Yilan-Yilan Koe Kuma-Kunyɛ
Kuma-Kunyɛ
Isirɛla mɔgɛnu bɔra Sinayi kɔnkɛ kɔrɔ wati min ha ka ta gbɛrɛn nyamanɛ wo ma Alla ya anu yili-madiya min na, Yilan-Yilan-Koe buku kɛ ye wo le yirala ma la. Kɛ bɛɛ kɛra san bi-nani kɔrɔ. Anu tora yilan-yilanna wati wo bɛɛ kɔrɔ bawo Alla ma sɔn anu denu ni don anuta nyamani-kurɛ rɔ ka a tɛgɛ anuta dɛnkɛninyabɛlitayɛ ma.
Yanni Isirɛla mɔgɛnu ni bɔ Sinayi kɔnkɛ kɔrɔ ka ta wulɛ rɔ, Musa ya mɔgɛnu dan. Wo kɔma, Musa ya mɔgɛ wonu kegeyɛ dan tun Mohabu nyamanɛ rɔ Yorodan bɛ tele-bɔɛ wara la. San bi-nanɛ kɛ kɔrɔ, Isirɛla mɔgɛ kɛnu tara ha Kɛdɛsi-Baniya soe Kenan nyamanɛ dugula wara la kɔnɔ Alla ya anu yili-madiya nyamanɛ min na, anu ma anu kian sɔ wo rɔ. Anu sigira nyɔ san siyaman. Wo kɔma, anu tara Yorodan bɛ tele-bɔɛ wara la tun. Mɔgɛ wo donu sigira nyɔ. A mɔgɛ toenu ya anu tabɛn ka Yorodan bɛ wo tɛgɛ ka ta Kenan nyamanɛ wo rɔ Alla ya anu yili-madiya min na.
Mɔgɛnu yisi magboyara ka kilan tɔrɔyɛ bolo nya min, ma si wo yen buku kɛ rɔ. Anu murutiyara ale Alla anubɛ ala wɔli-kɛlɛ Musa ma Alla ya min sɔ anu yarɔ. Alla ya ata mɔgɛnu tabira nya min hali anu sa ale Alla sako kɛla hali ka ala kumɛ bira, ma si wo karan fanan buku kɛ rɔ. Wati do, Musa yisi magboyara ala mɔgɛ wonu na kɔnɔ hali wo, a ya Alla gbiliya ka a wara-koe bira a sɛbɛ la.
Buku Kɛ Fara-Nya
Isirɛla Mɔgɛnu Bɔ-Koe Sinayi Kɔnkɛ Kɔrɔ 1.1–9.23
1. Mɔgɛnu Dan-Koe 1.1–4.49
2. Tɔn Donu Wara-Koe 5.1–8.26
3. Kanan-Ko-Ladiya Fila Nyɔgɛ Wara-Koe 9.1-23
Sinayi Kɔnkɛ Boloka-Koe ka Ta Mohabu Nyamanɛ Rɔ 10.1–21.35
Koe minnu Mara Mohabu Nyamanɛ Rɔ 22.1–32.42
Anu Bɔɛ Iyipiti ka Ta Mohabu, Wo Kuma-Gba-Masɛgi 33.1-49
Min Fɔra Anu Ye yanni Anu ni Tenbi Yorodan Bɛ Kɔma 33.50–36.13
Currently Selected:
Yilan-Yilan Koe Kuma-Kunyɛ: KCLB
Highlight
Copy
Compare
Share
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.