Saraka-Masɔlɛnuta Tɔnnu 8

Mɔgɔ Si Ma Saraka-Masɔlɛ la Nya Min

(Bɔ-Koe-Iyipiti 29.1-37)

1Mari ya a fɔ Musa ye ko, 2-3“Aruna anubɛ ala den-keminɛnu bi ka ta anu na nta Fani-Bɔn tenbi-bolɔn la. I ni na saraka-masɔ-kurɛnu na anubɛ tuli min si anu sɛninya nde, Mari yala. I ni na sarakɛ kɛnu na, tura-bulan min si ma hakɛ-sarakɛ la anubɛ saga-yigi fila anubɛ sende-nya kelen biredi la isiti sa min tɔ. Isirɛla mɔgɛ damasi ladɛn anu nyɔgɔn fɛ ka na wo taran nta Fani-Bɔn bolon dɛ la.”

4Musa ya a ma iko Mari ya a fɔ a ye nya min. Mɔgɛ damasi nara tumɛ min, 5Musa ya a fɔ anu ye ko, “N bi nala min mala wo yakɔrɔ kɛ la gbɛ, Mari nyɛrɛ le ya n sɔ wo la ka wo ma.”

6Musa ya Aruna anubɛ ala den-keminɛnu sɔ mɔgɛnu yakɔrɔ. A ya a fɔ anu ye ko anu ni anu nyɛrɛ ku iko tɔn ya a fɔ nya min. 7A ya duruku-kɔrɔ-don anubɛ duruku-ba-wɛ don Aruna kan na anubɛ a butɛ-kiri-fan. Wo kɔma, a ya duruku-nɛ#8.7 Duruku-nɛ: Hiburu-kan rɔ duruku-nɛ kɛ tɔgɛ le “Ifɔdi.” do bi min karanɛ tɛ-kiri-fan do ma. 8A ya kɔgɔ-dala-kurɛ bila a kan na anubɛ fen filɛ#8.8 Fen filɛ: Fen filɛ wo min bi saraka-masɔla-kun-tigi kɔgɔ-dala-kurɛ ma, wo si anu dɛnbɛ ka Mari diyana-koe lɔn. Anu tɔgɛ le Hiburu-kan rɔ ko, “Yurim anubɛ Tumin.” min bi wo ma, anu si Alla sako lɔn min fɛ. 9Musa ya saraka-masɔla-kun-tigiya-fulɛ wo bi ka a don Aruna salɛ la. A ya sɛnɛ-fagbataranɛ kiri ala fulɛ yarɔ. Sɛnɛ wo si a yira mɔgɛnu na ko ale dantɛgɛnɛ Mari ma. Musa ya wo dama ma iko Mari ya a fɔ a ye nya min nun.

10Wo kɔma, Musa ya tuli bi ka fan wonu dantɛgɛ Mari ma wo la. A ya a pusen Marita Fani-Bɔn ma anubɛ miran min bɛɛsi ye a burɔ. 11A ya tuli wo do bi tun ka a pusen saraka-mintan-tinɛ anubɛ a mirannu kuma iko wɔrɔnfila. Wo kɔma, a ya tuli pusen yi-sigi-miran anubɛ a sigi-fan ma iko wɔrɔnfila ka wo bɛɛsi dantɛgɛ Mari ma wo nya na le. 12Wo kɔma, a ya tuli kɛ Aruna salɛ rɔ ka a dantɛgɛ Mari ma. 13A banta wo mala tumɛ min, a ya Arunala den-keminɛnu nana ka anu sɔ mɔgɛnu yarɔ. A ya duruku-kɔrɔ-don don anu kan na ka anu butɛ kiri butɛ-kiri-fan wo la. A ya saraka-masɔlɛta-fulɛnu minimini anu salɛ ma iko Mari ya a fɔ a ye nya min nun.

14Musa nara tura-bulan wo la anu hakɛ-sarakɛla ko la. Aruna anubɛ ala den-keminɛnu ya anu bole sa a kunyɛ ma. 15Musa ya a faga ka a bolo-nɔlɔnɛ layigi a yele rɔ ka do sosa saraka-bɔ-tinɛ bolon nanɛ ma ka wo dantɛgɛ Mari ma. A ya a yele-toe bi ka a rawuya dugi ma saraka-mintan-tinɛ kɔrɔ. Wo le ya a ma, a ya saraka-bɔ-tinɛ dantɛgɛ Mari ma ka a sɛninya. 16A ya tura-bulan wo burɔ-kɛɛnnu bi anubɛ a kɔ-kili filɛ ka wonu sa a benya-bɛrɛ kuma ka wo bɛɛ sa tɛ rɔ saraka-mintan-tinɛ kuma. 17A ya a gbole anubɛ a sogenu anubɛ a nugi bi ka ta wonu na dagɛ kɔma ka anu mintan nyɔ gburr, iko Mari ya a fɔ ale Musa ye nya min nun.

