Hosiya 13
13
Lubeta lwamamanino lwa Isilayeli
1Kaindi kwakali kunga Baefulemu bakanana bantu bakali kuyoowa nkaambo mbibakali kulemekwa mu Isilayeli, pele bakabisya nibakakomba Baali, nkaako bayoofwa. 2Mazuba aano baciindilizya kubisya nobapanga mituni mibumbe ansiliva zyabo. Zyoonse eezi mmilimo yabasyaabupampu. Aabo baamba kuti, “Amulete zipaizyo kulimbabo.” Eelyo balabakomba mukumyonta boombe bapange. 3Aboobo bayoozimaana mbuli sikunku wacifumo-fumo, naa mume uuloka kwakasaala. Bayoomwaika mbuli bungu buululuka kuzwa kucuumino naa mbuli busi buzwida ampulungwido.
4Mwami Leza wakaamba kuti, “Ndime Mwami Leza wanu wakamugwisya kuzwa mucisi ca Ijipiti. Munyina Leza uumbi kunze lyangu. Mufutuli wanu ndime endikke. 5Ndime ndakamubamba munkanda, 6nyika iipya kapati. Ndakabasanina bakkuta, nibakakkuta bakalisumpula, bandiluba. 7Lino njoobavwaampila mbuli syuumbwa. Njoobayubilila mbuli siluwe munsi aanzila. 8Njoobavwalamina mbuli butambo bwatolelwa twana. Njoozapaula kaango kabo, njoobakwamauna mbuli butambo. Kwamana njoobakakaula mpoonyaawo mbuli syuumbwa.”
9“Njoomunyonyoona Nobaisilayeli! Ani nguni uunga wamugwasya? 10Nywebo mwakakumbila mwami abasololi. Ino lino mwami wanu ooyo wakuti amumvwe uli kuli? Ino basololi banu bakuti bamukwabilile bali kuli? 11Ndakamupa bami amoyo uucisa. Nibakandinyemya, ndakabagwisya.”
12“Zinyonyoono zya Baefulemu zililembedwe mubbuku, bbuku eeli lilibambidwe kabotu-kabotu. 13Mapenzi mbuli aamukaintu uuyanda kutumbuka ayoobasikila. Nibaafutulwa, pele bali mbuli mwana uunyina maanu, uutafwambaani kutumbuka. 14Taakwe ninjoobavuna bantu aaba kuzwa kucikkalilo cabafu, nikuba kubafutula kuzwa kunguzu zyalufu. Yebo olufu, kucisa kwako kuli kuli? Yebo ocuumbwe, cisubulo cako cili kuli? Bantu aaba nsikabeengeleli pe. 15Nikuba kuti Baefulemu batangala mbuli matete, luuwo luzwa kujwe munkanda, luuwo lwa Mwami Leza, luyoobbubbula lukayuminizye tulonga atusensa twabo. Basinkondonyina bayoonyonyoona lubono lwabo luyandisi.
16“Baku Samaliya bayoosubulwa nkaambo bazangila Leza wabo. Bantu bakwe bayoojaigwa apanga, bana bayoopwailwa ansi. Abalo bakaintu baminsi bayooandaulwa.”
Currently Selected:
Hosiya 13: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
Hosiya 13
13
Lubeta lwamamanino lwa Isilayeli
1Kaindi kwakali kunga Baefulemu bakanana bantu bakali kuyoowa nkaambo mbibakali kulemekwa mu Isilayeli, pele bakabisya nibakakomba Baali, nkaako bayoofwa. 2Mazuba aano baciindilizya kubisya nobapanga mituni mibumbe ansiliva zyabo. Zyoonse eezi mmilimo yabasyaabupampu. Aabo baamba kuti, “Amulete zipaizyo kulimbabo.” Eelyo balabakomba mukumyonta boombe bapange. 3Aboobo bayoozimaana mbuli sikunku wacifumo-fumo, naa mume uuloka kwakasaala. Bayoomwaika mbuli bungu buululuka kuzwa kucuumino naa mbuli busi buzwida ampulungwido.
4Mwami Leza wakaamba kuti, “Ndime Mwami Leza wanu wakamugwisya kuzwa mucisi ca Ijipiti. Munyina Leza uumbi kunze lyangu. Mufutuli wanu ndime endikke. 5Ndime ndakamubamba munkanda, 6nyika iipya kapati. Ndakabasanina bakkuta, nibakakkuta bakalisumpula, bandiluba. 7Lino njoobavwaampila mbuli syuumbwa. Njoobayubilila mbuli siluwe munsi aanzila. 8Njoobavwalamina mbuli butambo bwatolelwa twana. Njoozapaula kaango kabo, njoobakwamauna mbuli butambo. Kwamana njoobakakaula mpoonyaawo mbuli syuumbwa.”
9“Njoomunyonyoona Nobaisilayeli! Ani nguni uunga wamugwasya? 10Nywebo mwakakumbila mwami abasololi. Ino lino mwami wanu ooyo wakuti amumvwe uli kuli? Ino basololi banu bakuti bamukwabilile bali kuli? 11Ndakamupa bami amoyo uucisa. Nibakandinyemya, ndakabagwisya.”
12“Zinyonyoono zya Baefulemu zililembedwe mubbuku, bbuku eeli lilibambidwe kabotu-kabotu. 13Mapenzi mbuli aamukaintu uuyanda kutumbuka ayoobasikila. Nibaafutulwa, pele bali mbuli mwana uunyina maanu, uutafwambaani kutumbuka. 14Taakwe ninjoobavuna bantu aaba kuzwa kucikkalilo cabafu, nikuba kubafutula kuzwa kunguzu zyalufu. Yebo olufu, kucisa kwako kuli kuli? Yebo ocuumbwe, cisubulo cako cili kuli? Bantu aaba nsikabeengeleli pe. 15Nikuba kuti Baefulemu batangala mbuli matete, luuwo luzwa kujwe munkanda, luuwo lwa Mwami Leza, luyoobbubbula lukayuminizye tulonga atusensa twabo. Basinkondonyina bayoonyonyoona lubono lwabo luyandisi.
16“Baku Samaliya bayoosubulwa nkaambo bazangila Leza wabo. Bantu bakwe bayoojaigwa apanga, bana bayoopwailwa ansi. Abalo bakaintu baminsi bayooandaulwa.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.