AMOS 2
2
Moab
1 #
Yes. 15:1–16:14, 25:10-12; Yer. 48:1-47; Yeh. 25:8-11; Zef. 2:8-11 tuhan pai “Timiei minu Moab ibon sisar ninyen. Ide sisar bindei ba, dikes hukum ei yok dip. Lewo ibon mun kinei sut Nibou Ndig Edom di mai su tirigi inggek nijui bigyai ninjum nya lene indig kep hum ba, wer atriem ndung. 2Gima rino midipinak hum di cig-cai ug ei minu Moab leu api hum dima miyem timiei minu ndig Keriot ide tentara nibousi di igya coi nya. Mben Moab mitug ndei nimai ei tentara nya di imiep pun mbrei bighyet sra tut pran nya ikieti tirigi ikon pran bit yam. 3Midibindei ba, nibou ndig minu Moab kin yo di igya kui noni ei minu dima yahagom itug ndei nimai.”
Yehuda
4 tuhan pai “Timiei minu Yehuda ibon sisar ninyen. Ide sisar bindei ba, dikes hukum ei yok dip. Lewo itunggwei Ditde nicuk yokti nya bingkek ndok tut Ditde nipingokti nya. Nung nya di idigup bat-idigai bat nya ikuk yok bak ibindei ba, mben Yehuda israwir. 5Gima rino midipinak hum di cig-cai ug ei minu Yehuda leu api hum dima miyem tentara nibousi di igya coi nya ei minu ndig Yerusalem.”
Allah mikes hukum ei mben Israel dip
6 tuhan pai “Timiei minu Israel ibon sisar ninyen. Ide sisar bindei ba, dikes hukum ei yok dip. Lewo yo di inyeng nya itri no di ningon gom di bit bon kum ningwam di dahat kan bi nok awak kin no di nuhui mbum di bit bon kum ningwam di dahat di nimangti dem sandal can nibok kan bi cem. 7Ico kep yo di inghuisi jet kin yo di isindem bi birok yo di yuhui mbum ei itta. Nicig-nipmot yahacem ibimangkrei dinyeng di dia-diau kei tug hon gi igyem njita tut ide sop awak gom. 8Tungwatu nya ibong tut sinsun di ipos leu yo di yuhui mbum nya bidem ig mbusyameisi nya nok mun di bindo bipia yo dima mirop ide ningwam biyok bidem ig. Lene idut ba anggur ngei di ipos leu yo di ikum ide ningwam biyok bigyo nya ei Allah De Ig cem.
9 #
Ul. 3:8-11
Ditde limwa jen, mbro nok gima lo, dihwen mben Amori di intig bou jei tereu nok buom bisindem kei kin biei terpentin bitimek bingwig ei joho bei. 10Dibuwak je kwei leu minu Mesir leu api dibie tut je ei iggum ndigsi mem ari bingwam ningot bitai. Diyai mben Amori ide dihyei bije leu binhyepo jinyeng tak kep titut yam. 11#Bil. 6:1-8 Didimig jipmot bat nya ibou poi bidibindei ba, inok nabi nya. Didimig jide pinai pilei nya ibou poi bidibindei ba, inok nimpung Nazir#2:11 Nipas kep nimpung Nazir: Angig ayai kep Hak. 13:5. cem. Je di mben Israel e, gini hagom igbit rin bi e? Da di tuhan disimbot dat tu.
12Noro jibidip huk nimpung Nazir bijibindei ba, idut ba anggur ngei bitunggwei sut gi preu di dipreu ei bit yok. Jicuon ser nabi nya leu binhyepo itri tut dihyet bi. 13Nogindini midicai je ug ei dihyeisi apino jijjei-ka noyam kin kroba di mpung tut gandum ngan di buhun bibor. 14Bit bon yo di idor sindem bibor nya ingwes ngun kan bi. Yo di isindem bibor inghuisi jet bibor. Bit bon no di mimbri kui ningkek teu nonti biningwes ngun kan bi. 15Bit bon niprindei mun cig ya ngkiem ba, nidor sindem cig kin niba kuda binang cig ingwes ngun cem kan bi. 16Tirigi njap dima dem ne tentara nikon pran cig mikes nide minggwen nya hagom ei binang bihigom leu. Da di tuhan disimbot dat tu.”
Currently Selected:
AMOS 2: HAD
Highlight
Copy
Compare
Share
Want to have your highlights saved across all your devices? Sign up or sign in
