TESALONIKA GI NICAN 2
2
No Di Ba Nitok Bak Allah
1 #
1Tes. 4:15-17
Disut bat jen, ditigtai je tut Tuhan Yesus Kristus nikwei hanyenti kin niteu nye bigwam bit Noniti. 2Ma jingon kiowi niti bijingon bos-bos nyen tut yo di itri tut bipia Tuhan De Njap njiriek leu su au. Gino jikan bipia nihyet dima kwei leu nyeni tirigi nitri tut Allah ningon kanti e, he kwei leu gi hi di pingok jingonti tut e, he kwei leu mun di nipas hwou ei sratti bije e, lene gima hagom igbit bi. 3Mbro nok gima lo, ma jisindui sut yo di hiter ba, iris bije au. Lewo Njap dima nicunti mittau kep nye bi bibou nijam di tungwatu nya yaham imbuk kep Allah ningwigsi mipek kep nipou ug e. Mpe dima ne No Di Ba Nitok Bak Allah mittau kwei lo, Allah mibindei timek no dima ei hum njengti. 4#Dan. 11:36; Yeh. 28:2 No dima mitte tut mun di tungwatu nya ibikuk yok bak kin nung nya di ikuk yok bak hagom leu api mikon ninyeng jei dor njiriek ninyeng hagom bigwam jug ei Tuhan De Ig bitri tut bipia noni ne Allah ri.
5Apo jiyok ngon kep bipia ditri tut mun dini yok bije nipou tirigi dingat rin bit je bi e? 6Jikan tut mun nyeng gom jo ser bibindei ba, mun dima pek kep bigyo. No Di Ba Nitok Bak Allah mittau kwei mem nituti di Allah kos tut bak noni ei su. 7Nisindemti di yai kep mun di sibut kinyon ei nide midyaiti nding leu tungwatu nya igyai him tu. Noro mun nyeng gom om kep noni. Mpe dino mun di om kep dima kes ninda leu ne, 8#Yes. 11:4 No Di Ba Nitok Bak Allah mittau kwei. Noro tirigi Tuhan Yesus kwei hanyen ne Noni miba ninnei di hei leu nuhui bikos noni. Yesus nikwei hanyenti di sieng-siau kei dima mibindei timek noni. 9#Mat. 24:24 No Di Ba Nitok Bak Allah mittau kwei sut Bilis de nisindemti leu api bibon mindur ninyeng hagom bindo bindo di nijit bi nya mang bibor. 10Noni miba ninda di dut biris yo di yuug dor humti. Yo dima misar ei hum njengti drek dip gi ingkek ndok bipwoi nihyet di nijit ei ingonti bi ba, ikan bipia nihyet di sindem mem gima teu yok leu sisar biyai niyaijo nijep biyok bon ninyeng bi. 11Gima rino Allah mibindei mbut nisindemti ninyeng gom di bindei ba, ikrau tunggwei puig di nijit apino iba ingon com nihyet di nitrowai. 12Ningwigsi rino yo di iba yoho rok sisar kin yo di iba ingon com nihyet di nijit bi yahagom mitug ndei hukum.
Allah dimig je ei mem gima jiyai niteu leu sisarti kin niyaijo nijep
13Disut bat jen, suar nijem sigyo bak Allah bikwop njap-njap tut je dino Allah ningon ngakei je. Lewo Noni dimig je ei leu binhyepo jiyai niteu leu sisarti kin niyaijo nijep bibie#2:13: Nipas kep bibie cem kei lene nipas kep ei nimbie him cem kei. mem nindigsi nya tug hon Allah Ninnei de nisindemti di bibon je bijinok Nide limwa di ingon kwes nya bijiba jingon com nihyet di nijit. 14Allah hig je ei nok gima tug hon Nihyet Di Kei di nitri tut bije tu. Noni hig je ei leu binhyepo jiyai ide Tuhan Yesus Kristus nikei-kau-keisi ndrim hi mem jeni. 15Gima rino disut bat jen, ma jingon nddong ba, jikrau kep nipingok jeti di nijit-jau nya di tug hon nihyet di nitri tut bije kin srat di nipas hwou bije.
16Handei kon ba, ide Tuhan Yesus Kristus Nonti kin Icig Allah di ningon ngakei nye ibindei ba, ibrim ingkek kikau bigyok ingon mem mun di kei bibor tug hon Ide nisingat tut nyeti. 17Handei kon ba, ibiwin kep jingonti bisindem tut je cem leu binhyepo jiyai munti nya kin jipaisi nya hagom kei bibor.
Currently Selected:
TESALONIKA GI NICAN 2: HAD
Highlight
Copy
Compare
Share
Want to have your highlights saved across all your devices? Sign up or sign in
