Byubilo 16
16
Timoti byo ayile naba Paulo ne Silasa
1Paulo waishile ku Delebe ne ku Lisitila, ko kwajinga mwana wabwanga umo, jizhina janji Timoti. Inanji wajinga mu Yudea, mwanamukazhi waitabila, bino shanji wajinga mugiliki. 2Uno watelelwe bulongo ku balongo bajinga mu Lisitila ne ku Ikonyuma. 3Ye yeasakile Paulo amba ayenga nanji, kabiji wamutwezhezhe mu mukanda na mambo a Bayudea bajinga mu yoya mizhi. Mambo bonse bayukile amba, shanji mugiliki. 4Kabiji byo bapichilenga mu mizhi, bebapelenga mizhilo yo batongwele batumwa ne bakulumpe mu Yelusalema amba beilame. 5Kepo bipwilo byakosele ne kukosa mu lwitabilo, bantu bayilenga na kuvujilako pa juba pa juba.
Paulo byo ajinga mu Toloasa ne kimwesho kyo amwene
6Kabiji bapichile mu kyalo kya Filigya ne Ngalatiya, byo bebakainye ku Mupashi Wazhila kusapwila mambo mu kyalo kya Asha. 7Kabiji byo bafikile ku Misha, baesekele kutwela mu Bitinya, bino Mupashi wa Yesu kechi wibaswishishe ne. 8Byonkabyo bapitaijile mu Misha, bakunkulukijile ku Toloasa. 9Kabiji bufuku Paulo wamwene kimwesho. Kwaimene muntu mwina Makedonya, kasa a musashijila amba, “Abukilai muno mu bushiya mu Makedonya, mwitukwasheko!” 10Kabiji byo ekimwene kimwesho, ponkapo twasakile kuya ku Makedonya, mambo twalangulukile namba, Lesa witwita kokwa amba tukasapwile Mambo Awama.
Kwitabila kwa Lidiya
11Byonkabyo twafumine ku Toloasa mu bwato twashulumikiletu kuya ku Samotolase, kabiji muja londejilepo ke ku Neapolisa: 12Kabiji kufuma kokwa twayile ku Filipai, muzhi wa mu Makedonya ye wajinga wakilamo mu kyokya kyalo, wajinga wa bena Loma. Twaikajilemo moba amo mu yewa muzhi. 13Ne mu juba ja Sabado twayile pangye ya muzhi kunsa ya mukola, ko twalangulukile namba apo ko kuntu ko balombela, kabiji twaikele konka na kwisamba na banabakazhi bapwijile pamo. 14Ne mwanamukazhi umo jizhina janji Lidiya wa ku Tiyatila, mupoteshi wa kisapi kyachiluluka, aye wapopwelanga Lesa witumvwinenga, ne Nkambo washinkwile muchima wanji amba omvwishe bya ambilenga Paulo. 15Kabiji byo abatizhilwe ne ba munzubo yanji pamo, witusashijile amba, “Umvwe mwandanguluka amba, ne wakishinka mwi Nkambo, twelai mu nzubo yami mwikalemo.” Byo byo etusashijile.
Paulo ne Silasa mu kaleya ku Filipai
16Kabiji byotwayilenga ko balombela, twasambakene kamwale muzha, wajinga na mupashi wa kubuka wanonkeshanga ba nkambo yanji byavula na lubuko. 17Aye wamulondejilenga Paulo ne atweba kasa abijikisha amba, “Bano bantu bo bakalume ba Lesa Mwine Wakila, bemubuula jishinda ja lupulukilo.” 18Kabiji kino wikyubile moba avula. Pakuba Paulo byo kyamukokeeshe ne kumufichisha ku muchima, waalulukile ne kumwambila mupashi amba, “Na kukambizha mu jizhina ja Yesu Kilishitu fumamo mwi aye!” Ponkapotu wafuminemo.
