Intembauzyo 108
108
Lwiimbo lwa Devedi
(Intembauzyo 57.7-11; 60.5-12)
1Moyo wangu ulindikkede, O Leza, moyo wangu ulindikkede,
njooimba akukutembaula amoyo wangu woonse.
2Buka okantimbwa akalumbu kangu,
sunu ccita busiku buumbuluke.
3Njookulumba, O Mwami Leza, akati kamisyobo,
njooimba zyanduwe akati kabantu.
4Luyando lwako lutazungaani lulainda akujulu,
kusyomeka kwako kulasika kujulu kwini.
5Nkoo tondezya bulemu, O Leza mujulu,
bulemu bwako abubonwe munyika yoonse.
6Ajanza lyako lyalulyo tuvune, tugwasye swebo,
tuvune kuti aabo mboyanda bafutulwe.
7Leza waamba kuzwa kubusena bwakwe busalala kuti,
“Njoozunda akwaabanya Syekemu. Njoopima kkuti lya Sukoti nkalipe bantu bangu.
8Giliyadi nguwangu awalo Manase nguwangu,
Efulemu nengowani yangu yakulikwabilizya,
Juda mmusako wangu wabwami.
9Mowabu mutiba wangu ngwesambila,
njoowaalila Edomu ndyasyo zyangu,
njoopozomoka akuzunda Filisiti.”
10Nguni uuyoondileta kumunzi uukwabilidwe?
Nguni uuyoondinjizya mu Edomu?
11Sena tolinduwe, O Leza, ookatukaka?
Ootaciyandi kutusindikila ampi zyesu?
12Tugwasye kuti tulwane sinkondoma,
nkaambo lugwasyo luzwa kubantu ndwabuyo.
13Muli Leza tuzoozunda, nguuyootulyatawida basinkondoma.
Currently Selected:
Intembauzyo 108: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
