Jobo 17
17
1“Ndipengede kapati mumoyo,
aalo mazuba aangu amana, cuumbwe cilandilindila.
2Ncobeni nkobali basikundinonga,
pele ndilanga buyo mbobanditalika.
3Leza undipe cisyomezyo cakuti yebo omwini uyoondiiminina.
Nguni aumwi uunga ulasyomezya boobo?
4Mbokunga wakabapa busicinguni kuti batamvwi,
tokooyoobalekela kuti bandizunde!
5Ooyo waaba beenzinyina kuti abweze caabilo cabo,
bana bakwe bayoopenga.
6“Wakandicitya kaambyo kubantu,
ndaba cisesemyo kuli mbabo, balaswida akaambo kandime.
7Kumeso aangu kwasiya nkaambo kabuusu,
mubili wangu ulikotede akubula nguzu.
8Bantu balyaamba kuti baliluleme
balakankamana akaambo kazeezi, baamba kuti mebo nsimuzi Leza.
9Nikuba boobo uululeme uyookakatila kunzila yakwe,
awalo ooyo uusalede mumoyo uyooyumizigwa akuyuma.
10Pele nywebo amuboole nyoonse,
nikuba kuti nsikoojana musongo akati kanu pe.
11Mazuba aangu ayabwiinda,
mizeezo yangu yoonse aziyanda moyo wangu zyoonse zyamana.
12Masiku baacita sikati, baamba kuti,
‘Mumuni ulaafwiifwi, pele mebo ndimumudima.’
13Kuti naa cuumbwe njeŋanda yangu,
kuti naa ndayala bulo bwangu mumudima,
14kuti naa ndaamba kuti kucuumbwe, ‘Nduwe taata,’
naa kumulanzyi, ‘Nduwe baama,’ naa, ‘Mucizi wangu.’
15Ino kayi luli kuli lulangilo lwangu?
Nguni uutikabone lulangilo lwangu?
16Sena luyooinka ambebo kucuumbwe?
Sena ndiyooselela andulo kuvu?”
Currently Selected:
Jobo 17: Tonga96
Highlight
Share
Compare
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
