MBEN ISRAEL IMBUT-MBUT NYEN 29
29
Mun di ibikuk yok bak tuhan mem Njap Ndig Ari Bingwam Nijep
(Im. 23:23-25)
1Suar idem yam ei mem njap ngon bou gi nigom ei bed gi nimuhwindacan bikuk yok bak tuhan lene harin dima igyai midyai di buhun mem njap dima a. Noro suar imiep pun mbrei nya. 2Suar ibui sapi pmot nikre ningut gom kin domba nikre ningut gom kin domba pmot nikre di ide njap dem ari bingwam gom ningut muhwindacan mem nibon midut nindig mindhe titut kep humti ba, bikwop mindhe-ndhe dima hagom bok-ba bi. Lene tuhan mijoi sut ninghap di ngge kei dima. 3Lene suar ittei tepun di iba mini zaitun bisrigsi mem nibon midut njita nibipai sigyo bak Allahti. Tepun kilo ningai mem bikwop sapi nikre ningut gom lene tepun kilo can mem domba nikre, 4lene tepun kilo gom mem bikwop domba pmot nikre ningut gom-gom lene nok. 5Ma iba kambir nikre ningut gom bibon midut nibiyai nikos ser sisarti. Tug hon nisinati dima lene ibindei ba, tuhan midip tut limwa Israel ide sisar. 6Lene midut dima mikum ei nibon midut nindig mindhe titut kep humti mem njap ngon bou gi nigom ba, bed gi nigom bitut nibon midut njita nibipai sigyo bak Allahti di ibon bikwop njap-njap kin nibon midut nindig mindhe titut kep humti bitut nibon midut njita nibipai sigyo bak Allahti kin nibon midut ba anggur ngei pima di ibon bikwop njap-njap cem. tuhan mijoi sut ninghap di ngge kei dima.
Mun di ibikuk yok bak tuhan mem Njap Ndig Nibikos Ser Sisar
(Im. 23:26-32)
7 #
Im. 16:29-34
Suar induk yam ei mem njap ngon bou gi nisimnai ei bed nimuhwindacan bikuk yok bak tuhan. Ma igyem njita bi mem njap dima cem ba, harin dima igyai midyai di buhun a. 8Suar ibui sapi pmot nikre ningut gom kin domba nikre ningut gom kin domba pmot nikre di ide njap dem ari bingwam gom ningut muhwindacan mem nibon midut nindig mindhe titut kep humti ba, bikwop mindhe-ndhe dima hagom bok-ba bi. Lene tuhan mijoi sut ninghap di ngge kei dima. 9Lene suar ittei tepun di iba mini zaitun bisrigsi mem nibon midut njita nibipai sigyo bak Allahti. Tepun kilo ningai mem sapi nikre ningut gom lene tepun kilo can mem domba nikre, 10lene tepun kilo gom mem bikwop domba pmot nikre ningut gom-gom lene nok. 11Ma iba kambir nikre ningut gom bibon midut nibiyai nikos ser sisarti bibikum ei kambir gom di ibui mem nibon midut nibiyai nikos ser ide limwa nya ide sisar pima kin nibon midut nindig mindhe titut kep humti kin nibon midut njita nibipai sigyo bak Allahti kin nibon midut ba anggur ngei pima cem di ibon bikwop njap-njap.
Mun di ibikuk yok bak tuhan mem Njap Ndig Ig Jibei Mpam Meng
(Im. 23:33-44)
12 #
Kel. 23:16, 34:22; Ul. 16:13-15 Suar induk yam ei mem njap ngon bou gi simnaimuhwidip ei bed gi nimuhwindacan ba, ikuk yok bak tuhan. Lene ma iba njap ndig dini bikon tuhan ninyeng kikau mem njap muhwindacan lene harin dima jiyai midyai di buhun a. 13Ei njap gi nigom lene suar ibui sapi nipmot nikre ningut simnaibrimigningai kin domba nikre ningut can kin domba pmot nikre di ide njap dem ari bingwam gom ningut simnaibrimigtai mem nibon midut nindig mindhe titut kep humti ba, bikwop mindhe-ndhe dima hagom bok-ba bi. tuhan mijoi sut ninghap di ngge kei dima. 14Lene suar ittei tepun di iba mini zaitun bisrigsi mem nibon midut njita nibipai sigyo bak Allahti. Tepun kilo ningai mem bikwop sapi nikre ningut gom-gom lene tepun kilo can mem domba nikre, 15lene tepun kilo gom mem bikwop domba pmot nikre ningut gom-gom lene nok. 16Ma iba kambir nikre ningut gom bibon midut nibiyai nikos ser sisarti. Lene midut dima mikum ei nibon midut nindig mindhe titut kep humti kin nibon midut njita nibipai sigyo bak Allahti kin nibon midut ba anggur ngei pima di ibon bikwop njap-njap.
