IBRANI 8
8
Yesus ne Imam Nibou Ndig di ya hacan mem nye ri
1 #
Mzm. 110:1
Mun di nyeni nisimbot dat dima ningat ne Imam Nibou Ndig di nok gima ya hacan mem nye ba, Noni gwam kui Allah di Sindem Bibor ninda com ei gwamti. 2Noni yai midyai nok Imam Nibou Ndig ei Ninsi Di Kwes-Kwau ei Tuhan De Prak Meng nsi di nijit di tungwatu nya iwin bi noro Tuhan Nonti win.
3Bikwop imam nibou ndig nya yahagom ittei mun di tungwatu nya ikwas tut Allah ba, ibibon midut nibui mindhe ei Noho bei. Gima rino suar ide Imam Nibou Ndig cem pwoi nide munkwas hi mem gima Noni kwas tut Allah. 4Gino Noni ningat rin ei dihyeisi dini ne Noni yai midyai nok imam bi lewo imam di ibon midut nibui mindhe nya yo rinaha bit leu nok Puig Yahudi niggai serti. 5#Kel. 25:40 Imam Yahudi igyai munti nya ndo bindo tut mun di jo ei gwamti. Allah sok kep Musa tirigi noni tin ei mem hok Allah De Prak Meng bipai binoni “Amiap e, suar abibon hagom bit leu nok bindo di dindo bina ei mbigdip dini.” 6Noro tini bu ne Yesus yai midyai imam di bon ninyeng dor njiriek imam pima yok ide midyai nya bit leu nok gi preu nijep di Yesus mbus ei mem Allah kin tungwatu nya bon ninyeng dor njiriek gi preu nitimiei lewo com nigau ei nipreu ei mem nyeti di kei bibor di dor njiriek bu.
7Gino gi preu nitimiei dem ne isuar gi preu nijep hi bi. 8#Yer. 31:31-34 Noro Allah um Nide limwa nya itunggweisi apino pai “Jimiap e, ei nidipti bu ne dibibon gi preu nijep mem Ditde limwa mben Israel kin Yehuda nya.
9Gi preu nijep dima noyam kin gi preu nitimiei di dibibon mem idigup-idigai bat nya tirigi dibrim yok kwei leu minu Mesir bi. Yoni ingon gom tut gi preu di dibibon mem yok dima bi. Gima rino dikes yok ei leu api dinyohou yok bu bi.
10Noro tini bu ne dibon gi preu dini mem mben Israel. Ei nidipti bu ne Tuhan pai ‘Midindim dicuk yokti nya ei ibou ngwakti bidipas hagom ei ingonti. Mpe dima lene Dani midinok ide Allah lene yoni minok Ditde limwa nya.’
11Suar ingginau isut bat nya bitri tut bak ide bat nya cem bipia ‘Suar aba angon bisrip tut Allah’ nok bu bi Lewo bikwop yo di ibon inyeng bi nya bipek kin yo di inyeng jei nya yahagom iba ingon bisrip tut Da.
12Midikos ser ide nitunggweisi nya di bindei ba, ingon mui lene diyok ngon kep ide sisar bu bi.”
13Tirigi Allah pai sut gi preu nijep lene nipaisi dima bindei ba, Noni cut gi preu nitimiei bibindei ba, sindem bu bi ba, nggun cem. Lewo jei bi lene mun di sindem bi ba, nggun dima mipror ri.
Currently Selected:
IBRANI 8: HAD
Highlight
Copy
Compare
Share
Want to have your highlights saved across all your devices? Sign up or sign in
