Intembauzyo 146
146
1Omuuya wangu kotembaula Mwami Leza, mutembaule Mwami Leza.
2Mubuumi bwangu boonse njootembaula Mwami Leza, njooimba nyimbo
zitembaula Leza wangu necipona.
3Mutasyomi mubami, kayi mmbantu buyo tabakonzyi kugwasya.
4Muuya wabo mbuwazwida buyo balabweeda kubulongo, buzuba mbubonya oobo makanze aabo amana.
5Ulilelekedwe ooyo uulangila muli Leza wa Jakobo, uulangila mu Mwami Leza wakwe.
6Ooyo wakalenga julu anyika, lwizi azyoonse zili mumo, ooyo uulangila
mu Mwami Leza, uusyomeka kwalyoonse alyoonse.
7Nguuiminina badyamininwa, nguupa zilyo kuli basinzala,
Mwami Leza nguuangununa bapengede kuti balyeendelele.
8Mwami Leza nguubonya boofu, nguubusya bawizukide,
Mwami Leza ngonguwe uuyanda baluleme.
9Abalo bamasi Mwami Leza ulababamba, bamukabafu abamucaala nguubabamba,
ngonguwe nguwenya uunyonganya makanze aababi.
10Mwami Leza nguulela lyoonse alyoonse, Leza wako, O Ziyoni, nguulela kumazyalani oonse.
Currently Selected:
Intembauzyo 146: Tonga96
Highlight
Share
Compare
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
