Hosiya 12
12
1“Baefulemu basola kweembela luuwo, basola kuvwima luuwo luzwa kujwe buzuba boonse. Bavuzya kubeja amanyongwe. Bapanga cizuminano a Baasiliya akutela mafuta ku Ijipiti.”
2Leza ulijisi kaambo abantu ba Juda. Uyoosubula bamukwasyi wa Jakobo nkaambo ka bukkale bwabo akubabweedezezya zyeelede milimo yabo mibi. 3Jakobo wisi wakakatazya mwanaakwabo kacili mwida, eelyo naakakomena wakalwana Leza. 4Alimwi wakatingaana amungelo, nkabela wakamuzunda. Amane wakalila alimwi akukumbila cileleko. Leza wakainka kuli taata Jakobo ku Beteli, nkabela ooko wakabandika kulindiswe kwiindila mulinguwe. 5Ooyu ngo Mwami Leza Singuzuzyoonse. Bantu beelede kumuyeeya azina eeli lyakuti Mwami Leza. 6Aboobo lino amupilukile kuli Leza wanu. Amukakatile luyando abululami, alimwi amulindile Leza wanu lyoonse.
Majwi aambi aalubeta
7Baisilayeli bali mbuli simakwebo uucenga uubelesya zipimyo zitaluleme. Bayandisya kuunina baula. 8Baefulemu balati, “Tamubwene, twavuba! Twakupuka kapati! Taakwe uukonzya kutupa kaambo.” 9“Ndime Mwami Leza wanu wakamusolweda kuzwa ku Ijipiti. Ndiyoomucita kuti mukakkale muzitungu mbuli mbomwakali kucita munkanda.
10“Ndime ndakaambaula kubasinsimi akubatondezya zinji. Kwiindila mulimbabo ndakaamba muzikozyanyo. 11Mituni ilapailwa mu Giliyadi. Aabo biikomba bayoofwa. Basune balapaizigwa ku Giligali, nkaako zipaililo zyabo ziyooba milwi ya mumyuunda.”
12Jakobo wakatijila kucisi ca Alamu. Isilayeli wakalelekwa ooko kuti akwate. Wakeembela mbelele kuti akwate mukaintu. 13Mwami Leza wakatuma musinsimi kuti asolwede Baisilayeli kuzwa mubuzike mucisi ca Ijipiti, eelyo musinsimi ooyo wakababamba. 14Pele Baefulemu bakamunyemya Mwami Leza. Nkankakaako ncayoobasubula alufu. Uyoobasubula nkaambo bakamujazya bweeme.
Currently Selected:
Hosiya 12: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
Hosiya 12
12
1“Baefulemu basola kweembela luuwo, basola kuvwima luuwo luzwa kujwe buzuba boonse. Bavuzya kubeja amanyongwe. Bapanga cizuminano a Baasiliya akutela mafuta ku Ijipiti.”
2Leza ulijisi kaambo abantu ba Juda. Uyoosubula bamukwasyi wa Jakobo nkaambo ka bukkale bwabo akubabweedezezya zyeelede milimo yabo mibi. 3Jakobo wisi wakakatazya mwanaakwabo kacili mwida, eelyo naakakomena wakalwana Leza. 4Alimwi wakatingaana amungelo, nkabela wakamuzunda. Amane wakalila alimwi akukumbila cileleko. Leza wakainka kuli taata Jakobo ku Beteli, nkabela ooko wakabandika kulindiswe kwiindila mulinguwe. 5Ooyu ngo Mwami Leza Singuzuzyoonse. Bantu beelede kumuyeeya azina eeli lyakuti Mwami Leza. 6Aboobo lino amupilukile kuli Leza wanu. Amukakatile luyando abululami, alimwi amulindile Leza wanu lyoonse.
Majwi aambi aalubeta
7Baisilayeli bali mbuli simakwebo uucenga uubelesya zipimyo zitaluleme. Bayandisya kuunina baula. 8Baefulemu balati, “Tamubwene, twavuba! Twakupuka kapati! Taakwe uukonzya kutupa kaambo.” 9“Ndime Mwami Leza wanu wakamusolweda kuzwa ku Ijipiti. Ndiyoomucita kuti mukakkale muzitungu mbuli mbomwakali kucita munkanda.
10“Ndime ndakaambaula kubasinsimi akubatondezya zinji. Kwiindila mulimbabo ndakaamba muzikozyanyo. 11Mituni ilapailwa mu Giliyadi. Aabo biikomba bayoofwa. Basune balapaizigwa ku Giligali, nkaako zipaililo zyabo ziyooba milwi ya mumyuunda.”
12Jakobo wakatijila kucisi ca Alamu. Isilayeli wakalelekwa ooko kuti akwate. Wakeembela mbelele kuti akwate mukaintu. 13Mwami Leza wakatuma musinsimi kuti asolwede Baisilayeli kuzwa mubuzike mucisi ca Ijipiti, eelyo musinsimi ooyo wakababamba. 14Pele Baefulemu bakamunyemya Mwami Leza. Nkankakaako ncayoobasubula alufu. Uyoobasubula nkaambo bakamujazya bweeme.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.