mwami, yebo ontobo yesu,
mukuti bantu bangu inga baba nobaluba.
Munguzu zyako ubamwaye koonse-koonse, bawe.
12Bawe akaambo kazibi zyabo amajwi ngobaamba, bacengwe mukulisumpula kwabo,
akaambo kamatusi azyakubeja nzyobaamba.
13Cabukali ubanyonyoone, ubanyonyoone kuti batakajaniki limbi.
Eelyo kuyoozibwa munyika yoonse kuti, Leza nguulela Jakobo.
14Balaboola kumangolezya kabawuula mbuli babwa, kabazelengana mumunzi.
15Balazulungana kulangaula cakulya, naa tiibakkuta balavuluma.
16Pele mebo njooimba zyanguzu zyako,
cifumo-fumo njootembaula zyaluyando lwako lutazungaani.
Nduwe cikwabilizyo cangu, nduwe matantilo aangu,
matantilo aangu muciindi camapenzi.
17Ndakutembaula, o nguzu zyangu, yebo, O Leza,
nduwe cikwabilizyo cangu, uli Leza uundiyandisisya.
Currently Selected:
Intembauzyo 59: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
