Aiseya 40
40
Yigi Sɔrɔn Kumɛnu
1Mari ya a fɔ nde, Aiseya ye ko
n ni ata mɔgɛnu niyi radiya.
2N ni Yerusalɛm kɛnu manugu-nɛgɛ.
Anu bara tɔrɛ min kɛ, wo da ra ara kolo,
ado anu hakɛ ma ara koto le gbɛ!
Mari ko a bɛnta, tɔrɔya sufa min ni sigi anu ma,
a ara ban wo sigila anu ma.
3 #
Matiyu 3.3; Maraka 1.3; Yɔni 1.23 #Luka 3.4-6Mɔgɛ do gbele-gbelen kan ye bɔla,
a ko, “Wo ni kilɛ rabɛn Mari ye wula-da-rakolɔn rɔ.
Wo ni tagama-kilɛ bɛɛ matelen mata Alla ye.
4Wo ni kɔnkɔ-gbɛran bɛɛ lafa
ka kɔnkɔ-wɛnu tii a yarɔ mɛmɛ!
Gburukulinu si ma lɛɛ la.
Nyamani-gbɔgɔsa-gbagasɛ ma si nunku.
5Wo bɛɛ wa ka-a-la, Marita gbiliyɛ ni na to bɔla gbɛ rɔ,
ado hadama-dan bɛɛ si kɛ rayen.
Mari nyɛrɛ-nyɛrɛ le wara kɛ fɔ.”
6 #
Yemesi 1.10-11; 1 Pita 1.24-25 Mɔgɛ do gbele-gbelen kan ye bɔla ko, “Nna kilayɛ lake!”
N ya nyinikalɛ kɛ, n ko, “N bi nfen kilaya sufa lakela?”
A fɔ ko, “Hadama-dan bɛɛ mani de dɔrɔn iko kalɛ.
Anu ti mɛ iko kala-fere ti mɛ nya min.
7Mari wa fɔnyɔ latugu anu ma tumɛ min,
binyɛnu na si fɔsɔ, kɔn-ferenu si bɔ anu su la,
ado mɔgɛnu siyi-fɛ ti yanya binyɛtɛ ko.
8Ɔnde, binyɛ la si fɔsɔ, kɔn-fere si bɔ a su la
kɔnɔ mata Allata kumɛ si to a gbɛ rɔ tolon!”
9Yerusalɛmta ko-mayonnɛ,
i ni ta kibara-nyimɛ lake kɔnkɔ-layan-bɛ kuma!
I ni i kan labɔ
ka kibara-nyimɛ wara-koe lawanka.
I ka kilan a mayonna.
A fɔ soe bɛɛ rɔ Yuda nyamanɛ rɔ ko
anuta Alla ye nala!
10 #
Aiseya 62.11; Lankɛnimayɛ 22.12 Ma Tigi Mari ye nala maralɛ-kɛla sɛnbɛ la.
A ara mɔgɛ min kunyɛ bɔ birɛ rɔ, a si na wonu na.
11 #
Isikiyɛli 34.15; Yɔni 10.11 A si ala mɔgɛnu fɛ-bira
iko saga-fɛ-biralɛ si ala sagɛnu fɛ-bira nya min.
A si saga-dannu kundɛn kan-tina-kelen
ka ta anu na a kɔnkɔn tɔ.
Wonu nanu si bila anu fɛ fungban!
Sanka ti Ke Isirɛlata Alla min Ma
12Mɔgɛ si ke kɔgɔ-yi sumanna a bole tɔ?
Mɔgɛ si ke san-kole sumanna a nunkan la?
Mɔgɛ si ke duninya-bɔnkɛ kɛla kalamɛ rɔ?
Mɔgɛ si ke fan do bila ka kɔnkɛnuna gbiliyɛ-yatɛ lɔn?
13 #
Romu 11.34; 1 Kɔrɛnti 2.16 Mɔgɛ si ke Mari labilala koe do la, wa?
Yon si ke Mari karanna ka a makawandi?
14Ka a ma, Mari ni ko nya-yen wo,
ka a ma, a ni kusanya ko mala wo,
Mari si yon manyinika wonu nadan tinɛ?
