Matiyu 12
12
Sulen-Tele Nyinikalɛnu
(Maraka 2.23-28; Luka 6.1-5)
1 #
Tɔn-Fɔɛ-Fila-Nyɔgɛ 23.25
Yisa tenbira sɛnɛ do rɔ Sulen-Tele ma tumɛ min, kɔnkɛ ye ala karan-dannu na nun. Woletɔ anu ya fui-fan-gbesi dabira ka a togotogon anu bolo tɔ ka a kole dɔn. 2Farisinu ya wo yen tumɛ min, anu ya a fɔ Yisa ye ko, “A mafɛlɛn ila karan-dannu bi min mala kɛ la Sulen-Tele ma. Anu bi mala tɔn tinyana wo la!”
3 #
1 Samuwɛli 21.1-6
Yisa ya a fɔ anu ye ko, “Dawuda ya min ma wo tumɛ kɔnkɛ ye anubɛ a keminɛnu na, wo ma wo karan bɛ, wa? 4#Saraka-Masɔlɛnuta Tɔnnu 24.9A donta Allala bɔn la. Biredi min dantɛgɛnɛ Alla ma, hali anu bi tɔn tinyana a dɔn tinɛ, anubɛ ala keminɛnu ya wo dɔn, ado saraka-masɔlɛnu denu dɔrɔn bɛnta ka biredi wo dɔn nun. 5#Yilan-Yilan Koe 28.9-10 Alla ya tɔn min di Nɛbi Musa ma, wo ma wo karan bɛ, wa? Saraka-masɔlɛ minnu bi wɔlila Allala bɔn la, wonu bi Sulen-Tele wonu tɔn tinyana. Kɔnɔ hali wo, anu yilikini ma. 6N bi a fɔla wo ye, fan do ye yan min kolo Alla-Bato-Bɔn ko. 7#Matiyu 9.13; Hoseya 6.6 A sɛbɛnɛ Allata kitabu rɔ ko, ‘N sa saraka-soge fɛ fɔ kinikinɛ.’ Ni wo ya wo kɔrɛ lɔn nun bɛrɛkɛ, wo ti mɔgɔ-magbalanɛ kɛnu yiliki, 8ado Sulen-Tele Mari le nde, Hadama-dan la.”
Kei Bolo-Faganɛ Lakɛndɛya-Koe
(Maraka 3.1-6; Luka 6.6-11)
9Yisa bɔra nyɔ ka ta Yahudiya-dina-bɔn do la Sulen-Tele wo ma. 10Kei do ye nyɔ min bole faganɛ a la kɔnɔ mɔgɛ donu bi nyɔ minnu bi a fɛ ka tɔgɛ sa Yisa la. Woletɔ anu ya a manyinika ko, “Ni mɔgɔ ya mɔgɔ dandan Sulen-Tele ma, wo si mala tɔn tinya, wa?”
11 #
Luka 14.5
Yisa ya anu yabi ko, “Sagɛ ye wole min bolo, ni a buira denka-wɛ rɔ Sulen-Tele ma, a tigi ti a layɛlɛ, wa? 12Ado nfan, mɔgɔni-gbuyi tenbira sagɛ la pirr! Woletɔ mala tɔn sɔnnɛ ko ma ni mɔgɛ dɛnbɛ Sulen-Tele ma.” 13Wo kɔma, a ya a fɔ kei wo ye ko, “I bole rasagan.”
A ya a rasagan. Nba a kɛndɛyara iko a bole doi. 14Wo le ya a ma, Farisinu tara ka anu nyɔgɔn yen Yisa kan ma, ni anu si ke ka a faga nya min.
Allata Wɔli-Kɛla Yabɔnɛ
15Yisa ya a faga-koe wo lamɔɛn Farasinu bolo tumɛ min, a bɔra nyɔ ka ta. Mɔgɔ siyaman bilara a fɛ. A ya kirayatoe bɛɛ lakɛndɛya. 16A ya a fɔ anu ye ko anu kana ala koe fɔ mɔgɛnu ye 17alako Nɛbi Aiseya ya Alla kuman-kan min natenbi, wo ni kanbali ko,
18 #
Aiseya 42.1-4
“N bara nna wɔli-kɛlɛ min yabɔ, wo le kɛ la.
N bara wo keni, ado wo ara n hɛnɛ feu!
N si nta Ni-Sɛnimɛ sa a kuma.
A si telenbagayɛ wara-koe fɔ sibole bɛɛ ye.
19A ti seren-seren mɔgɔ ma, ado a ti kuma a yisi ma.
A ti nyɛɛ nyama ma barɛ rɔ.
20Fanka sa mɔgɛ min na, a ti tɔrɔya sa wo kuma.