19Kabiji ba nkambo yanji pa kumona mo baketekejile mwa kunonkela mwapwa, bakwachile ba Paulo ne Silasa, ne kwibakokela ku kisankane ku bakulumpe. 20Kabiji byo bebaleetele ku bene bachiba mambo bebambijile amba, “Bano bantu bo Bayudea, babena kwitulengela kanwa mu muzhi wetu. 21Ne kufunjisha bisela byazhila kutambula, nangwa kwibilama atweba bena Loma.”
22Ne jibumba jonse jibabuukijile ba Paulo ne Silasa.
Ponkapo bene bachiba mambo bebatabawijile bivwalo byabo, ne kukambizha amba, bebapume na kamama. 23Kabiji byo bebapumine bipumo byavula, bebatayile mu kaleya ne kulaya muota amba, ebalamishe bulongo. 24Ne aye, byo bamulayile byonkabyo, wibatayile mu kaleya ka mukachi ne kwibakula maulu abo mu bikulu.
25Kabiji pakachi ka bufuku ba Paulo ne Silasa balombelenga ne kwimba nyimbo kwi Lesa, ne bakaili bakwabo bebatelekelenga. 26Kabiji ponkapo kwaishile kitentanshi kikatampe, kyakuuba ne bitendekesho bya nzubo ya kaleya byasunkene. Ne ponkapotu binzhilo byonse byashinkukile, ne byo bebakashileko bonse byakasulukile. 27Kabiji muota wapapukile patulo, ne pa kumona binzhilo bya kaleya kasa bya shinkuka, wasomwene mpoko, wasakile kwiipaya mwine, pa kulanguluka amba, bakaili banyema. 28Ponkapo Paulo wabijikile na jiwi jikatampe amba, “Kechi wiube kibi obewa mwine ne, mambo atweba bonse tuji muno!”
29Ne aye wabijikile amba, “Letai byeya kuno!” Ne aye wakilukijile monka, kasa azakama na moyo, waponejile kwi ba Paulo ne Silasa. 30Ponkapo wibalupwile pangye ne kwibambila amba, “Mwane, nanchi amiwa ngube byepi pakuba amba mpuluke?”
31Kumvwa abo ba mukumbwile amba, “Itabilai Nkambo Yesu, musakupuluka anweba ne ba munzubo yenu pamo.”
32Ke bamwambile mambo a Nkambo, ne bonsetu baji mu nzubo yanji. 33Aye naye wibashikwile mu kyonkakya kimye kimotu kya bufuku, ne kwibovwa minkakamba ya bipumo byabo, kabiji ponkapotu wabatizhilwe, ne ba mukisemi kyanji bonse. 34Kabiji wibatwajile mu nzubo yanji ne kwibapa kajo, kabiji wasekejile bingi pamo na bonse ba munzubo yanji, byo bamwitabijile Lesa.
35Byo bwakiile lukeelo, bene ba mitonyi batumine bakapokola amba, “Balekai abo bantu bayenga.” 36Ponkapo aye muota wamubujile Paulo bino byambo amba, “Bene bachiba mamabo batuma jiwi amba muyenga, pano nanchi lupukai muyenga mutende.”
37Pakuba aye Paulo wibambijile amba, “Olo, baji kwitupuma ku meso a bantu, pakubula kwituzhachisha, atweba bena Loma, ne kwitutaya mu kaleya, pano ke betufumyemo kumbaji? Ine, akyo ne, bene beye betulupulemo.”
38Ponkapo bakapokola batwajile bino byambo ku bene bachiba mambo; abo ke moyo byo ba umvwine amba, bo bena Loma. 39Ponkapo baishile na kwibasashijila; kabiji byo bebalupwile pangye, bebambijile amba, bafume mu yewa muzhi. 40Ponkapo bafumine mu kaleya, bakatwelele ne mu nzubo ya kwa Lidiya. Kabiji byo bamwene balongo ne kwibakosesha michima, ponkapo bafumineko.
Currently Selected:
Byubilo 16: KNTP
Highlight
Copy
Compare
Share
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.
