Lawi 20
20
Waan nama ch'ubbu tolchu tolchani
1AABBO Waaqi waan Musani jed'e, 2Waan atini worra Israelitini jettu: Isanifi worra gosa d'ibi, ka isani keesa godaanule, yo nami toko ilmaani ufi waaqa Moleki jed'ani sorio baase nama suni ha gumiini ch'ufti d'akhaachani d'aanite ijeeftu. 3Hojja nami tokoleeni ilmaani isaa Moleki suni kenne Waaro Woyyuma t'ureese maqa kiyyale ch'eerse, anini nama suniti garagale, deebie gumi tiyyati isa inheregu. 4Ammo hojja gumiini isa lakifte d'akhaani ijeesu didde, 5anumati nama sunifi worra isaatiifi nama isa gula bahe na lakise Moleki kad'ate ch'ufa iti garagale balleesa. Anini deebie gumi tiyyati worra inheregu.
6Hojja nami worra ekhera wogaafatu gorsa iraa fud'achu d'aqu, anini nama suniti garagale deebie nama suni gumi tiyyati inheregu. 7Tanaafi ufi qulqulleesa, qulqullo taha. Wonti akanatiifi anini AABBO Waaqa keesani. 8Seera kiyya guuta, gula deema; wonti akanatiifi anini AABBO Waaqa isani qulqulleesu.
9 #
Bah 21.17; Mat 15.4; Mar 7.10 Nama abbaafi haad'a ufi arabsu ha ijeesani d'iiga isaa gubbuma isaati.
10 #
Bah 20.14; Law 18.20; Qab-Ser 5.18 Hojja nami niiti nama d'ibi barate, isaafi sunile ha ijeesani. 11#Law 18.8; Qab-Ser 22.30; 27.20Nami nad'eeni abba isaa bira rafe ya abba ufi ch'eerse, isaafi niiti sunile ha ijeesani. D'iigi worraa gubbuma worraati. 12#Law 18.15Hojja nami niiti ilma isaatini rafe isaafi niiti sunile ha ijeesani, worri ya waan male tahe, d'iigi worraa gubbuma worraati.
13 #
Law 18.22
Hojja nami d'iira akuma nama uwatiin rafu woliini rafe worri ya waan hamtu tolche, worra lachu ha ijeesani. D'iigi worraa gubbuna worrati. 14#Law 18.17; Qab-Ser 27.23Hojja nami haad'afi ilme wolti fuud'e, nami sunini ya waan daba tahe. Worra sadeenu ha gubanu ijeesani, aka dabi akasi sunini deebie isani keesa inteenne. 15#Bah 22.19; Law 18.23; Qab-Ser 27.21Hojja nami horiti jallate, nama sunifi hori sunite ha ijeesana. 16Hojja nad'eenileeni horini wolti jallatani isiifi hori sule ha ijeesani. D'iigi worraa gubbuma worrati.
17 #
Law 18.9; Qab-Ser 27.22 Hojja nami oboleeti isaa ta woliini d'alate taanaani, yokhaani ta haati d'ibiini d'alte taanaani fuud'e, isaafi isiile ha gumi durati ch'eersani gumi keesaa baasani waan inni ch'eera d'abe oboleeti isaatini rafefi inni gaargala suni argachu male. 18#Law 18.19 Hojja nami nad'eeni aada uwa qabdu bira rafe, worra lachu gumi keesaa baasu malani, wonti akanatiifi worri yayu aada qulqulluma ch'abse.
19 #
Law 18.12-14 Hojja nami adada yokhaani arera ufi bira rafe, worra lachu wollaali gubba worraati, waan worri waan ch'eera woltolcheefi. 20Hojja nami niiti abbuya isaa yokhaani nad'eeni oboleyaani abbaa isaatini rafe inni ya nama suni ch'eerse, isaafi niitiini sunileeni gati ufi argatani, deebiani ijoolle ind'alani. 21#Law 18.16Yo nami niiti oboleesa isaa fuud'e, worri ijoolle ind'alu. Inni yayu waan qulqullo intahini tolche oboleesa isaa ch'eerse.
22Seera kiyyafi aada tiyya ch'ufa jabeesa guuta, aka lafti Kanaani ta anini iti isani geesu, isani diddeufira isani ingussine. 23Aada gosa anini lafa suni keesa isani duraa gussu gula yaatani keesati infidamina. Waan worri waan hamtu akana kana ch'ufa taheefi anini worra jibbe. 24Ammo anini, lafa aananifi dammi aka lolaa yau tana fud'ad'a, d'aala isaniini jed'e. Anini AABBO Waaqa keesani, ka gosa ch'ufa keesaa koba isani baase. 25Tanaafi isani bineensafi simpirre qulqulloofi ta qulqullo intahini, aka dansa gargari baasu maltani. Bineensafi simpirre qulqullo intahini inyaatina. Anini, wonti sunini qulqullooniti ya jed'e, tanaafi yo nyaattani qulqullooma d'abdani. 26Isani qulqullooftani nama kiyya tahu maltani, wonti akanatiifi anini AABBO Waaqa qulqullo. Ammalle anini gosa d'ibi keesaa koba isani baase, aka isani nama kiyya taatani.
27Nama ekhera wogaafatu, d'iira taanaani yokhaani uwa taanaan, ha d'akhaani ijeesani. D'iigi nama waan akana kana tolehu ch'ufti gubbuma isaati.
Currently Selected:
Lawi 20: BOR
Highlight
Copy
Compare
Share
Want to have your highlights saved across all your devices? Sign up or sign in
Borana Bible © Bible Society of Kenya, 2019.
