Intembauzyo 125
125
1Aabo basyoma mu Mwami Leza bali mbuli cilundu ca Ziyoni,
cilundu eeco citazungaani, cikkede kukabe kutamani.
2Mbubonya mbuli zilundu mbozizingulukide Jelusalemu,
mbombuboobu Mwami Leza mbwazingulukide bantu bakwe,
mbwabazingulukide oobo sunu mane kukabe kutamani.
3Munyika yakapegwa baluleme takukaleli bami babi,
kuyoowa kuti baluleme inga baba nobababisya abalo.
4O Mwami Leza, balikabotu ubacitila kabotu, ubacitila kabotu aabo baluleme mumyoyo.
5Boonse aabo baleela munzila zipilingene,
Mwami Leza abasubulile kumwi abacita zibi. Luumuno alube kuba Isilayeli.
Currently Selected:
Intembauzyo 125: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
