Josyuwa 16

Nyika yakatola Efulemu a Manase

1Lino nyika yakapegwa baciinga ca Josefa njeeyi, munyinza wabo wakali kutalikila kumulonga wa Jolodani kumbali aa Jeliko, kujwe lyatusensa twaku Jeliko, ngooyo waakwiinda munkanda, wagama tulundu-lundu twaku Beteli. 2Kuzwa ku Beteli, uuli ngu Luzi, wakaandulula walulama kucisi ca Baakiti mu Ataloti. 3Umane wakaselela ngooyo wagama kumbo kucisi ca Bajafuleti, mane waakusika kunselelo lya Betihaloni. Kuzwa kooko wakainda ku Geza mane waakusimpa mulwizi lupati. 4Mbombuboobu baziinga zya Manase a Efulemu, balunyungu lwa Josefa, mbubakatola lukono lwabo.

Nyika yakapegwa Baafulemu

5Njeeyi nyika Baefulemu njibakatola muziinga zyabo, 6munyinza wabo wakali kuzwida kujwe ku Atalotiada mane kusikila mutala lya Betiholoni akwiindilila mane kulwizi. Lino kubbazu lyakunyika ku Mikimetati munyinza wakanyona wagama lwakujwe ku Taanatisyilo, ngooyo waakwiindilila mane ku Janowa kujwe. 7Kuzwa ku Janowa, munyinza wakaya ku Ataloti aku Naala, ngooyo waakusika ku Jeliko, umane waakusimpa mumulonga wa Jolodani. 8Kuzwa ku Tapuwa munyinza wakagama kumbo mane waakusika kukalonga ka Kana akuyoosimpa mulwizi. Oolu ndulwakali lukono lwa Baefulemu muziinga zyabo. 9Lukono lwabo lwakali kujatikizya minzi yoonse eeyo yakazandwidwe kuti ibe ya Baefulemu muzisi zya Bamanase. 10Baefulemu taakwe nibakatanda Bakenani aabo bakali kukkala mu Geza. Bakenani aabo asunu bacikkede akati ka Baefulemu, mbazike babo.

Currently Selected:

Josyuwa 16: Tonga96

Highlight

Copy