Matiyu Kuma-Kunyɛ
Kuma-Kunyɛ
Matiyuta kibara-nyimɛ kɛ si a lagbɛ ko Alla ya lanyiri kiri Kisi-Kɛlɛ minna ko la, wo le Yisa la, ado min bɛɛ fɔra ala ko la Lanyiri-Kɔrɛ rɔ, wo bɛɛ bɔra-a-la Matiyu bolo. Yisa sɔrɔnta Isirɛla mɔgɛnu tema, Yahudiyanu, kɔni. A tora anu tema ha a koloyara kɔnɔ kibara-nyimɛ kɛ sa anu dɔrɔn ye fɔ duninya-mɔgɛ bɛɛ.
Matiyu ya ala buku kɛ rabɛn a kilɛ fɛ. A da si bira Yisa sɔrɔn-koe ma ha ka a batasi-koe fɔ. Wo kɔma, Yisa ye nala kɔrɔbɔlɛ min sɔrɔnna Setanɛ bolo, wo bɛɛ sɛbɛnɛ buku kɛ rɔ. Wo ban, Matiyu ya a fɔ ko Yisa ya mɔgɛnu makawandi ka anu karan anubɛ ka anu nakɛndɛya Kalili sigisɔn rɔ. Wo ban, Yisa bɔra Kalili ka a telen Yerusalɛm. Min mara Yisala lɔgɔkun laban rɔ duninya kɛ rɔ, mɔgɛnu ya a faga nya min, wo sɛbɛnɛ buku kɛ rɔ. Ala ban, a wulita ka bɔ furinu tɛma.
Kibara-nyimɛ kɛ si a yira ko Yisa, karan-mɔgɔ-nyimɛ le, ado sɛnbɛ ye a bolo ka Allala tɔn fɛsɛfɛsɛ. A si Allala mansayɛ wara-koe karan a kilɛ fɛ. Ala karan faranɛ kan tina loli. 1. Duguran minnu bi Allala mansayɛ rɔ. Kɔnkɛ-kuma-kawandili-bɔɛ (sura 3–5) si wonu wara-koe lagbɛ iko anu sɔn ye nya min. A si a lagbɛ fanan anuta wɔli si ma nya min, anubɛ anuta duwɛ ye nya min, anubɛ anu ban-nya. 2. Ala karan-dannu sɔ-koe Alla-lɔnbɛlɛnu ma (sura 10). Yanni anu ni ta mɔgɛnu tɛma, Yisa ya anu karan min na, wo sɛbɛnɛ nyɔ. 3. Yisa ya tilinu tɛgɛ ka a bɛn Arinyɛnɛ wara-koe ma (sura 13). 4. Yisa ya ala karan-dannu lalɔn karan-denyɛ ye min na (sura 18). 5. Yisa ya ma karan ka a bɛn wati kɛla ko ma anubɛ Allala mansayɛ wati-natoe ma (sura 24–25).
Buku Kɛ Fara-Nya
Yisa Benba Bɔnsɔn Wara-Koe 1.1–2.23
Yɔni-Batasi-Kɛlɛta Kawandili-Koe 3.1-12
Yisa Batasi-Koe anubɛ A Kɔrɔbɔ-Koe 3.13–4.11
Yisata Wɔli Kalili Sigisɔn Rɔ 4.12–18.35
Ka Bɔ Kalili ha ka Ke Yerusalɛm 19.1–20.34
Yisata Lɔgɔkun Laban Yerusalɛm Waralɛ Rɔ 21.1–27.66
Yisata Lawulɛ ani A Yen-Koe Mɔgɛnu Bolo 28.1-20
Currently Selected:
Matiyu Kuma-Kunyɛ: KCLB
Highlight
Share
Copy
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.