Byubilo 16
16
Timoti byo ayile naba Paulo ne Silasa
1Paulo waishile ku Delebe ne ku Lisitila, ko kwajinga mwana wabwanga umo, jizhina janji Timoti. Inanji wajinga mu Yudea, mwanamukazhi waitabila, bino shanji wajinga mugiliki. 2Uno watelelwe bulongo ku balongo bajinga mu Lisitila ne ku Ikonyuma. 3Ye yeasakile Paulo amba ayenga nanji, kabiji wamutwezhezhe mu mukanda na mambo a Bayudea bajinga mu yoya mizhi. Mambo bonse bayukile amba, shanji mugiliki. 4Kabiji byo bapichilenga mu mizhi, bebapelenga mizhilo yo batongwele batumwa ne bakulumpe mu Yelusalema amba beilame. 5Kepo bipwilo byakosele ne kukosa mu lwitabilo, bantu bayilenga na kuvujilako pa juba pa juba.
Paulo byo ajinga mu Toloasa ne kimwesho kyo amwene
6Kabiji bapichile mu kyalo kya Filigya ne Ngalatiya, byo bebakainye ku Mupashi Wazhila kusapwila mambo mu kyalo kya Asha. 7Kabiji byo bafikile ku Misha, baesekele kutwela mu Bitinya, bino Mupashi wa Yesu kechi wibaswishishe ne. 8Byonkabyo bapitaijile mu Misha, bakunkulukijile ku Toloasa. 9Kabiji bufuku Paulo wamwene kimwesho. Kwaimene muntu mwina Makedonya, kasa a musashijila amba, “Abukilai muno mu bushiya mu Makedonya, mwitukwasheko!” 10Kabiji byo ekimwene kimwesho, ponkapo twasakile kuya ku Makedonya, mambo twalangulukile namba, Lesa witwita kokwa amba tukasapwile Mambo Awama.
Kwitabila kwa Lidiya
11Byonkabyo twafumine ku Toloasa mu bwato twashulumikiletu kuya ku Samotolase, kabiji muja londejilepo ke ku Neapolisa: 12Kabiji kufuma kokwa twayile ku Filipai, muzhi wa mu Makedonya ye wajinga wakilamo mu kyokya kyalo, wajinga wa bena Loma. Twaikajilemo moba amo mu yewa muzhi. 13Ne mu juba ja Sabado twayile pangye ya muzhi kunsa ya mukola, ko twalangulukile namba apo ko kuntu ko balombela, kabiji twaikele konka na kwisamba na banabakazhi bapwijile pamo. 14Ne mwanamukazhi umo jizhina janji Lidiya wa ku Tiyatila, mupoteshi wa kisapi kyachiluluka, aye wapopwelanga Lesa witumvwinenga, ne Nkambo washinkwile muchima wanji amba omvwishe bya ambilenga Paulo. 15Kabiji byo abatizhilwe ne ba munzubo yanji pamo, witusashijile amba, “Umvwe mwandanguluka amba, ne wakishinka mwi Nkambo, twelai mu nzubo yami mwikalemo.” Byo byo etusashijile.
Paulo ne Silasa mu kaleya ku Filipai
16Kabiji byotwayilenga ko balombela, twasambakene kamwale muzha, wajinga na mupashi wa kubuka wanonkeshanga ba nkambo yanji byavula na lubuko. 17Aye wamulondejilenga Paulo ne atweba kasa abijikisha amba, “Bano bantu bo bakalume ba Lesa Mwine Wakila, bemubuula jishinda ja lupulukilo.” 18Kabiji kino wikyubile moba avula. Pakuba Paulo byo kyamukokeeshe ne kumufichisha ku muchima, waalulukile ne kumwambila mupashi amba, “Na kukambizha mu jizhina ja Yesu Kilishitu fumamo mwi aye!” Ponkapotu wafuminemo.