17Ei njap gi nican lene ma ibui sapi pmot nikre ningut simnaibrimigcan kin domba nikre ningut can kin domba pmot nikre di ide njap dem ari bingwam gom ningut simnaibrimigtai mem nibon midut pima ba, bikwop mindhe-ndhe dima hagom bok-ba bi. 18-19Ma iba munkwas di noyam kin gi itin ei mem njap gi nigom pima bikum ei nibon midut nibui mindhe-ndhe dimati.
20Ei njap gi niningai lene ma ibui sapi pmot nikre ningut simnaibrimiggom kin domba nikre ningut can kin domba pmot nikre di ide njap ug ei ari bingwam gom ningut simnaibrimigtai mem nibon midut pima ba, bikwop mindhe-ndhe dima hagom bok-ba bi. 21-22Ma iba munkwas di noyam kin gi itin ei mem njap gi nigom pima bikum ei nibon midut nibui mindhe-ndhe dimati.
23Ei njap gi nibitai lene ma ibui sapi pmot nikre ningut simnai kin domba nikre ningut can kin domba pmot nikre di ide njap dem ari bingwam gom ningut simnaibrimigtai mem nibon midut pima ba, bikwop mindhe-ndhe dima hagom bok-ba bi. 24-25Ma iba munkwas di noyam kin gi itin ei mem njap gi nigom pima bikum ei nibon midut nibui mindhe-ndhe dimati.
26Ei njap gi nimuhwi lene ma ibui sapi pmot nikre ningut muhwindatai kin domba nikre ningut can kin domba pmot nikre di ide njap dem ari bingwa gom-gom ningut simnaibrimigtai mem nibon midut pima ba, bikwop mindhe-ndhe dima hagom bok-ba bi. 27-28Ma iba munkwas di noyam kin gi itin ei mem njap gi nigom pima bikum ei nibon midut nibui mindhe-ndhe dimati.
29Ei njap gi nimuhwindagom lene ma ibui sapi pmot nikre ningut muhwindaningai kin domba nikre ningut can kin domba pmot nikre di ide njap dem ari bingwam gom ningut simnaibrimigtai mem nibon midut pima ba, bikwop mindhe-ndhe dima hagom bok-ba bi. 30-31Ma iba munkwas di noyam kin gi itin ei mem njap gi nigom pima bikum ei nibon midut nibui mindhe-ndhe dimati.
32Ei njap gi nimuhwindacan lene ma ibui sapi pmot nikre ningut muhwindacan kin domba nikre ningut can kin domba pmot nikre di ide njap ug ei ari bingwam gom ningut simnaibrimigtai mem nibon midut pima ba, bikwop mindhe-ndhe dima hagom bok-ba bi. 33-34Ma iba munkwas di noyam kin gi itin ei mem njap gi nigom pima bikum ei nibon midut nibui mindhe-ndhe dimati.
35Ei njap gi nimuhwindaningai lene suar induk yam ei ba, ikuk yok bak tuhan lo, harin dima igyai midyai di buhun a. 36Ma ibui sapi pmot nikre ningut gom kin domba nikre ningut gom kin domba pmot nikre di ide njap ug ei ari bingwam gom ningut muhwindacan mem nibon midut nindig mindhe titut kep humti ba, bikwop mindhe-ndhe dima hagom bok-ba bi. Lene tuhan mijoi sut ninghap di ngge kei dima. 37-38Ma iba munkwas di noyam kin gi itin ei mem njap gi nigom pima bikum ei nibon midut nibui mindhe-ndhe dimati.
39Gima ne nicukti tut nibon midut nindig mindhe titut kep humti kin nibon midut njita nibipai sigyo bak Allahti kin nibon midut ba anggur ngei kin nibon midut nibiyai ningon kwes kin tuhan di suar ibikuk yok bak tuhan ei njap niyok ngon kep njap ndigsi di dikos tut ei su nya. Munkwas dini ter leu mun di ikwas tirigi ibigo gau ide nipreu mun kin mun di ikwas mem nibon midut nikwas mun mikuisi cem.
40Lene Musa tri tut tuhan nicuk noti dima yok hagom bak mben Israel.
Currently Selected:
MBEN ISRAEL IMBUT-MBUT NYEN 29: HAD
Highlight
Copy
Compare
Share
Want to have your highlights saved across all your devices? Sign up or sign in
