YOHANES GI NIGOM 1
1
Nihyet di yai niyaijo nijep bak tungwatu nya
1 #
Yoh. 1:1
Nipas srat tut Nihyet di yai niyaijo nijep bak tungwatu nya dini bak jeni. Ba, Nihyet dima no rinaha habiei ei nimbie him kikau kwei bipek ammani kep. Nihyet dima tibim ei nitingou nsi cem ningat ningat bou niyai him cem niprios ningkek dip cem tu. 2#Yoh. 1:14 Tirigi Niyaijo dima hei ei nibreisi biningat Noni bou niyai him. Gima rino nitri tut mun di ningat bou niyai him ba, nipui sut niyaijo nijep di jo kikau nibousi di ningat rin bit Icig Allah leu api kwei ttau kep nye. 3Nitri tut mun di ningat bou niyai him di nimiap ei nitingou nsi bak jeni leu binhyepo jibicom yam bit nyeni ba, igyaijo nok gom kin Icig Allah kin Nipmot Yesus Kristus. 4Nipas kep srat dini leu binhyepo yahagom igyai nillei titut ei ingonti.
Allah ne nipigati ri
5Nimiap nihyet leu Allah Nipmot leu api nitri tut hanyen bije bipia Allah ne nipigati ngat rin ba, nidinditi poi mien hi jo ei Noniti bi sren. 6Gino ipai sut nyenti bipia igyaijo nok gom bit Noni lo, ingkwei-ngkwei nyen kep puig nidinditi ne gima nok iris mun tug hon ighyet kin igyai munti nya. 7Gino ikak puig nipigati bit Allah di ningat rin ei nipigati lene ingon kwes kin yam ba, Nipmot Yesus ninggrom piap nye leu sisar ninyeng hagom.
8Gino ipai sisar hi ntun nye him bi ne gima nok iris nyenti ba, Allah ningat rin ei ingonti bi. 9Gino ipai jit ide sisar bak Allah lene Noni miyai igbit nipreu ei mem nyeti. Noni ba ningon sren biyai nikos ser ide sisarti kin nipiap nye leu igyai munti di suwok nya hagom. 10Gino ipai sut nyenti bipia ibon sisar hi bi ne gima dem kep nok ipai kep Allah bipia Noni ne No di ris rin ba, ipwoi nihyet ei nyeni ingonti bi.
Currently Selected:
YOHANES GI NIGOM 1: HAD
Highlight
Copy
Compare
Share
Want to have your highlights saved across all your devices? Sign up or sign in
