Henna 1
1
Henna qara ka Israeli hedani
1 #
Hen 26.1-51
Guyya qara ka jia lameeso, ganna lameeso ka eegi worri Israeli lafa Misiri keesaa bahe, lafa aloo ta gamooji ta Sinai jed'ani keesati, AABBO Waaqi Waaro Woyyuma keesati waan Musani jed'e, 2Sifi Harunini, worra gosa Israeli, manafi balbala worra isaani gula, heda. Nama d'iira ka 3ganna diddamati oli, ka duula d'aqu dandau ch'ufa, maqa t'aafa. 4Hojja huji suni hojattani, nama balbala toko mataa gosa ch'ufa keesa, ka isani wahelchu, fohad'a. 5-16Nami balbala gosa tokoti mataa, ka gosa ch'ufa keesa huji tanaafi gumi Keesaa tohatani, kana:
Gosa*t*Jaarsa fohatani
Reubeni*t*Elisuri ilma Shedeuri
Simeoni*t*Shelumieli ilma Surishadai
Yuda*t*Nahashoni ilma Aminadabu
Isakari*t*Nethaneli ilma Zuari
Zabuloni*t*Eliabu ilma Heloni
Efraimu*t*Elishama ilma Amihudi
Manase*t*Gamalieli ilma Pedasuri
Benjamini*t*Abidani ilma Gideoni
Dani*t*Ahiezeri ilma Amishadai
Asheri*t*Pagieli ilma Okirani
Gadi*t*Eliasafu ilma Deueli
Naftali*t*Ahira ilma Enani
17Musafi Harunini qarqaarsa jara kud'ani lama Kanaani, 18gumi ch'ufa guyya qara ka jia lameeso wolti yaamini, nama ch'ufa manafi balbala gosa worra gula t'aafani. Maqa nama ganni isa diddama oli ch'ufa hedani t'aafani, 19akuma AABBO Waaqi Musani jed'e lafa aloo ta Sinai keesati inni maqa worra t'aafe. 20-46Nami ganni isaa diddama oli, ka duula d'aqu dandau, manafi balbala gosa worra gula t'aafani, haga gosa Reubeni ilma angafa ka Yakobooti iti keeyatani. Henni worra yo ch'ufa wolti deebisani akana:
| Gosa | Henna |
|---|---|
| Reubeni | 46,500 |
| Simeoni | 59,300 |
| Gadi | 45,650 |
| Yuda | 74,600 |
| Isakari | 54,400 |
| Zabuloni | 57,400 |
| Efraimu | 40,500 |
| Manase | 32,200 |
| Benjamini | 35,400 |
| Dani | 62,700 |
| Asheri | 41,500 |
| Naftali | 53,400 |
| Ch'ufti wolti: | 603,550. |
47Gosa Lawi ammo gosa taani woliini int'aamne, 48wonti akanatiifi AABBO Waaqi duri waan Musani jed'e, 49Gaafa nama duula d'aqu dandau heddu, gosa Lawi iti indarini. 50Fulla suni worra Lawi huji Waaro tiyya ta Woyyumatiifi ta miha isii iti kenni. Worri ha waaro sunifi miha isii baate, keesa hojate, d'aatu isii qubatuti. 51Hojja godaantani ch'ufa, worri Lawi ha waaro suni hiikhe, fulla iti qubatani ch'ufati jaaruti. Nama d'ibi, ka waaroti d'iaatu, ha ijeesani. 52Worri Israeli kaani ha mana manani abbu waaro ufi jaaratuti, nami ch'ufti goli isaa woliini ha bandera ufi qabaatuti. 53Ammo worri gosa Lawi ha d'aatu Waaro Woyyuma qubate qorqoratuti, aka nami tokoleeni iti d'iaate akasiini dallansuuni tiyya gumi Israeli imballeesine. 54Duuba akanaani worri Israeli waan AABBO Waaqi Musani jed'e ch'ufa tolche.
Aka qutuma gosa Israeli qoodani
Currently Selected:
Henna 1: BOR
Highlight
Copy
Compare
Share
Want to have your highlights saved across all your devices? Sign up or sign in
Borana Bible © Bible Society of Kenya, 2019.