19Kabiji ba nkambo yanji pa kumona mo baketekejile mwa kunonkela mwapwa, bakwachile ba Paulo ne Silasa, ne kwibakokela ku kisankane ku bakulumpe. 20Kabiji byo bebaleetele ku bene bachiba mambo bebambijile amba, “Bano bantu bo Bayudea, babena kwitulengela kanwa mu muzhi wetu. 21Ne kufunjisha bisela byazhila kutambula, nangwa kwibilama atweba bena Loma.”
22Ne jibumba jonse jibabuukijile ba Paulo ne Silasa.
Ponkapo bene bachiba mambo bebatabawijile bivwalo byabo, ne kukambizha amba, bebapume na kamama. 23Kabiji byo bebapumine bipumo byavula, bebatayile mu kaleya ne kulaya muota amba, ebalamishe bulongo. 24Ne aye, byo bamulayile byonkabyo, wibatayile mu kaleya ka mukachi ne kwibakula maulu abo mu bikulu.
25Kabiji pakachi ka bufuku ba Paulo ne Silasa balombelenga ne kwimba nyimbo kwi Lesa, ne bakaili bakwabo bebatelekelenga. 26Kabiji ponkapo kwaishile kitentanshi kikatampe, kyakuuba ne bitendekesho bya nzubo ya kaleya byasunkene. Ne ponkapotu binzhilo byonse byashinkukile, ne byo bebakashileko bonse byakasulukile. 27Kabiji muota wapapukile patulo, ne pa kumona binzhilo bya kaleya kasa bya shinkuka, wasomwene mpoko, wasakile kwiipaya mwine, pa kulanguluka amba, bakaili banyema. 28Ponkapo Paulo wabijikile na jiwi jikatampe amba, “Kechi wiube kibi obewa mwine ne, mambo atweba bonse tuji muno!”
29Ne aye wabijikile amba, “Letai byeya kuno!” Ne aye wakilukijile monka, kasa azakama na moyo, waponejile kwi ba Paulo ne Silasa. 30Ponkapo wibalupwile pangye ne kwibambila amba, “Mwane, nanchi amiwa ngube byepi pakuba amba mpuluke?”
31Kumvwa abo ba mukumbwile amba, “Itabilai Nkambo Yesu, musakupuluka anweba ne ba munzubo yenu pamo.”
32Ke bamwambile mambo a Nkambo, ne bonsetu baji mu nzubo yanji. 33Aye naye wibashikwile mu kyonkakya kimye kimotu kya bufuku, ne kwibovwa minkakamba ya bipumo byabo, kabiji ponkapotu wabatizhilwe, ne ba mukisemi kyanji bonse. 34Kabiji wibatwajile mu nzubo yanji ne kwibapa kajo, kabiji wasekejile bingi pamo na bonse ba munzubo yanji, byo bamwitabijile Lesa.
35Byo bwakiile lukeelo, bene ba mitonyi batumine bakapokola amba, “Balekai abo bantu bayenga.” 36Ponkapo aye muota wamubujile Paulo bino byambo amba, “Bene bachiba mamabo batuma jiwi amba muyenga, pano nanchi lupukai muyenga mutende.”
37Pakuba aye Paulo wibambijile amba, “Olo, baji kwitupuma ku meso a bantu, pakubula kwituzhachisha, atweba bena Loma, ne kwitutaya mu kaleya, pano ke betufumyemo kumbaji? Ine, akyo ne, bene beye betulupulemo.”
38Ponkapo bakapokola batwajile bino byambo ku bene bachiba mambo; abo ke moyo byo ba umvwine amba, bo bena Loma. 39Ponkapo baishile na kwibasashijila; kabiji byo bebalupwile pangye, bebambijile amba, bafume mu yewa muzhi. 40Ponkapo bafumine mu kaleya, bakatwelele ne mu nzubo ya kwa Lidiya. Kabiji byo bamwene balongo ne kwibakosesha michima, ponkapo bafumineko.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.