YUNUS 2
2
Yunus ngat nadi
1Tirigi Yunus gwam ei wau ninghopti lene noni ngat nadi bak tuhan di nide Allah bipai,
2“tuhan e, mun di buhun bibor dini cut igkep da lo, dahara Na leu api abuhup dihyet. Tirigi dibong ei gumihyep nimai nya ide ne dahara Na leu api amiap dihyet ba, ayok ngon kep da.
3Anjei da ug ei muk mpoti kikau bipek kin muk jou ba, muk di tti nindig bibor pias hagau da bibiam ttai da.
4Dikan bipia acom da bihigom leu Aho bei leu api midingat Ade Ig di kwes-kwau bou diyai him bu bi sren ug ri.
5Minyei ngwa dip krup tut da bikot da apino disar ei minyei jou ba, tum ngot kep diboua.
6-7Dicut ug ei muk jou dideu nungug nikiou nya bidikan bipia aom kusin ser dimbou heisi ei dibinyai dip bijo ninno.#2:6: Nipas kep dibinyai dip bijo ninno ndo tut gumihyep nimai nya ide. Tirigi diduhug-duhug nyen ne dingat nadi bak Na di tuhan di angat rin ei Ade Ig di kwes-kwau leu api amiap mun di dipai hwou biNa tu. tuhan di nok ditde Allah kon da leu minyei jou bidiyaijo hanyen.
8Yo di ikuk yok bak kwar di bon ninyeng bi nya yahagom ingon gom bu bi ba, ikes Na bihigom ei su.
9Noro midipai doia ba, dibinggei sut Na bidibui mindhe tut ninggrom ei Aho bei bidiyai igbit mun di dipreu ei mem Na hagom cem. Nani ne tuhan di teu tungwatu nya leu mun di buhun tak yok ri!”
10Tirigi Yunus ngat nadi nok rino wau njim tut noni hanyen ug ei muk nintig dip bit leu nok tuhan nicukti.
Currently Selected:
YUNUS 2: HAD
Highlight
Copy
Compare
Share
Want to have your highlights saved across all your devices? Sign up or sign in
