Byubilo BYA KULUMBULULA
BYA KULUMBULULA
Buku wa byubilo bya Batumwa watwajijila na Mambo Awama anembeleLuka. Waimana pakubulang'ana mambo a baana babwanga batanshi ba Yesu, byo batangijilwe na Mupashi Wazhila, ne byo bakumbenye Mambo Awama mu “Yelusalema, ne monse mu Yudea ne mu Samaliya, ne monse mwapela ntanda.” (1:8). Jo jishimikila ja byo bwaendele bwina Kilishitu bwatendekele mu Bayudea ne kwikala ke lwitabilo lwa bantu bonse pano pantanda. Munembeshi wa uno buku wasakile kwibakwasha aba bakatanga amba bena Kilishitu kechi baji nobe kipanyi kya bamulwila ntanda basaka kulwa na kafulumende wa bena Loma ne, kabiji amba lwitabilo lwa bena Kilishitu lwajinga kufikizha kwa bupopweshi bwa Bayudea.
Buku wa byubilo bya Batumwa twakonsha kumwabanya mu bibese bikatampe bisatu, kumwesha mapunzha kwa sapwijilwenga Mambo a Nkambo Yesu ne kushimikwa kwa kipwilo. (1) Ntendekelo ya kwenda kwa bwina Kilishitu mu Yelusalema kufuma kimye kya kuya kwa Yesu mwiulu. (2) Ku kumbanya mu mapuzha akwabo amu Filishitiya. (3) Kuya mu mpuzha ya Meditelenia ne kufika ku Loma.
Kyanema mu buku wa Byubilo Bya Batumwa Ke mwingilo wa Mupashi Wazhila, waishile pa baitabijile mu Yelusalema pa juba ja Pentekosita ne kutwajijila na kwibatangijila ne kukosesha kipwilo ne bantangi bakyo mu byonse byamwekele byaambiwa mu uno buku. Byambo bya bena Kilishitu batanshi bebyamba mu byambo bicheche mu byo basapwijile, ne bintu byanembelwe mu buku wa Byubilo Bya Batumwa byamwesha bulume mu bwikalo bwa baitabijile ne lumvwang'ano lwa kipwilo.
Mutanchi wa bintu biji mu uno buku
Kunengezha bukamonyi 1:1-26
Mukambizho wa Yesu wapeleleko ne mulaye 1:1-14
Nswanyi wa kwa Yudasa 1:15-26
Kushimuna mu Yelusalema 2:1—8:3
Kushimuna mu Yudea ne mu Samaliya 8:4—12:25
Mwingilo wa kwa Paulo 13:1—28:31
Lwendo lutanshi lwa kusapwila Mambo Awama 13:1—14:28
Kupwila kwa mu Yelusalema 15:1-35
Lwendo lwa bubiji lwa kuya na kusapwila Mambo Awama 15:36—18:22
Lwendo lwa busatu lwa kuya na kusapwila Mambo Awama 18:23—21:16
Paulo byo ajinga kaili mu Yelusalema, mu Kesaleya, ne mu Loma 21:17—28:31
Currently Selected:
Byubilo BYA KULUMBULULA: KNTP
Highlight
Copy
Compare
Share
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.