Rumi MATA DUBBII
MATA DUBBII
Tatabe Paulo ta gara worra Rumi, wonti t'aafanifi aka imaltu Pauloni gara gumi Waaqa ta lafa Rumi jirtu d'aqu fed'u kurfeesani. Heregi isaa aka gumi Waaqa ta achi jirtu woliini hojate, duuba eege qarqaarsa worraatini lafa Spania d'aqu. Inni waan d'ugefacha ka hubate t'aafe, ammalle aka d'ugefachaani hujifi jireenna gumi Waaqaa keesaa mullatu garsiise. Duuba, kitaabi kunini d'aamsa Pauloni t'aafe ch'alla qaba.
Pauloni eegi gumi ta Rumi jirtu nagaya fuud'e, aka worraa Waaqa kad'ate iti hime waan tatabe suni t'aafeefi beesise: Odu Dansa keesa aka Waaqi d'ugefacha isaatiini d'uga namaa muru garsiisani: Karaani sunini d'ugefacha ch'alla (1.17).
Pauloni duuba dubbi tana jabeese. Inni waan jed'e, nami lafa keesa jiru ch'ufti Yahudifi gosa d'ibi tanaani Waaqa d'ugefachu malani aka akasiini d'uga hereganiifi, wonti akanatiifi nami ch'ufti akuma taka ch'ubbu qaba. Nama yo inni Yeso d'ugefate ch'alla d'uga Waaqa hereganiifi. Ammalle Pauloni jireenna haara Kristo keesa ka Waaqa iraa d'ufe garsiise. Nami d'ugefate nyaapa Waaqatiniti ammalle yayu Lubbuuni Waaqa ch'ubbufi dua jala baafte. Boqota 5—8 keesa Pauloni waan Seera Waaqaatiifi jabeenna Lubbu Waaqa, jireenna worra d'ugefate keesati garsiise. Duuba Pauloni haga dandau aka Yahudifi nami gosa d'ibi waan Waaqi nama ch'ufaa herege argatu iti game. Inni dubbi buufata aka diditini Yahudiini Yeso didde herega Waaqa ka Waaqi kara sunini nama ch'ufa eeba isaa ta Yeso keesatini d'ufu garsiise. Ammalle inni aka Yahudiini guyya ch'ufa Yeso indinne abdate. Pauloni ammalle aka gumiini Waaqa fidamu malte t'aafe, keesuma aka worri woljaalate woliini tau guddo jabeese.
Inni waan akana kana dubbata: aka Waaqaa hojatani, ammalle aka gumiini Waaqa nama lafa fidufi, ammalle woliini hojattu, waan kana ch'ufa aka garaa dansaani tolchani. Pauloni tatabe tana d'aamsa ufitiifi faaru Waaqaatiini buufate.
Boqota waan kitaaba kana ke jira
1.1-17 Mata dubbitifi dubbi jabdu.
1.18—3.20 Waan nami baafamu maleefi.
3.21—4.25 Kara Waaqa ka baafama.
5 Jireenna haara Kristo keesa.
9—11 Aka Israeliini herega Waaqa keesa jirtu.
12.1—15.13 Adaba gumi Waaqa.
15.14—16.27 Buufatafi nagaya namaa d'aamani.
Currently Selected:
Rumi MATA DUBBII: BOR
Highlight
Share
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.