Yilan-Yilan Koe 36
36
Furu-Musinuta Kɛɛ Wara-Koe
1Yusufu ya Manasa sɔrɔn. Manasa ya Makiri sɔrɔn. Wo fanan ya Kaliyadi sɔrɔn. Kaliyadila dannu mara kebila-kunyɛnu na. Kebila-kunyɛ wonu ya anu kundɛn ka ta Musa anubɛ a kun-tigi-toenu bara. 2#Yilan-Yilan Koe 27.7 Anu ya a fɔ ko, “Mari ara a fɔ i ye nun ko wo ni lanyiri-nyamanɛ tala bɔnsɔnnu tɛma koron-nakɛ fɛ. Wo kɔma fanan, a ya a fɔ wo ye tun ko wo na-kelen-nyɔgɛ Silafihadila dunmusinu si anu fa kɛɛ-dugi sɔrɔn. 3Kɔnɔ wa wo miri, ni bɔnsɔn donu ya dunmusi kɛnu furu, mata dugi si dɔgɔya worɔ bawo mata dugi si to anuna keinu ye. 4Mɔgɔ-Halala-Fan-Lasɛgi-San natɛgɛnɛ wa ke wati min, a ya fan min mayira mɔgɛnu ma, anu si wo mumɛ bɛɛ lasɛgi a tigi ma. San wo nyɛrɛ la, anu si Silafihadila dunmusinu fanantɛ lasɛgi anuna keinuna bɔnsɔnnu ma. Wo si bɔ male bolo ka to anu bolo habadan!”
5Musa ya a fɔ Isirɛla mɔgɛnu ye ko, “Manasala mɔgɛnu ya min fɔ a bɛnta ka a ma wo nya na le 6bawo Mari ya a fɔ ko a bɛnta, dunmusi kɛnu ni furu anu bɔnsɔn-mɔgɛnu ma. 7Wo le si a ma, bɔnsɔn-wo-bɔnsɔn kɛɛ ti ta a ta-nyɔgɛ warɛ. Fɔ bɛɛtɛ ni to a nyɛrɛ bolo. 8Hali Silafihadila dunmusinu dɔrɔn ma, a mara Isirɛla dunmusu-wo-dunmusu la min bɛnta ka a fa kɛɛ sɔrɔn, wo tigi ni furu a fata bɔnsɔn-mɔgɛnu ma. 9Wo le si a ma, Isirɛla mɔgɛnuta kɛɛ si to a tigi bolo. Woletɔ wo ti kɛɛ ratantan. Bɔnsɔn bɛɛ si a halala kɛɛ sɔrɔn. Ka a fɔlɔ kɛ wati ma, kɛ si ma tɔn la wo ye.”
10-11Silafihadila dunmusinu minnu tɔgɛ le Mala, Tirisa, Hagila, Milaka, anubɛ Nowa, anu ya a ma iko Mari ya a fɔ nya min. Bɛɛ tora a na-kelen-nyɔgɛ ye. 12Anu tora Manasa bɔnsɔn-mɔgɛnu ye worɔ. Woletɔ anu fa kɛɛ mumɛ bɛɛsi tora a bɔnsɔn-mɔgɛnu ye.
13Tɔn le kɛ la Mari ya min fɔ Musa ye ka a fɔ Isirɛla mɔgɛnu ye wo tumɛ anu bi Mohabu lɛɛ rɔ Yorodan bɛ dafɛ Yɛrikɔ ya-telen ma.
Currently Selected:
Yilan-Yilan Koe 36: KCLB
Highlight
Copy
Compare
Share
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.
