Byubilo 15
15
Kije kya ku Yelusalema
1 #
Levi 12:3
Bino bamo banabalume baishile kufuma ku Yudea na kufunjisha baitabila amba, “Anweba inge ne kutwela mu mukanda monka mwayila kisela kya Mosesa ne, kechi mukapuluka ne.” 2Kabiji ba Paulo ne Banabasa byo bapachikilenga naabo ne kwiipuzha javula, bebatongwele ba Paulo ne Banabasa, ne bakwabo bamo, amba baye ku Yelusalema ku batumwa ne bakulumpe na ano mambo. 3Byonkabyo abo, byo bebashinjikinye ku kipwilo, bapichile mu Finesha ne Samaliya, sa bebabula mambo a kwaluluka kwa Bangentila, kabiji bebaletejile lusekelo lukatampe balongo bonse. 4Byo bafikile ku Yelusalema, bebatambwijile ku kipwilo, ne ku batumwa, ne ku bakulumpe, ne kwibabula byonsetu byo ebobijile Lesa. 5Bino kwaimene bamo baitabila ba mukipamo kya Bafaliseo amba, “Kyafwainwa kwibatwezha mu mukanda ne kwibakambizha Kulama Mizhilo ya kwa Mosesa.”
6Batumwa ne bakulumpe bapwijile pamo amba balanguluke mwayila ano mambo. 7#Byu 10:1-43 Kabiji byo beipwizhe javula, Petelo waimene ne kwibambila amba.
“Anweba bakwetu, mwayuka amba mu moba atanshi aye Lesa wantongwele amiwa mwi anweba amba, Bangentila bomvwe na kanwa kami Mambo Awama, ne kwitabila. 8#Byu 10:44; 2:4Kabiji aye Lesa, wayuka michima, washimuna kobaji, byo ebapele Mupashi Wazhila, byonka byo etupele atweba. 9Kabiji kechi witupusenye atweba ne abo ne, pa kutokesha michima yabo ku lwitabilo. 10Lelo kabiji pano, mambo ka kyomwasakila kweseka Lesa, pa kubiika kikonkoji panshingo ya baana babwanga kyakankelwe bashakulu betu ne atweba bene kwikisenda? 11Bino atweba twaitaba namba ko konka ku bupe bwa Nkambo Yesu kotukapulukila pamotu ne abo.”
12Ponkapo jibumba jonse jazhindaminetu nzo byo batatwile kumvwa ba Banabasa ne Paulo byo bebabujile biyukilo ne bya kukumya byaubile Lesa mu Bangentila kwi abo. 13Byo bapwishishe kwamba, kumvwa Yakoba amba.
“Anweba bakwetu, ng'umvwai amiwa!” 14Shimeona waji kwitupichilamo byatatwile Lesa kupempula Bangentila, afumyemo bantu na mambo a jizhina janji. 15Ne bino byaesakanatu na byambo bya bangauzhi. Monka mo byanembelwa amba;
16 #
Amo 9:11,12 “Panyuma ya bibye nkabwela,
kabiji kashimikulula jibiji tente wa Davida wapona.
Kashimikulula jibiji pamasala anji,
kabiji nkamwimika.
17Amba bantu bashalapo bamukebeshe Nkambo,
ne Bangentila bonse pamo batelwa na jizhina jami, Byo byaamba Yehoba usolola bino bintu 18kufuma ne kukala.”
19“Byonkabyo muno momo nalangulukila amiwa namba, kechi twibakatazhe aba Bangentila ba alulukila kwi Lesa ne. 20#Lupu 34:15-17; Levi 18:6-23; Levi 17:10-16Twibanembele amba, bazhile bimo byazhijikwa na bankishi, ne bulalelale, ne nyama yo baipaya ya kubula kwichila mashi, ne mashi. 21Mambo Mosesa kufuma ne ku myaka ya kala mu mizhi yonse uji naba kwiasapwila mambo anji, kasa atangwa mu mashinagoga mu moba a sabado onse.”
