Aiseya 18
18
Sudan Tɔrɔ-Koe Alla Bolo
1 #
Sɛfanaya 2.12
Mɔgɛ kɛnɛna kɔinkian kanbankan lamɔɛnna nyamanɛ do rɔ Sudan bɛnu kɔgɔma. 2Anu si mɔgɔ-banu sɔ ka bɔ nyamanɛ wo rɔ kulɔnnu tɔ minnu nadannɛ sensere la Nayɛli bɛ kuma. Kɔnɔ wole nyamani-yɛnu, wo sɛgi wo warɛ sarakanɛ kɛ la wo bolo. Wola mɔgɛnu tagbɛlɛ, anu yan, ado anu fɛrɛ nunkunɛ anu ma pinapina! Duninya-mɔgɛ mumɛ bɛɛ kilannɛ anu na. Wola nyamanɛ talanɛ bɛnu denu na.
3Duninya mɔgɛ bɛɛ, wo ni wo yɛ lata. Falafalɛ min bi tamasereyɛ la, wo ni wo yɛ lakalan wo ma kɔnkɛnu kuma. Wo ni wo tole masɔ buru-fɛ-kan la. 4Mari ya a fɔ n ye ko a si a kolan layigi ka bɔ Arinyɛni tɔ a fɛrɛma iko duri tenbi yigila dɔn-fen-tɛgɛ-wati la nya min anubɛ iko tele-wuyan tele-latelan rɔ. 5Ki-fannu ba fere, yanni wonu keri-wati ni ke, wo si a taran, Sudan kɛnu yogenu bara ban anu kasarala. Anu si anu nɔ tiriya iko muri ye tɔnbɔnna kɔlɔma bolɔn rɔ nya min. 6Anuna kɛlɛ-dannu furi si ma soge anubɛ konanu beli-fan la. Telemɛ rɔ, konanu si wonu dɔn. Samɛ rɔ, sogenu si wonu dɔn.
7Dugi kɛ min talanɛ bɛnu na, wati ye nala, nyamanita-mɔgɛ wonu si kɔ-fannu nana Mari Sɛnbɛ-Bɛɛ-Tigi ma, ado mɔgɛ wonu tagbɛlɛ, anu yan. Anu fɛrɛ nunkunɛ. Duninya-mɔgɛ mumɛ bɛɛ kilannɛ anu na. Anu si ta Yerusalɛm kɔnkɔ-sɛnimɛ kuma, mɔgɛnu si Mari Sɛnbɛ-Bɛɛ-Tigi bato kan min.
Kuranko Common Language Bible © The Bible Society in Sierra Leone, 2006.