Rumi 2

1 # Mat 7.1; Luk 6.37 Ilaali, jaala kiyya, atini wollaala namati murta? Wonti atini tolchituufi injirtu, abba feetu taanaanile. Yo wollaala namati murte, ammo waan worri tolchu tolchite, atini wollaala ufiti murta. 2Nu imbeenna, aka yo Waaqi worra waan akana kana tolchu wollaala iti muru inni d'ugaa qabu. 3Ammo jaala kiyya, wollaala namati murtu suni atileeni intolchita. Waan mura Waaqa duraa baatu ufi seeta? 4Hegeri arjoomafi naasufi obsa isaa tuffatta. D'uguma arjooma Waaqa, aka inni daba ira si deebisu fed'u, inagarta. 5Ammo garaani kanke jaba hama. Tanaafi atini qorsuma tante, ta gaafa dalansufi qorsumaani Waaqa ta d'ugaa mullattule, iti darachu jirta. 6#Far 62.12; Mam 24.12 Waaqi nama ch'ufa huji inni tolche gula galata kennaafi. 7Nami gari waan dansa tolcheti guddinnaafi ulfinnafi jireenna ind'umanne barbaadata: nama akana kana Waaqi jireenna hegeri kennaafi. 8Nami gari ufo, waan qajeela dideti waan hamtu gula yaa: worra akana kana Waaqi dalansu iti baafata. 9Worra hameenna tolchu ch'ufa gaargalafi d'ukubsachati eegata, qaraa fiit'e Yahudi eegi suni gosa d'ibi. 10Ammo Waaqi worra d'uga tolchu guddinnaafi ulfinnafi nagaya kenna, qara Yahudi, eegi suni gosa d'ibi. 11#Qab-Ser 10.17 Wonti akanatiifi Waaqi nama gargari imfiilu.

12Nami Yahudi intahiini ka Seera Musa inqamne seera male daba tolche bada. Nami ato Seera qabu daba tolchu Seera jalati qorama. 13Maro Seera d'agayaniifi Waaqa durati d'uga inargatani, ammo maro waan Seeri fed'u tolchaniifi d'uga argatani. 14Gochiti d'ibiini Seera inqabdu; ammo yo fed'i ufitiini waan Seeri fed'u tolchitu, worrumati seera ufi taha, ato Seera qabaachu dibatele. 15Adabi worraa aka waan seeri fed'u garaa worraa keesati t'aafani agarsiisa. Qalbiini worraa aka wonti kunini d'uga agarsiifti, waan hojja gari heregi worraa worra himate hojja gari worraa dubbatufi. 16Duuba Odu Dansa anini odeesu gula, wonti kunini guyya Waaqi, maro Yeso Kristotiifi, waan garaa nama keesa jiru qoru taati.

Waan Yahudifi Seera Waaqa

17Atini ho? Yahudi ufiini jette; Seera d'aabatte, Waaqa beekha jette ufi guddiftu; 18waan Waaqi siraa fed'u imbeeta, ammalle aka qajeeluma fohatani, ya Seera iraa baratte; 19atini aka nama ballaani deemte, nama dukana keesa jiru ifse taatu, ufi beeta. 20Ammalle aka daalle qajeelchite nama wo imbeennele barsiiftu imbeeta. Ammalle aka Seera keesa hubachaafi d'ugaani jirtu imbeeta. 21Atini ka nama barsiiftu maafi ufi imbarsiimne? Atini ka inhatina jetteetini nama barsiiftu ma hatta? 22Ka d'iirafi nad'eeni wolbarate garayu wolintolfati jettu ufi ma tolchita? Atini ka waan harkaani boch'ani jibbite, maneeni waaqa isaani keesa wo hatta? 23Atini ka Seera Waaqa qaba jette, ufi guddiftu, maafi Seera isa ch'absite Waaqa ch'eersita? 24#Isa 52.5 Wonti akanatiifi t'aafiini waan jettu, Maro isani Yahuditiifi gochiti d'ibiini maqa Waaqa arabsiti.

25Yo Seera guute qabanqabaani tante wo sii baati; ammo yo Seera ch'absite qabanqaba qabachu d'ibaatele womaniti. 26Yo gochiti d'ibiini ta taka qabanqaba inqabatini Seera Waaqa guute, Waaqi aka nama qabanqaba qabate worra inheregu? 27Duuba gochiti d'ibiini isani Yahudi qorti. Ato Seera t'aafatani qabanqaba qabatanile, atini Seera ch'absita, ammo worri ato qabanqaba qabachu d'ibaatele Seera jabeesa. 28Ilaali Yahudiini d'ugaa ta qabanqaba qabate eennu; nama qabanqaba qabate alaani Yahudi fakaatuniti; 29#Qab-Ser 30.6 ammo Yahudiini d'ugaa nama garaani isaa d'ugumaani Yahudi tahu, ka garaani isaa qabanqaba qabate, wonti kunini huji Lubbu Waaqati, huji Seera t'aafaniitiniti. Nami akana kunini Waaqa iraa ulfinna argata nama iraa inargatu.

Currently Selected:

Rumi 2: BOR

Highlight

Copy