Nkalata yanembele bakulumpe ku Bangentila baitabila
22Ponkapo kyamwekele kuwama ku batumwa ne bakulumpe, ne kipwilo kyonse, kya kusala banabalume bamo kufuma mukachi kabo, ne kwibatuma ku Antioka kuya pamo ne ba Paulo ne Banabasa. Batumine Yudasa, jikwabo Basabasa ne Silasa, bakulumpe ba mu balongo, 23ne kwibatuma nayo ino nkalata amba;
“Kufuma ku Batumwa ne bakulumpe balongo benu, ku balongo bamu Bangentila bamu Antioka wa mu Silya ne bamu Kilikya, mutende bonse. 24Byotwaumvwa amba, bamo bafumine mwi atweba bemukatazha na byambo bya kuzhingichisha michima yenu, botwabujile kulaya atweba. 25Kituwamina atweba byotwaikala pamo ne kuswang'ana na muchima umo, kutongolamo banabalume bamo ne kwibatuma ko muji pamo na batemwe betu ba Banabasa ne Paulo, 26banabalume bataaya myeo yabo pa mambo a jizhina ja Nkambo yetu Yesu Kilishitu. 27Onkao mambo kyokyo twatumina ba Yudasa ne Silasa, bo bakemubuula bino bintu bimo pa kanwa. 28Mambo momo kyawamina kwi aye Mupashi Wazhila ne atweba pamo amba kechi twimutwike bisendwa bikwabo kukila bino byafwainwa ne, 29namba muzhile byo batapisha ku bankishi, ne kuja mashi ne, ne ku nyama yo baipaya ya kubula kwichila mashi, ne ku bulalelale. Umvwe anweba bene mukazhile ku bino mukoba bulongo. Shalaipo.”
30Byonkabyo abo byo bebatumine, baishile ku Antioka, kabiji byo bapwizhizhe pamo jibumba, bebapele ne nkalata. 31Kabiji byo beitangile ku bonse, basekejile na mambo a kwibatundaika. 32Kabiji ba Yudasa ne Silasa nabo, byo bajinga bangauzhi, be ba tundaikile balongo na byambo byavula, ne kukosesha michima yabo. 33Kabiji byo baikajileko moba amo, bebemenye mu mutende ku balongo, amba babwele ku bebatumine.#15:33 Amo ma buku akala a mu kigiliki ba nungako vesi 34Pakuba Silasa walangulukile amba, kyangwamina amiwa kwikala kuno konka
34Pakuba Silasa walangulukile amba, kyangwamina amiwa kwikala kuno konka. 35Bino ba Paulo ne Banabasa bashajile monka mu Antioka, kasa bafunjisha ne kusapwila mambo a Nkambo, ne bavula bakwabo pamotu.
Paulo ne Banabasa byo Baabene
36Kabiji pakupita moba amo Paulo wamwambijile Banabasa amba, Pano twayai tubwele na kupempula balongo mu mizhi yonse motwayilenga na kusapwila mambo a Nkambo, tumone byo baikala.
37Banabasa wasakile kusenda Yoano jikwabo Mako amba tuyenga nanji, 38#Byu 13:13Pakuba aye Paulo walangulukile amba, kechi kyawama kuya nanji aye witushile ku Pamfilya ne kuya ne atweba mu mwingilo ne. 39Ponkapo pabuukile lupata lwine lwakuuba ba abana ne kwabana, Banabasa wasendele Mako ke baye mu bwato ku Kipilusa, 40bino aye Paulo wasalulwile Silasa, amba ngye nanji, ne kwimana waimene, balongo byo bamufikizhe ku bupe bwa Nkambo. 41Ne aye wapichile monse mu Silya ne mu Kilikya na kukosesha bipwilo.