18Musa banta wo mala tumɛ min, a nara a saga-yigi fɔlɔtɛ la ka a ma saraka-mintantɛ la. Aruna anubɛ ala den-keminɛnu ya anu bole sa wo kunyɛ kuma. 19Musa ya sagɛ wo faga ka a yele lakɛ saraka-mintan-tinɛ tɔnkɔn nanɛ bɛɛ ma. 20-21A ya sagɛ wo boso ka a burɔ-fan bɛɛsi anubɛ a wore filɛ maku. A ya a kunyɛ anubɛ a kɛɛn anubɛ a soge mumɛ bɛɛsi sa tɛ rɔ iko Mari ya a fɔ a ye nya min nun. Sarakɛ kɛ sumɛ ya a diya don Mari rɔ.

22Wo kɔma fanan, Musa nara a saga-yigi fila nyɔgɛ la ka Aruna anubɛ ala den-keminɛnu dantɛgɛ Mari ma. Aruna anubɛ ala den-keminɛnu ya anu bole sa sagɛ kɛ fanan kunyɛ kuma tun. 23Musa ya saga-yigi wo faga ka a yele do bi ka a don Aruna bolo-nyimama-tolo-lafɛlafɛ ma anubɛ a bolo-nyimama-gbungburu-wɛ ma anubɛ a bolo-nyimama-kin-gbungburu-wɛ ma. 24Wo kɔma, Musa nara Arunala den-keminɛnu na ka anu sɔ mɔgɛnu yakɔrɔ. A ya yele wo do bi tun ka a don anu bolo-nyimama-tolo-lafɛlafɛ ma anubɛ anu bolo-nyimama-gbungburu-wɛ anubɛ a bolo-nyimama-kin-gbungburu-wɛ ma. Musa ya a yele-toe lakɛ saraka-mintan-tinɛ tɔnkɔn nanɛ bɛɛ ma. 25A ya a kɔɛ anubɛ a kɛɛn bi anubɛ a burɔ-kɛɛn mumɛ bɛɛsi. Wo kɔma, a ya a kɔ-kili filɛ bi anubɛ a bolo-nyimama-wore ka wonu damasi sa a benya-bɛrɛ kuma. 26A ya biredi-lɔngbɔn kelen bi sende rɔ isiti sa min tɔ min dantɛgɛnɛ Mari ma. A ya biredi kelen bi fanan min tamagara tuli la anubɛ keki-dɔgɔmanɛ do. A ya wonubɛ sogo-kɛɛn sa bolo-nyimama-wore kuma 27ka wonu bi ka anu sa Aruna anubɛ ala den-keminɛnu bole tɔ. Wonu fanan ya a di Mari ma. 28Wo kɔma, Musa fanan ya wonu bi anu bolo tun ka anu sa tɛ rɔ saraka-mintan-tinɛ kuma ka a ma anu dantɛgɛ-sarakɛ la. Wonu sumɛ ya a diya don Mari rɔ. 29Musa ya sogo wo sisi bi ka a ma Mari nyansɛ la. Musa fanan, ata niyi-sarakɛ le wo sogo-sisi wo la a ya min dantɛgɛ Mari ma. Musa ya a ma iko Mari ya a fɔ a ye nya min nun.

30Musa ya tuli do bi anubɛ yele min bi saraka-mintan-tinɛ kɔrɔ ka wo pusen Aruna anubɛ ala den-keminɛnu ma anubɛ anuna saraka-masɔ-kurɛ minnu bi anu kan na. Kɛ le ya a ma, anubɛ anuna kurɛnu dantɛgɛra Mari ma.

31Musa ya a fɔ Aruna anubɛ ala den-keminɛnu ye ko, “Wo ni saga-yigi kɛ soge bi ka ta a la Marita Fani-Bon-dɛ la. Wo wa ban a tela nyɔ, wo si biredi wo bi min bi sende wo rɔ ka anubɛ wo dɔn anu nyɔgɔn fɛ. Tɔn le kɛ la Mari ya min fɔ. 32Ni soge anubɛ biredi-toe minnu tora, wo si wonu mintan. 33Wo kɔma, wo si to siginɛ Marita Fani-Bɔn tenbi-bolon-dɛ la tele wɔrɔnfila kɔrɔ. Tele wɔrɔnfilɛ wo wa ban tumɛ min, wola dantɛgɛ-koe ara kanbali worɔ Mari yala. 34Ma ya min bɛɛsi ma bi, Mari le ya ma sɔ ka wonu ma alako wola hakɛnu yama ni togon. 35Wo ni to siginɛ tenbi-bolon-dɛ la su-ke banda-ka ha tele wɔrɔnfilɛ da si fa. Ni wo ya wo tinya, wo si faga. Wo le kɛ la Mari ya min fɔ n ye ka a gbɛlɛya gben!” 36Aruna anubɛ ala den-keminɛnu ya a ma iko Mari ya a fɔ Musa ye nya min.

Currently Selected:

Saraka-Masɔlɛnuta Tɔnnu 8: KCLB

Highlight

Copy

Compare