1 Makani 20
20
Kutolwa kwa Laba
(2 Samuyele 12.26-31)
1Lino kumatalikilo aamwaka bami nibakali kuunka kuyoolwana, Jowabu wakasolweda basilumamba. Wakaakunyonyoona nyika ya Baamoni amane wakaakusinkilizya munzi mupati wa Laba, pele walo Devedi wakasyeede ku Jelusalemu. Jowabu wakalwana munzi wa Laba akuuola. 2Devedi wakabweza musini wamwami wabo. Wakali kulema talenta lyomwe lyangolida, wakalisyomaikidwe mabwe meebesi, baakuusamika Devedi. Wakatola zinji-zinji zyakasaalwa mumunzi ooyu. 3Bakatola bantu bakali mumo mbibakabelesya amasaha, mapiki atweembe. Mbombuboobu Devedi mbwaakali kucita kuminzi ya Baamoni yoonse. Aawo Devedi ampi yakwe yoonse bakapilukila ku Jelusalemu.
Mbubakalwana a Bafilisiti
(2 Samuyele 21.15-22)
4Cimwi ciindi kwakabuka nkondo akati ka Bafilisiti a Baisilayeli ku Geza ciindi eeco Sibekayi, Muhusyati wakajaya Sipayi umwi walunyungu lwamantu, nkabela Bafilisiti bakazundwa.
5Munkondo yakatobela a Bafilisiti, Elihanani mwanaa Jaili wakajaya Lahimi munyina Goliyati Mugiti uulya wakajisi sumo lyalusako mbuli musako wasikuluka.
6Alimwi amunkondo imwi yakalwaninwa ku Gati kwakali dintu lyamanwe aali cisambomwe kujanza lyomwe-lyomwe akumaulu. Antoomwe lyakajisi manwe aali makumi obilo aane. Alyalo eeli lyakali limwi lyamantu. 7Nilyakasoka Baisilayeli, Jonatani mwanaa Syima munyina Devedi wakalijaya.
8Mantu aya otatwe akali kukkala ku Gati akali aalunyungu lwamantu. Devedi abantu bakwe bakaajaya.
Currently Selected:
1 Makani 20: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