Currently Selected:
Byubilo 15: KNTP
Highlight
Copy
Compare
Share
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.
Byubilo 15
15
Kije kya ku Yelusalema
1 #
Levi 12:3
Bino bamo banabalume baishile kufuma ku Yudea na kufunjisha baitabila amba, “Anweba inge ne kutwela mu mukanda monka mwayila kisela kya Mosesa ne, kechi mukapuluka ne.” 2Kabiji ba Paulo ne Banabasa byo bapachikilenga naabo ne kwiipuzha javula, bebatongwele ba Paulo ne Banabasa, ne bakwabo bamo, amba baye ku Yelusalema ku batumwa ne bakulumpe na ano mambo. 3Byonkabyo abo, byo bebashinjikinye ku kipwilo, bapichile mu Finesha ne Samaliya, sa bebabula mambo a kwaluluka kwa Bangentila, kabiji bebaletejile lusekelo lukatampe balongo bonse. 4Byo bafikile ku Yelusalema, bebatambwijile ku kipwilo, ne ku batumwa, ne ku bakulumpe, ne kwibabula byonsetu byo ebobijile Lesa. 5Bino kwaimene bamo baitabila ba mukipamo kya Bafaliseo amba, “Kyafwainwa kwibatwezha mu mukanda ne kwibakambizha Kulama Mizhilo ya kwa Mosesa.”
6Batumwa ne bakulumpe bapwijile pamo amba balanguluke mwayila ano mambo. 7#Byu 10:1-43 Kabiji byo beipwizhe javula, Petelo waimene ne kwibambila amba.
“Anweba bakwetu, mwayuka amba mu moba atanshi aye Lesa wantongwele amiwa mwi anweba amba, Bangentila bomvwe na kanwa kami Mambo Awama, ne kwitabila. 8#Byu 10:44; 2:4Kabiji aye Lesa, wayuka michima, washimuna kobaji, byo ebapele Mupashi Wazhila, byonka byo etupele atweba. 9Kabiji kechi witupusenye atweba ne abo ne, pa kutokesha michima yabo ku lwitabilo. 10Lelo kabiji pano, mambo ka kyomwasakila kweseka Lesa, pa kubiika kikonkoji panshingo ya baana babwanga kyakankelwe bashakulu betu ne atweba bene kwikisenda? 11Bino atweba twaitaba namba ko konka ku bupe bwa Nkambo Yesu kotukapulukila pamotu ne abo.”
12Ponkapo jibumba jonse jazhindaminetu nzo byo batatwile kumvwa ba Banabasa ne Paulo byo bebabujile biyukilo ne bya kukumya byaubile Lesa mu Bangentila kwi abo. 13Byo bapwishishe kwamba, kumvwa Yakoba amba.
“Anweba bakwetu, ng'umvwai amiwa!” 14Shimeona waji kwitupichilamo byatatwile Lesa kupempula Bangentila, afumyemo bantu na mambo a jizhina janji. 15Ne bino byaesakanatu na byambo bya bangauzhi. Monka mo byanembelwa amba;
16 #
Amo 9:11,12 “Panyuma ya bibye nkabwela,
kabiji kashimikulula jibiji tente wa Davida wapona.
Kashimikulula jibiji pamasala anji,
kabiji nkamwimika.
17Amba bantu bashalapo bamukebeshe Nkambo,
ne Bangentila bonse pamo batelwa na jizhina jami, Byo byaamba Yehoba usolola bino bintu 18kufuma ne kukala.”
19“Byonkabyo muno momo nalangulukila amiwa namba, kechi twibakatazhe aba Bangentila ba alulukila kwi Lesa ne. 20#Lupu 34:15-17; Levi 18:6-23; Levi 17:10-16Twibanembele amba, bazhile bimo byazhijikwa na bankishi, ne bulalelale, ne nyama yo baipaya ya kubula kwichila mashi, ne mashi. 21Mambo Mosesa kufuma ne ku myaka ya kala mu mizhi yonse uji naba kwiasapwila mambo anji, kasa atangwa mu mashinagoga mu moba a sabado onse.”
