Rumi 12
12
1Tanaafi oboleyaani tiyya maro naasu Waaqa guddotiifi anini isani kad'ad'a; aka sorio jirtu Waaqaa ufi baasa huji isaa hojad'a isa gammachiisa. Tunini aada d'ugaa ta isani tolfachuu maltani. 2Aada lafa tana jaalattani gula indeemina, ammo ha Waaqi garaa keesaniifi qalbi teesani jijiruuti. Yoosi fed'i Waaqa barattani, waan dansa, ka isa gammachiisa, ka qit'e.
3Maro eeba Waaqi naa kenneefi anini waan isani ch'ufaani jed'u: Ufi saaddani ufi inguddisiina. Ammo herega keesani keesati ufi diqeesa, ammalle nami ch'ufti d'ugefacha Waaqi isaa kenne gula ha ufi qoruuti. 4#1 Kor 12.12 Nafi nama mita heddu qaba, ammalle mitaani tunini ch'ufti huji ufi qabdi. 5Akasuma ato nu nama heddule taane, Kristo keesa nuuni ch'ufti nama toko, ammalle akuma mitaani nafa ch'ufti wolti ejitu, nuleeni wolti ejina. 6#1 Kor 12.4-11 Tanaafi waan qamnu ch'ufaani eeba Waaqi nuu kenne gula hojachu malle. Yo hujiini teenna dubbi Waaqa odeesiti taate, d'ugefacha Waaqi nuu kenne gula odeesu malle. 7Yo namaa hojanne, aka dansa hojachu malle. Yo nama barsiimne, aka dansa barsiisu malle. 8Yo nama d'ibi jabeesine, aka dansa jabeesu malle. Nami waan harkaa qabu namaani gahu fed'u ha arjoomaani gahuuni; nami nama dura deemu ha aka dansa dura deemu; nami namaa nahu ha gammadaani nahu.
9Jaalalti ha waan d'ugaa taatuuti. Waan hamtu jibba, waan dansa jabeesa. 10Aka oboleyaani Kristo keesa woli jaalad'a, ammalle woli ch'eera. 11Aka dansa hojad'a, ufuma intataiina. Garaa owaani Aabbo hojad'a. 12Abdiini teesani gammada isanii kennina, gaargala argattani obsaa, hojja ch'ufa Waaqa yaamad'a. 13Waan qabdaniini oboleyaani gaargala qabdu qarqaara. Worra keesaniti keessuma bulcha.
14 #
Mat 5.44; Luk 6.28 Worra isani gaargalchu eebisa; ee, eebisa, inabaariina. 15Worra gammadu woliini gammada, worra bohu woliini boha. 16#Mam 3.7 Nama ch'ufaani wold'aqa. Ufi inguddisiina, ammo huji isani diqeesitule hojad'a. Qaro ufi insehiina.
17Yo nami waan hamtu isani tolche waan hamtu isa intolchiina. Waan nami ch'ufti dansa sehu ch'alla tolcha. 18Haga dandeetani gama keesaniini, nama ch'ufa nagayaani woliini taa. 19#Qab-Ser 32.35Haalo imbaafatiina, jaalaani tiyya, ammo ha dalansuuni Waaqaa haalo isani baaftuuti. Wonti akanatiifi t'aafiini waan jettu, Anati haalo baasa, Aabbooni akana jed'e jetti. 20#Mam 25.21-22Ammo akuma t'aafiini jettu: Yo nyaapi kanke beela qabaate, nyaachisi; yo inni d'eebu qabaate, bisaani obaasi; yo waan kana tolchite, ch'ile owitu mata isaa gubbati guurta. 21Hameenni sii indabsatiini, ammo hameenna dansoomaani dabsad'u.
Jara lafa fidu ch'aqasu malani
Currently Selected:
Rumi 12: BOR
Highlight
Share
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.
