Tusimpi 13
13
1Mwana musongo ulaswiilila kulaya kwawisi,
pele sikasampu-sampu tamvwi kukalalilwa.
2Muntu ulabona zintu zibotu kwiindila mumajwi aakwe,
pele batasyomeki mbababusya lupyopyongano.
3Ooyo uubamba milomo yakwe nguubamba abuumi bwakwe,
pele ooyo uugowela buyo ulanyonyooka.
4Muntu mutolo ulasukama,
nikuba boobo taakwe ncajana,
pele eezyo munkutwe nzyasukamina ulazijana ncobeni.
5Muntu uululeme ulasulaika zyakubeja,
pele sizibi ujazya nsoni.
6Bululami bulabamba muntu uuluzi,
pele bubi bulamusowa sizinyonyoono.
7Umwi muntu ulicengezya kuti muvubi,
ani kuti kunyina ambwabede,
umwi ulicengezya kuti mmucete, ani kuti ngomuntu.
8Lubono lwamuntu lulakonzya kunununa buumi bwakwe,
pele mucete kunyina ncayoowa.
9Mumuni wamuntu uululeme ulamwekesya,
pele lambe lyamuntu sizibi lilazimwa.
10Kulisumpula kuletela buyo kupampana,
pele aabo baswiilila kulaigwa mbabasongo.
11Haabufuma bulalweza,
buyusukila mbobwami.
12Moyo ulacisa kuti eeco ncuulangila tacijaniki,
pele uujana ceeco ncuusukamina inga waba musamu wabuumi.
13Ooyo uusampaula lulayo uyoosubulwa,
pele ooyo uuswiilila mulawo uyoolumbulwa.
14Kwiisya kwamusongo nkasensa kabuumi,
kulavuna muntu kuzwa kutukole twalufu.
15Maanu mabotu aletela coolwe,
pele nzila yabatasyomi ninjumu.
16Muntu uuli woonse musongo ulacita zintu kwiindila muluzibo lwakwe,
pele mufuba-fuba ulatondezya bufuba-fuba bwakwe.
17Mutumwa mubi ulawida mumapenzi,
pele mutumwa uusyomeka ulaponya.
18Ooyo uukaka kulaigwa ulaba mucete akufwa nsoni,
pele kufumbwa ooyo uuyanda kululamikwa ulalemekwa.
19Cilabotezya kumuntu kujana ceeco ncasukamina,
pele bafuba-fuba balasesemwa kubona uuleka bubi.
20Ooyo weenda amusongo ulasongwaala,
pele ooyo weenda abafuba-fuba ulanyonyoonwa.
21Mapenzi atola muntu sizinyonyoono,
pele bulumbu bwabaluleme nkutambula zibotu.
22Muntu nguyuulya uusiila bazyukulu bakwe lubono,
pele lwasizinyonyoono luyoopegwa baluleme.
23Muunda wamuntu mucete ulakonzya kubaa zilyo zibbede kabotu,
pele bataluleme balamunyanga.
24Ooyo uutasansauli mwanaakwe tamuyandi,
pele ooyo uumuyanda ulasungwaala kumulaya.
25Uululeme ulalya cakulamwa,
pele da lyasizibi lilabula cakulya.
Currently Selected:
Tusimpi 13: Tonga96
Highlight
Share
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