15Fenfen ma sibolenu na Mari yala.
Anu mani de iko yi-tinti kelan.
Yi-tɛma-duginu fɛyanɛ iko gbangban.
16Soge min bɛɛsi ye Lɛbanan gbɔngbɔn rɔ,
wonu ti saraka bɔ,
ado kɔn wonu ti saraka-mintan-sɔgɔ bɔ.
17Fenfen ma sibolenu na a yala.
Anu ti ko-wo-ko nyinya ale ma.
18 #
Kɛwɔlɛnu 17.29
Mɔgɛ si Alla sanka yon ma?
Mɔgɛ si ke Alla faranfasɛ lɔnna kama?
19A mani ma iko boloma-wɔli-kɛlɛnu bi bɛsɛ min lɛsɛla anuta allayɛ la
hali anu ya sɛnɛ latugu a ma
ka a makiri wodi-gbɛnu yɔlɔkɛnu na.
20Ni a ma ke sɛnɛ anubɛ wodi-gbɛ sɔrɔnna,
a si kɔn-mele donu bi min ti tuli.
A si boloma-wɔli-kɛlɛ do nyini min kɛwu kɔlɔmanu lɛsɛla
alako ala fen-lɛsɛnɛ wo kana na bui.
21Wo ma a lɔn, ba?
Min bara fɔ wo ye nun, bi ko ma wo la?
Duninya dabirara nya min, wo ma wo lamɔɛn bɛ nun, ba?
22Duninya-dannɛ le siginɛ ala mansaya-waganɛ rɔ.
A ye san-kole kɔma duninya kuma pon!
Mɔgɛ mani de a yala iko mɛnɛ-mɛnɛnɛnu.
A ya san-kole rafulen de iko yorolan,
ni wo ma, fani-bɔn.
23A si mansa-makawanɛnuna fanka-dɛ makeri
ka anu ma fufafuyi la.
24Mansɛ wonu mani de iko ki-fan
min bɔ-san anu suli labɔla.
Mari wa fɔn-fɛlɛfɛlɛnɛ lana,
anu si gbala iko bin-gbalɛ. Fɔnyɔ wo ni ta anu na pon!
25Mɔgɛ si Alla-sɛnimɛ sanka fan mintan ma?
A nyɔgɔn ye nyɔ?
26I yɛ layɛlɛ san-kole ma.
I yɛ ye lole minnu na wo la, yon ya wonu dan?
Min bi anu tatalala iko kɛlɛ-dannu,
wo le ya anu yirika lɔn,
ado a bɛɛ kelen-kelennamɛ tɔgɛ ye a bolo.
A fanka makawara,
hali lolo kolo-kelen-bɛrɛn ti tantan sɔgɔ.
27Kɛ dama rɔ, wole Isirɛla mɔgɛnu bi tola gbunyala
ka a fɔ ko Mari ma wo tɔrɔ-koenu lɔn.
Wo ko hali wo tora telenbɛlɛnu bolo la, Marita sa wo rɔ.
28Wo ma a lɔn, ba? Wo ma a lamɔɛn nun, ba?
Habadan-Alla le Mari la.
Ale le ya duninya dan, yɔ!
A ti bandan. A ti yunkun.
Mɔgɔ-wo-mɔgɔ ti ke a miriya lɔnna.
29Min tafaganɛ, ado anu munna ara tɛgɛ,
a si wonu sɛnbɛ don.
30Hali fonikenu, wonu mankulannɛ si to.
Kemini-posenu si to tɛgɛla anu kin kun na.
31Kɔnɔ minnu bi anu yɛ bɛnna Mari ma anu dɛnbɛn-koe rɔ,
wonu sɛnbɛ ma si to kofula.
Anu wara-koe si to yɛlɛla iko kokɛ wa a kanban rafulen san ma.
Anu si anu buri furr, kɔnɔ anu ti bandan.
Anu si tagama ha, kɔnɔ anu ta ti kun.
Kuranko Common Language Bible © The Bible Society in Sierra Leone, 2006.