Aiseya 9
9
1 #
Matiyu 4.15
Anu sɔrɔn-kila fenfen sa tɔrɔya-sufa kɛ la.
Mansɛ min Bi Nala Yarɔ, Wo Wara-Koe
Sɛbulɔn anubɛ Nafatali nyamanɛnu bi yarabiyi kɔrɔ fɔlɔ nun kɔnɔ tumɛ do si ke, nyamanɛ kɛnu si taran gbiliyɛ rɔ. Ka a fɔlɔ Mɛdetereniyan kɔgɔ-yi ma ha ka ke Yorodan bɛ kɔgɔma, hali Kalili nyamanɛ sundannu bi min tɔ, wo dama si taran gbiliyɛ rɔ.
2 #
Matiyu 4.16; Luka 1.79 Mɔgɛ minnu bi tagamana pinpi-fin-bɛ rɔ nun, wonu bara wan-takana-wɛ yen.
Anu siginɛ pinpi-makilanni-bɛ rɔ nun kɔnɔ kaka, tele ara fɛrɛn anu ma.
3E, Mari, i wara anu sewa-koe kɛ anu ye.
I wara min ma anu ye, wo ara a ma, anu bara nyagalen dɔgɔma-ma-de iko fui-fen-tɛgɛlɛnu.
Ni wo ma, iko kɛlɛ-dan bi fan minnu sɔrɔnna kɛlɛ rɔ, anu tenbi wonu farala.
4Mari, i wara dunu-gbilima-wɛ bɔ anu kuma.
I wara gbɛn da sawɛ bɔ anu kɔma.
Sibolo-gbɛrɛ minnu bi anu yakɔrɔ-mamɔla, i wara wonu nabui anu kɔrɔ.
I wara anu nabui iko i ya Midiyan kɛlɛ-dannu nabui nya min nun kɔrɔma la.
5Wola kɛlɛ-dannuna sanbarɛnu anubɛ yele ye duruki minnu ma,
wo bɛɛ ye mintanna le gburr!
6Dan do si sɔrɔn ma ye!
Den-kei dinɛ ma ma!
Wo si ma mala kun-tigi la.
Anu si a kele ko Makawandili-Kɛlɛ-Makawanɛ anubɛ Alla Sɛnbɛ-Bɛɛ-Tigi anubɛ Habadan-Fa anubɛ Yisi-Kima-Mansɛ.
7 #
Luka 1.32-33
Ata mansaya-dan sa. Yisi-kimɛ le ye ata mansayɛ rɔ burubukai!
A si mansayɛ kɛ a kebila Mansa Dawuda gbɛ rɔ.
Ka a bi wo wati ma ha tumɛ min di Alla ye,
ata mansaya-sɛnbɛ le tɔn-birɛ anubɛ telenbagayɛ la.
Mari Sɛnbɛ-Bɛɛ-Tigi ara a wakila wo kɛ-koe ma.
Isirɛla Tɔrɔ-Koe Mari Bolo
8Mari ara ban Isirɛla nyamanita-mɔgɛnu yilikila, Yakoba kegeyɛnu, kɔni. 9Isirɛla mɔgɛ damasi si a lɔn yati, ko Alla ara anu yiliki katarala minnu siginɛ Samariya soe burɔ, ado kaka, anu sa ko-wo-ko kun na fɔ kɔgɔ-ratugu anubɛ wasinteyɛ. Anu bi a fɔla ko, 10“Mala bɔn minnu dannɛ bɔnku-bulɔku la, wonu bara bui, woletɔ ma ye anu yɛlɛmana kuru-bɔn la. Kɔlɔma minnu manɛ bon-gbaran la, denkerenafan#9.10 Denkerenafan: Kɔlɔma le wo la min ta ma gbɛlɛ. le wonu na. Ma si wonu yɛlɛma yalɛ la.”
11Mari ara anu yogenu nawuli anu kan ma. 12Siriya minnu bi tele-bɔɛ wara la anubɛ Filisiti minnu bi tele-yigi wara la, wonu bara anu dɛ sa-a-ma fagba, Isirɛla mɔgɛnu dɔn-koe la. Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ anu tɔrɔ-koe la.
13Hali Mari Sɛnbɛ-Bɛɛ-Tigi ara anu tɔrɔ, Isirɛla mɔgɛnu ma anu sɔ anu hakɛ la, ado anu ma sɔn anu ya-lamununna a la. 14Mari si Isirɛla kun-tiginu anubɛ anuna mɔgɛ toenu tɔrɔ tele kelen kɔrɔ. A si anu kunyɛ anubɛ anu kɔɛ tɛgɛ a la gbat! 15Kina anubɛ mɔgɔ-ba minnu gbiliyanɛ anu bolo, anu kunyɛ le wonu na. Anu kɔɛ le nɛbi-foninya-fɔlɛnu na. 16Wonu minnu bɛnta ka kila-telennɛ yira mɔgɛnu na, anu ma wo ma fɔ ka kila-radunɛ yira anu na alako ka mɔgɛnu kɔndɔfili pirikali! 17Woletɔ Mari ti sɔn kemini-mɛsɛ wo fenfen kunyɛ ni bɔ a rɔ muk! Hali kelennɛnu anubɛ kɛɛ-nyaganɛnu, a ti kinikini wonu ma bawo Alla-lɔnbɛlɛ anubɛ karagbɛlɛ le mɔgɛ damasi la. Anu darɔ-kan bɛɛ yogo. Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ anu tɔrɔ-koe la.
18Mɔgɛnuna wunduyogoyɛ ye mintannɛ kɛla iko tɛ tenbi wɔnɔ-fira-gbalanɛ la. A si mintannɛ kɛ fanan iko tɛ tenbi kala-gbalɛ la. A sisi si yɛlɛ kulakula! 19Mari Sɛnbɛ-Bɛɛ-Tigita fondo-bɔ-belebele kɛ si mintannɛ kɛ ka nyamanɛ mumɛ bɛɛ mintan gburr! Mɔgɔ-wo-mɔgɔ ti a nyɔgɔn denkun. Bɛɛ paraparɛ si ta a kun fɛ. 20Anu tara kan-bo-kan, anu si dugu-matɔnbɔn-kɛ kɔnɔ hali wo, anu buyi ti fa. Hali anu sɔrɔn-den-bɛrɛ, anu si a dɔn. 21Hali Manasa kegeyɛ anubɛ Ifɛrɛm kegeyɛ si anu nyɔgɔn kɛlɛ. Wati do wa ke, anu na si kofu ka Yuda kɛnu kɛlɛ. Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ anu tɔrɔ-koe la.
Kuranko Common Language Bible © The Bible Society in Sierra Leone, 2006.