Jobo 39
39
1“Sena ulicizi ciindi njeleele nozizyala?
2Sena ulakonzya kubala myezi kuzwa kukumita kwazyo
kusikila kukuzyala? Sena ulicizi ciindi ncezizyala?
3Ciindi ncozifugama zyalilo lilajalula mukati kasokwe,
eelyo zilazyala bana bazyo.
4Bana bazyo balaba anguzu, balakula mukati kasokwe,
balainka akutapiluka limbi kumanyina pe.
5“Nguni wakacita kuti cibize alyeendelele?
Nguni wakaangununa cibize?
6Walo ndakamupa nkanda kuti ibe ngamakkalilo aakwe,
nyika yacikula kuti ibe busena bwakwe.
7Tayandi kuyobeka kwamumunzi,
taswiilili kuyobeka kwasikubinga pe.
8Malundu ngamacelelo aakwe,
ulayandaula cakulya cicili camani matete.
9Sena munyati ulazumina kukubelekela?
Sena ulazumina kulala mucimpati cako?
10Sena ulakonzya kumusunga antambo akumucita
kuti akulimine myuunda?
11Sena ulabikka lusyomo munguzu zyakwe akuyeeya
kuti ulakumanina mulimo wako?
12Sena ulijisi lusyomo mulinguwe
lwakuti uyookuletela maila kucipolelo cako?
13‘Mababa aampye alavwapauka cakutangala,
pele mpye tiikonzyi kuuluka mbuli lukobo.’
14Ilasiya mayi aayo muvu kuti nyika yaakasaazye.
15Tiiyeeyi kuti mayi alakonzya kulyataukwa amaulu,
akuti banyama bamusokwe inga baapwayaula.
16Njiinga simoyo muyumu kubana bayo,
mbuli kuti tabali bayo,
tiipengi nikuba kuti mulimo wayo ngwabuyo.
17Nkaambo ime nde Leza tiindakaipa busongo,
ndakiiima maanu aakumvwisya zintu.
18Pele naa kuti yavunkumuka kutija ilasiya bbiza aulitantide.
19“Sena bbiza nduwe wakalipa nguzu zyalyo?
Sena nduwe wakalisamika ngala yalyo?
20Sena nduwe uucitya kuti bbiza lisotooke mbuli cikwikwi
kuti kalivwitima cabukali?
21Lilapala mukkuti cakulidunda munguzu zyalyo,
lilaya kuyooswaangana azilwanyo zyankondo.
22Taliyoowi, talityompwi, talitiji panga.
23Zilwanyo zyabasikutanta zilacokola-cokola akubeka-beka muzuba.
24Pele liya buvuumuka cabukali kalitaimi,
mweembo walila lilavwatuka.
25Kufumbwa walila bbiza lilavwitima,
lilanunkizya lumamba kulaale, lilamvwa koompolola kwabasilutwe.
26“Sena mbusongo bwako buulusya simusika mujulu,
akukwapamika mababa aakwe kabaamina kumusanza?
27Sena nkulailila kwako kuulusya sikwaze,
akuti ayake citeente mujulu?
28Ŋanda yakwe ili mumajeleele malamfu,
atala aamalundu mpakkala.
29Kuzwa kooko ulalangaula cakulya cakwe,
meso aakwe alabona kuzwa kulaale.
30Bana bakwe balanywa malowa, ooko kujanwa zijaidwe awalo nkwabede.”
Currently Selected:
Jobo 39: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