Yigi sa mɔgɛ min na, a ti wo yisi tinya.
A si to ko-nyimɛ kɛla ha telenbagayɛ ni nɔlɛ kɛ.
21Nba, mɔgɛ bɛɛ si anu yigi sa ale kuma.”
Yisa anubɛ Biyɛsiba
(Maraka 3.20-30; Luka 11.14-23)
22Nba, mɔgɛ donu nara kei do la Yisa wara. Fiyɔn le. A ti ke kumala fanan bawo nyinatoe le. Yisa ya a lakɛndɛya min kɛ, a wulita kumala anubɛ a yɛ lakara ka fen-yen kɛ fanan. 23Nyama bɛɛ kawara Yisa ma. Anu ya nyinikali kɛ ko, “Kɛ si ma Mansa Dawudala dan la min si na ma kisi, wa?”
24 #
Matiyu 9.34; 10.25 Farisinu ya wo lamɔɛn tumɛ min, anu ya a fɔ nyama ye ko, “A ye nyinɛnu gbenna bawo sɛnbɛ wo bɔnɛ nyina-kun-tigi bolo, Biyɛsiba, kɔni.”
25Anu bi anu mirila min ma, Yisa ya wo lɔn. Woletɔ a ya a fɔ anu ye ko, “Ni mɔgɛnu bi anu nyɔgɛnu kɛlɛla nyamani-wo-nyamani rɔ ka dan-nafarɛ sa anu nyɔgɔn tɛma, nyamanɛ wo ti mɛ! Ni so-burɔ-mɔgɛnu bi anu nyɔgɛnu kɛlɛla, ni wo ma, denbayɛ ka dan-nafarɛ sa anu nyɔgɔn tɛma, wo si tinya pɔ! 26Ni mɔgɛ doinu bi anu nyɔgɛ kɛlɛla Setanɛla mansayɛ rɔ, wo kɔrɛ le ko dan-nafarɛ ara ban sala anu tɛma feu! Anu si ke sɔla kama? 27Wo ye a fɔla ko n bi nyinɛnu gbenna bawo nyina-kun-tigi Biyɛsiba le ye sɛnbɛ wo dila n ma. Nba, yon bi sɛnbɛ dila wola mɔgɛnu ma worɔ ka nyinɛnu gben? Wola mɔgɛnu bi a yirala wo rɔ ko wo foni feu! 28Kɔnɔ ni Allala Ni-Sɛnimɛ le ye anu gben-sɛnbɛ dila n ma, wo ye a yirala wo rɔ ko Allala mansayɛ ara ke wo ma nun. Ka, a sa wo nya?
29“Mɔgɔ-wo-mɔgɔ ti ke sɛnbɛ-tigila bɔn tinyana ka a bolo-fannu bi fɔ ni a ya sɛnbɛ-tigi wo kiri fɔlɔn. Wo kɔma, a ni bon-burɔ-fannu bi.
30 #
Maraka 9.40
“Mɔgɔ-wo-mɔgɔ min sa nde fɛ, wo ye n kan ma. Min sa n dɛnbɛna ka fannu nadɛn, wo ye wonu tanyɛnsɛnna. 31Wo le ya a to, n bi a fɔla wo ye ko mɔgɛnu bi hakɛ min bɛɛ kɛla anubɛ anu bi kuma-yogomɛ min bɛɛ fɔla, anu ma si koto wo bɛɛ la. Kɔnɔ min bi kuma-yogomɛ fɔla Allala Ni-Sɛnimɛ ma, a ma ti koto wo la. 32#Luka 12.10 Min si kuma-yogomɛ fɔ nde, Hadama-dan ma, a ma si koto wo la. Kɔnɔ mɔgɔ-wo-mɔgɔ min si kuma-yogomɛ fɔ Allala Ni-Sɛnimɛ ma, a ma ti koto bi, a ma ti koto habadan!
Kɔlɔma anubɛ A Gbɔɛ
(Luka 6.43-45)
33 #
Matiyu 7.20; Luka 6.44 “Ka kɔn-gbɔ-nyimɛ sɔrɔn fɔ kɔlɔma-sabatinɛ ni taran i bolo. Kɔlɔma min sabatini ma, ni wo ye i bolo, wo gbɔɛ ti mɔgɔ munanfaga. Kɔlɔma si lɔn a gbɔɛ le fɛ. 34#Matiyu 3.7; 23.33; 15.18; Luka 3.7; 6.45 Wo sɔn yogo iko duguma-fannu. Wo sɔn yogoyanɛ min kɛ, wo si ke kuma-nyimɛ fɔla kama? Ado nfan, mɔgɛ yisi fannɛ min na, a dɛ ye wo le fɔla. 35Mɔgɔ-nyimɛ si ko-nyimɛ labɔ ata nyimayɛ rɔ. Sɔn-yogoma-tigi si ko-yogomɛ labɔ ata sɔn-yogomɛ rɔ.
