Intembauzyo 56
56
Bafilisiti nibakamujata Mugati.
1Ndeengelela O Leza, nkaambo bantu balanditandaanya, buzuba boonse balandilwana.
2Balanditamikizya akundivwima buzuba boonse, mukulisumpula kwabo banji balandilwana.
3Ciindi neyoowede, ndikusyoma muli nduwe.
4Ndikusyoma muli Leza ooyo uuli aamajwi ngetembaula,
ndasyoma muli Leza nsikayoowi cintu pe.
Ani muntu uulya maila inga wacita nzi kuli ndime?
5Bapilinganya nzyeamba buzuba boonse, lyoonse bakanza kundicisa.
6Balabungana antoomwe akundiyubilila, balangilila bweende bwangu, bapingila kuti bandijaye.
7Utabalekeleli naaceya, mubukali bwako O Leza, inyonyoone misyobo.
8Wakalemba kulila kwangu, wakazilemba mubbuku lyako zyakulila kwangu.
Sena tazili mubbuku lyako?
9Basinkondoma bayootija, bayootija ndaakukwiita kuti undigwasye,
nkaambo ndizi kuti Leza ulaandime.
10Nsikayoowi cintu, muli Leza, ooyo uuli aamajwi ngetambaula,
mu Mwami Leza, ooyo uuli aamajwi ngetembaula.
11Muli Leza, ooyo ngwesyoma nsikayoowi cintu pe.
Ncinzi ncanga wacita muntu kuli ndime?
12Njelede kucita zeezyo nzindakakonkezya kuli nduwe,
O Leza, ndapa zituuzyo zyakulumba kuli nduwe.
13Nduwe oondivuna kuzwa kulufu, nduwe oovuna maulu aangu kuti intawi,
kuti njende kumbele lyako O Leza, mumuni wabuumi bwangu.
Currently Selected:
Intembauzyo 56: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
