Intembauzyo 41
41
Lwiimbo lwa Devedi. Kumweendelezi wanyimbo
1Uulelekedwe nguyooyo uuyeeyela bacete, Mwami Leza uyoomuvuna muciindi camapenzi.
2Mwami Leza uyookwabilila akubamba buumi bwakwe, uyoomuleleka munyika,
takamwaabi kuli bamulwana pe.
3Aakuciswa Mwami Leza uyoomubusya kuzwa mubulo, uyoobuponya bulwazi bwakwe.
4Mebo ndakati, “O Mwami Leza, kondeengelela, undiponye nikuba kuti ndakakubisizya.”
5Balandinyonokela basinkondoma nobati, “Ino ulafwa lili kutegwa azina lyakwe lifwidilile?”
6Unditamikizya twaambo mumoyo wakwe, ulabikkilila twaambo twabuyo,
ooto ntwaya bumwaya koonse-koonse.
7Balandivwiya boonse basinkondoma, bakanza kundicita cintu cibi kwiindilila.
8Balati, “Ino mbubi bulwazi bumujisi, tacibuki limbi pe.”
9Mweenzuma mwini-mwini ngundakali kusyoma, ooyo ngundakali kulyaawe, sunu wandibukila.
10Pele yebo buyo, O Mwami Leza, ndeengelela, ndibusye kuti mbapilusizye bubi.
11Mukuti uliboteledwe andime, sinkondoma takonzyi kundizunda pe.
12Ulindijisilizi nkaambo kakuti ndiluzi, undibikka kumbele lyoonse.
13Aalumbwe Mwami Leza wa Isilayeli, kuzwa kukutamani kuyoosika
kukutamani, akube boobo, alimwi akube boobo.
Currently Selected:
Intembauzyo 41: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
