Rumi 4
4
1Waan abaabo keenna Abrahamu ka nu d'ale maani jenna re? 2Yo sila inni waan tolcheefi d'uga Waaqa ira argate inni waan ufi guddisuufi inqaba. Ammo Waaqa durati ufi guddisu indandau. 3#Uum 15.6; Gal 3.6 T'aafiini waan jettu, Abrahamuuni Waaqa d'ugefate, maro d'ugefacha isaatiifi Waaqi nama d'uga isaani jed'e. 4Nami huji hojatu hori nyaata; horiini suni galataaniti, ammo waan inni hojate argate. 5Ammo nami huji inhojanne, ka Waaqa nama wollaala qabuuni, Inqabdu jed'e ch'alla d'ugefate, Waaqi d'ugefacha isaa ilaale d'uga heregaafi. 6Gaafa Daudiini waan gammada nama Waaqi huji male d'uga hereguufi dubbate, inni aka jed'e:
Fakeenna Abrahamu
7 #
Far 32.1-2
Ayyaana worra daba isaani araaramanifi wollaala isaani biraa deemanifi.
8Ayyaana nama Waaqi daba isaa iti inherenne!
9Gammadi Daudiini dubbate kunini ka worra qabanqaba qabate ch'allaa? Hiyyo ka worra qabanqaba inqabatinile. Wonti akanatiifi nu ya waan t'aafiini jettu himne, Abrahamuuni Waaqa d'ugefate, maro d'ugefacha sunitiifi Waaqi nama d'ugaa isaani jed'e. 10Wonti kunini yoomi taate? Eegi Abrahamuuni qabanqaba qabate mo, ato inni inqabatini? Ato inni inqabatini. 11#Uum 17.10 Inni eegi suni qabanqaba qabate, qabanqabaani tunini beesisa Waaqi isaa kenne, ka maro d'ugefacha isaatiifi d'uga isaa heregani agarsiifti, ato inni qabanqaba inqabatini. Tanaafi Abrahamuuni Abba worra Waaqa d'ugefate ka Waaqi d'ugaa heregeefi ch'ufa, ato qabanqaba qabachu d'ibaatele. 12Ammalle inni Abba worra qabanqaba qabate ch'ufa waan worri qabanqaba qabatefiniti, ammo waan worri faana d'ugefacha ta Abbaani keenna Abrahamuuni, ato qabanqaba inqabatini gula deeme gula yaanifi.
Khakhu Waaqa d'ugefachaani fud'atani
13 #
Uum 17.4-6; 22.17-18; Gal 3.29 Waaqi Abrahamufi d'aloota isaati kakhate, Lafa ch'ufa sii kenna jed'eeni, Wonti kakhu tana kennaniifi waan Abrahamuuni Seera jabeeseeniti, ammo waan inni d'ugefannaani Waaqi d'uga heregeefi. 14#Gal 3.18 Yo waan Waaqi khakhate sila worra seera jabeese kennani, d'ugefachaani nama woma keesa injirtu, ammalle khakhuuni Waaqa woma imbaatu. 15Seeri dalansu Waaqaatiini d'ufa; ammo fulla Seeri injirre Seera ch'absitileeni injirtu.
16 #
Gal 3.7
Wonti kakhuuni d'ugefacha qabaachu malteefi, aka kakhuuni suni tola taate, ilmaani Abrahamu ch'ufa geetu, ilmaani seera guutu ch'allaaniti ammo ta aka Abrahamuuni d'ugefate d'ugefatele. Wonti akasiitifi Abrahamuuni abba nuu ch'ufaati. 17#Uum 17.5 Akuma t'aafiini jettu, Anini yayu abba gosa heddu si tolche. Tanaafi seeri sunini fuula Waaqa durati dansa, Waaqi Abrahamuuni d'ugefate suni Waaqa worra due jiraachise waan duri injirre lafaani d'ufu. 18#Uum 15.5 Abrahamuuni d'ugefateti abdate, gaafa duri abdiini injirre, tanaafi abba gosa heddu tahe. Akuma t'aafiini jettu, Ilmaani tante heddu taati. 19#Uum 17.17 Gaafasi ganni isaa diquma d'ibba toko ingahiini ammo taatule d'ugefachaani isaa diqole ilaamne. Wonti akakatiifi inni nafa isaa ka diquma induiinifi aka Saraani maseena taateele inherenne. 20D'ugefachaani isaa diqole ilaamne, innileeni kakhu Waaqa ind'arefanne, ammo d'ugefachaani isaa jabeenna isaa kennite, inni Waaqa faarse. 21Inni aka Waaqi khakhu ufi guutu aka dansa d'ugefate. 22Maro waan kanatifi, waan d'ugefacha Abrahamutiifi, Waaqi d'uga heregeefi. 23Jecha, Waaqi d'uga heregeefi jed'u kana isa ch'allaa int'aamne. 24Ammo maro teennale ya t'aafani, nu ka Waaqa, Yeso Aabbo keenna duisa keesaa kaase d'ugefannule d'uga heregani. 25#Isa 53.4-5 Maro daba keennatiifi isa ijeesani, ammalle aka d'uga nu hereganiifi isa kaasani.
D'ugefachaani d'uga namaa heregani
Currently Selected:
Rumi 4: BOR
Highlight
Share
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.
