Intembauzyo 124
124
Lwiimbo lwakutanta. Lwiimbo lwa Devedi
1Kuti Mwami Leza naatakali kulubazu lwesu, Baisilayeli abaambe kuti,
2kuti Mwami Leza naatakali kulubazu lwesu, ciindi bantu nibakatulwana,
3nibakatumena buumbulu, ciindi bukali bwabo nibwakatuvutukila.
4Zambangulwe nilyakatuvumpa, fwipi-fwipi lyamaanzi nilyakatutola.
5Iiyi, nilyakatukukula, nilyakatukukula kapa-kapa lyamaanzi.
6Aalumbwe Leza watakatwaaba, watakatwaaba kulimbabo kuti batukwamaune.
7Twakazwa mbuli kayuni, mbuli kayuni kali mukakole kasikuteya,
pele kakole kazutuka eelyo swebo twatija.
8Mwami Leza nguutugwasya, nguutugwasya ooyo wakalenga julu anyika.
Currently Selected:
Intembauzyo 124: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