Nkalata yanembele bakulumpe ku Bangentila baitabila
22Ponkapo kyamwekele kuwama ku batumwa ne bakulumpe, ne kipwilo kyonse, kya kusala banabalume bamo kufuma mukachi kabo, ne kwibatuma ku Antioka kuya pamo ne ba Paulo ne Banabasa. Batumine Yudasa, jikwabo Basabasa ne Silasa, bakulumpe ba mu balongo, 23ne kwibatuma nayo ino nkalata amba;
“Kufuma ku Batumwa ne bakulumpe balongo benu, ku balongo bamu Bangentila bamu Antioka wa mu Silya ne bamu Kilikya, mutende bonse. 24Byotwaumvwa amba, bamo bafumine mwi atweba bemukatazha na byambo bya kuzhingichisha michima yenu, botwabujile kulaya atweba. 25Kituwamina atweba byotwaikala pamo ne kuswang'ana na muchima umo, kutongolamo banabalume bamo ne kwibatuma ko muji pamo na batemwe betu ba Banabasa ne Paulo, 26banabalume bataaya myeo yabo pa mambo a jizhina ja Nkambo yetu Yesu Kilishitu. 27Onkao mambo kyokyo twatumina ba Yudasa ne Silasa, bo bakemubuula bino bintu bimo pa kanwa. 28Mambo momo kyawamina kwi aye Mupashi Wazhila ne atweba pamo amba kechi twimutwike bisendwa bikwabo kukila bino byafwainwa ne, 29namba muzhile byo batapisha ku bankishi, ne kuja mashi ne, ne ku nyama yo baipaya ya kubula kwichila mashi, ne ku bulalelale. Umvwe anweba bene mukazhile ku bino mukoba bulongo. Shalaipo.”
30Byonkabyo abo byo bebatumine, baishile ku Antioka, kabiji byo bapwizhizhe pamo jibumba, bebapele ne nkalata. 31Kabiji byo beitangile ku bonse, basekejile na mambo a kwibatundaika. 32Kabiji ba Yudasa ne Silasa nabo, byo bajinga bangauzhi, be ba tundaikile balongo na byambo byavula, ne kukosesha michima yabo. 33Kabiji byo baikajileko moba amo, bebemenye mu mutende ku balongo, amba babwele ku bebatumine.#15:33 Amo ma buku akala a mu kigiliki ba nungako vesi 34Pakuba Silasa walangulukile amba, kyangwamina amiwa kwikala kuno konka
34Pakuba Silasa walangulukile amba, kyangwamina amiwa kwikala kuno konka. 35Bino ba Paulo ne Banabasa bashajile monka mu Antioka, kasa bafunjisha ne kusapwila mambo a Nkambo, ne bavula bakwabo pamotu.
Paulo ne Banabasa byo Baabene
36Kabiji pakupita moba amo Paulo wamwambijile Banabasa amba, Pano twayai tubwele na kupempula balongo mu mizhi yonse motwayilenga na kusapwila mambo a Nkambo, tumone byo baikala.
37Banabasa wasakile kusenda Yoano jikwabo Mako amba tuyenga nanji, 38#Byu 13:13Pakuba aye Paulo walangulukile amba, kechi kyawama kuya nanji aye witushile ku Pamfilya ne kuya ne atweba mu mwingilo ne. 39Ponkapo pabuukile lupata lwine lwakuuba ba abana ne kwabana, Banabasa wasendele Mako ke baye mu bwato ku Kipilusa, 40bino aye Paulo wasalulwile Silasa, amba ngye nanji, ne kwimana waimene, balongo byo bamufikizhe ku bupe bwa Nkambo. 41Ne aye wapichile monse mu Silya ne mu Kilikya na kukosesha bipwilo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.