36“Nba, n ni a fɔ wo ye, kiti-tɛgɛ-lunyɛ, mɔgɛnu bi kuntanya-kumɛ min bɛɛ fɔla, anu si anu dantɛgɛ Alla ye wo bɛɛla ko la. 37Nba, Alla si mɔgɛ bɛɛ kiti anu kuman-kan le fɛ. A si yo sɔrɔn anu fɛ, a si yilikiyi sɔrɔn anu fɛ.”
Tamasere Nyini-Koe
(Maraka 8.11-12; Luka 11.29-32)
38 #
Matiyu 16.1; Maraka 8.11; Luka 11.16 Wo kɔma, tɔn-karan-mɔgɛ donu anubɛ Farisi donu ko, “Karan-mɔgɔ, ma ye a fɛ ka i yen kabana-koe do kɛla.”
39 #
Matiyu 16.4; Maraka 8.12 Yisa ya a fɔ anu ye ko, “Wole sɔn-yogoma-tiginu anubɛ Alla-lɔnbɛlɛnu, wo ye n manyinikala ko n ni kabana-koenu kɛ wo ye, nyɛ? Wo ti kabana-ko-gbɛrɛ yen fɔ Nɛbi Yonata kabana-koe. 40#Yona 1.17 Iko Nɛbi Yona ya su sawa anubɛ tele sawa kɛ yɛgɛ-ba burɔ nya min, nde, Hadama-dan si su sawa anubɛ tele sawa kɛ dugu kɔrɔ wo nya na le. 41#Yona 3.5 Ninɛfa so-burɔ-mɔgɛnu si anu nasɔ kiti-tɛgɛ-lunyɛ ka wo maburi bawo wonu ya Nɛbi Yonala kawandilɛ lamɔɛn tumɛ min, anu ya anu kɛ-nya yɛlɛma. Nba, n bi a fɔla wo ye ko mɔgɛ do ye yan min kolo Nɛbi Yona ko pirr! 42#1 Mansɛnu 10.1-10; 2 Ko-Kɔrɔta-Karan 9.1-12 Musu-mansɛ min bɔra Siba nyamanɛ rɔ don? Wo si a lasɔ kiti-tɛgɛ-lunyɛ ka wo maburi bawo ale bɔra ata nyamanɛ rɔ pon ka na a tole masɔ Mansa Silamɛnita hɛnkilimaya-karan la. Nba, n bi a fɔla wo ye, mɔgɛ do ye yan min kolo Mansa Silamɛni ko pirr!
Nyina-Yoge Sɛgi-Koe
(Luka 11.24-26)
43“Nba, nyina-yoge wa bɔ mɔgɔ fɛ tumɛ min, a si yilan-yilan wulɛ rɔ ka a sulen tinɛ nyini. Ni a ma kan tinɛ do yen, 44a si a fɔ a nyɛrɛ ye ko, ‘N bɔra bɔn min na, sɔn, n ni sɛgi nyɔ.’ Nba, a si sɛgi ka bon-takolɔn taran. A sɛninyanɛ. A bɛɛ rabɛnnɛ feu! 45A si ta worɔ ka na nyina wɔrɔnfila gbɛrɛ la a bolo minnu yogo ale nyɛrɛ ko. Anu si na ka anu sigi a fɛ bɔn wo la. Nba, mɔgɛ wola ban si yogoya ka tenbi a fɔlɔtɛ la. A si ma bita mɔgɔ-yogomɛnu na wo nya na le fanan.”
Yisa Na anubɛ A Dɔgɛnu
(Maraka 3.31-35; Luka 8.19-21)
46Yisa ye kumala mɔgɛnu ye tumɛ min, a na anubɛ a dɔgɛnu nara. Anu sɔra luyi ma ka nyinikali kɛ ko a yen-sɔgɛ ye anu na. 47Woletɔ mɔgɛ do ya a fɔ a ye ko, “N fa, i na anubɛ i dɔgɛnu sɔnɛ luyi ma. Anu bi i yen-koe rɔ.”
48Yisa ya a yabi ko, “N na ye yon na? N dɔgɛnu bi yonnu na?” 49Wo kɔma, a ya a bolo-nɔlɔnɛ sɔ ala karan-dannu na. A ko, “N na anubɛ n dɔgɛnu de kɛnu na! 50N Fa Alla min bi Arinyɛni tɔ, min bi a diyana-koe kɛla, n na-kelen-nyɔgɛ anubɛ n na le wonu na.”
Kuranko Common Language Bible © The Bible Society in Sierra Leone, 2006.