Intembauzyo 51
51
Kumweendelezi wanyimbo. Lwiimbo oolo Devedi ndwaakaimba ciindi Natani musinsimi naakamutapatila akaambo kabumambe oobo mbwaakacita a Batisyeba
1O Leza, ndeengelele, ndeengelele kweendelana aluyando lwako lutazungaani,
nsotoko zyangu zizimaanye a luse lwako lupati.
2Sanzya milandu yangu, ndisalazye kuzwa kucinyonyoono cangu.
3Nsotoko zyangu ndizizi, zinyonyoono zyangu lyoonse zili kumbele lyangu.
4Nduwe, yebo lwako ngwindabisizya, ndacita cinyonyoono kuli nduwe.
Majwi ngoamba aliluleme, kubeteka kwako kuliluzi.
5Masimpe, nezyalwa ndakali sizibi,
ndakali sizibi kuzwa ciindi baama nibakandimita.
6Masimpe, bwini buzwa mumoyo mboyanda yebo,
aboobo ndiiisye busongo mukati mwangu mwini.
7Ndisalazye a hisopo kuti nsalale ncobeni,
kondisanzya kuti ntube kwiinda caanda.
8Cita kuti nditangale, ndikondwe, iinsekelele intacuumbaulilwi limbi.
9Lekelela zinyonyoono zyangu, ziminganya milandu yangu.
10O Leza, ndipa moyo uusalala, ubikke muuya mupya uululeme mulindime.
11Utanditandi kumbele lyako,
nikuba kugwisya Muuya wako Uusalala mulindime.
12Undiboozezye kukondwa kwalufutuko ndopa, ndipe moyo wabusungu, ndiyumye.
13Basinsotoko njoobaiisya nzila zyako, basizinyonyoono bayoopilukila kuli nduwe.
14O Leza, kondivuna kumulandu wabujayi, ondivuna yebo mulaka wangu
uyooimba nyimbo, kwiimba cakutangala nkaambo uliluleme.
15Asamuna milomo yangu, O Mwami, kanwa lyangu lyaambe zyakukutembaula.
16Zipaizyo tazikuboteli yebo pe, nizyalikukubotela nindakuletela,
niziba zipaizyo zyakutenta tazikuboteli pe.
17Moyo weempa ncecipaizyo ncoyanda, O Leza, moyo weempa mukuusa tousampauli pe.
18Mukukondwa kwako cita kuti Ziyoni azwidilile, yakulula bwaanda bwa Jelusalemu.
19Aawo noyookondwa kutambula zipaizyo ziluleme,
zipaizyo zyakutenta zyalo zikubotela.
Bapoho bayoopaizigwa acipaililo cako.
Currently Selected:
Intembauzyo 51: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
