Lɛta Fɔ Rom Wetin Dis Lɛta Tɔk Bɔt
Wetin Dis Lɛta Tɔk Bɔt
Pɔl rayt di Lɛta to di Kristiɛn dɛn na Rom so dat dɛn go rɛdi fɔ Pɔl wɛn i go fɛn dɛn lɛkɛ aw i bin dɔn plan fɔ du. Pɔl bin dɔn plan se in go te lili bit na Rom so dat i go wok wit di Kristiɛn dɛn we lib de, ɛn dɛn go gi am mɔni fɔ ɛp am wɛn i de go Spen. Pɔl rayt di lɛta fɔ ɛksplen wetin Kristiɛn fɔ biliv ɛn wetin i fɔ de du fɔ sho se in biliv pan Jizɔs Krays.
Afta Pɔl dɔn tɛl di Kristiɛn dɛn na Rom adu, i tɛl dɛn se in de pre fɔ dɛn, dɛn i tɛl dɛn wetin mek i rayt dis lɛta ya. I rayt dis lɛta fɔ tɛl dɛn se: “Di Gud Nyuz de sho wi aw Gɔd de mek ɔltin rayt bitwin insɛf ɛn mɔtalman, if dɛn biliv; natin pas dat nɔ go mek dɛn rayt wit Gɔd.” (1:17)
Pɔl ɛksplen mɔ igen se, ɔlman dat na dɛn Ju pipul ɛn dɛn wan we nɔto Ju fɔ lɛ Gɔd mek ɔltin rayt bitwin insɛf ɛn dɛn, bikɔs sin de rul ɔlman na wɔl. Gɔd de mek ɔltin rayt bitwin in ɛn dɛn pipul we biliv pan Jizɔs Krays.
Currently Selected:
Lɛta Fɔ Rom Wetin Dis Lɛta Tɔk Bɔt: KRIO13
Highlight
Copy
Compare
Share
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.