Rumi 15
15
1Nu worri d'ugefacha jabdu qabu laafinna worra lalaafa obsine ulfinna isaanii baachu malle. Ufi ch'alla gammachiisu himmalle. 2Ammo nami ch'ufti ha oboleesa ufi qarqaare gammachiisu, aka d'ugefacha keesati isa jabeesani. 3#Far 69.9 Wonti akanatiifi Kristoni ufi ch'alla ingammachiimne; ammo akuma t'aafiini jettu, Arabi nami si arabse ya nati deebie. 4Wonti akanatiifi waan t'aafi keesati t'aafani ch'ufa aka nu barsiisaniifi t'aafani, aka nu abdi maro jabeennaafi obsa t'aafiini nuu kennitu argannu. 5Waaqi, ka obsafi jabeenna namaa kennu, isani wold'ageesise akheekha Kristo Yeso gula isani yaasina, 6aka isaniini ch'ufti qonqo tokooni Waaqafi Abba Aabbo keenna Yeso Kristo faarsitani.
Odu Dansa ta gosa d'ibiti odeesani
7Akuma Kristoni isani fud'ate, maro guddinna Waaqaatiifi wolfud'ad'a. 8Anini isaniti hima, Kristoni hojattu Yahudi tahe, aka, aka Waaqi ka d'uga, agarsiisu; aka khakhuuni Waaqi jaaroleti kakhate d'ugaa taatu, 9#2 Sam 22.50; Far 18.49 ammalle aka gochiti d'ibiini dandeete, maro naasu isaatiifi, isa faarsitu. Akuma t'aafiini jettu,
Tanaafi anini maro teesaniifi gosa d'ibi keesa galata sii deebisa,
anini faaru maqa kanketi d'ahad'a.
10 #
Qab-Ser 32.43
Ammalle waan jettu,
Gammada, gosa d'ibi, gumi Waaqi fohate woliini!
11 #
Far 117.1
Ammalle,
Aabbo faarsa, gosa d'ibi ch'ufa,
guddisa isa faarsa, gosa ch'ufa!
12 #
Isa 11.10
Ammalle Isayani waan jed'u,
Nami d'aloota Yese ind'ufa;
inni olkaeti gosa d'ibi fida;
isiini abdi ufi isa gubbaa keyatti.
13Waaqi, ka abdi namaa kennu, gammadafi nagaya isanii kennina maro d'ugefacha teesani ta isani isa d'ugefattaniifi, aka abdiini teesani jabeenna Lubbu Qulqullotiini iti daramtu.
Waan Pauloni dubbi jabdu t'aafeefi
14Oboleyaani tiyya, anini aka isani dansoomaani guutamtani qalbi horattani, ammalle wolbarsiisu dandeetani imbeekha. 15Ammo tatabe tana keesati ya waan gari ta qara isaniti hime guddo iti jabaad'e isani qaabsiise. Anini waan Waaqi na eebise, 16hojattu Kristo Yeso aka gosa d'ibi keesa hojad'u na tolcheefi garaa jabaad'e. Anini Odu Dansa ta Waaqa biraa d'ufte aka qaallu odeesa, aka gochiti d'ibiini sorio Waaqi fed'u taatu, ta Lubbuuni Qulqullooni kurfeesiteefi. 17Maro Kristo Yeso keesa anini huji Waaqa hojad'eefi ufi guddisa. 18Anini garaa jabaad'eti waan Kristoni harka kiyyafi afaani kiyyaani tolche ch'alla odeesa, aka gochiti d'ibiini Waaqa ch'aqaftu. 19Inni huji tana jabeenna waan mamatiifi ka akheekhatifi ka lubbutiini tolche. Tanaafi haga Yerusalemuti haga Ilkiro anini ya Odu Dansa ta Kristo qit'eese odeese. 20Fed'iini tiyya aka Odu Dansa fulla nami ind'agayiiniti odeesu, aka yayaba nami d'ibiini jaare gubbati mana inijaarre 21#Isa 52.15 Akuma t'aafiini jettu,
Worri waan isaa namu iti inhimini inarga,
ammalle worri waan isaa ind'agayiinileeni inhubata.
Herega Paulo waan huji isaa
22 #
Rum 1.13
Maro waan kanatifi anini maro heddu gara keesani d'ufu dad'abe. 23Ammo amma huji tiyya ta arda kana ya hobaase, ammalle waan anini ganna heddu guddo isani argu fed'eefi, 24amma waan isani argu seha. Gaafa lafa Spania d'aqu isani ira bahu fed'a, aka isani imaltu tiyya keesati na qarqaartani, eegi anini diqo fulla teesani boqad'e. 25#1 Kor 16.1-4 Ammo ammatana aka gumi Waaqa qarqaaru Yerusalemu d'aqa. 26Wonti akanatiifi gumiini Makedoniatiifi ta Griki ya ufi baafte, aka hiyyeeyi gumi Waaqa ta Yerusalemu keesa jirtu horiini qarqaartu. 27#1 Kor 9.11Worrumati fed'e tolche, ammo sila hiyyeeyi suni qarqaaru malani. Wonti akanatiifi Yahudiini ya eeba lubbu gosa d'ibi kennite, tanaafi gochiti d'ibileeni waan qabduuni Yahudi qarqaaru malte. 28Eegi anini huji tana hobaase, hori baasani ch'ufa harka worrati kenne, imaltu lafa Spania d'aqa, duuba isani ira baha. 29Yo fulla teesani d'ufe, anini imbeekha, eeba Kristo mijuuni d'ufa.
30Anini isani kad'ad'a oboleyaani tiyya, maqa Aabbo Yeso Kristotiifi jaalala lubbuuni kennituni: kad'acha anini Waaqa kad'ad'u keesa isanileeni naa kad'ad'a. 31Kad'ad'a, aka anini worra ind'ugefatiini ka Yudea keesa jiru nagayaani jalaa bahu, ammalle aka huji anini hojad'u gumiini Waaqa ta achi jirtu quuftu. 32Duuba, gammada guddaani gara keesani d'ufa, yo Waaqi jed'e, ammalle aka dansa fulla teesani boqod'a. 33Waaqi, ka nagaya nuu kennu, isani ch'ufa woliini tahinna. Amini.
Nagaya d'aamatani
Currently Selected:
Rumi 15: BOR
Highlight
Share
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.
