ZAKARIA 7
7
Likhoya nende Lisangala
1Khumuhika kwa khane, Dario nali mwami, khulitukhu lia khane liu mweli wa tisa, nu kuli mweli kwa Kisilevu, Mwami Nyasaye yambolela inzi Zakaria likhuva lielie. 2Mumatukhu kenako, vandu vi litaala lia Betseli vali varuma Shareza nende Regemeleki nende vandu vavo, khwitsa khureeveshitsa vukhonyi khu Mwami Nyasaye, 3khandi khureeva vasalisi varumikhanga mu Litempeli liu Mwami Nyasaye wi Mikaanda Chiliihe nende vaprofeti, “Khutsililile khwikhula nu khuhonga vuchila khulia khu mweli kwa kharanu, khuli khwakholanga khumihika minyishi?”
4Nalwo lwa Mwami Nyasaye wi Mikaanda Chiliihe yambolela, 5“Reeva vandu voosi mu shivala shienesho halala na vasalisi: Lwa mwahonga vuchila khulia khandi numwikhula khu mweli kwa kharanu nende mweli kwa saba khumihika saba chiavira yecho, ni kilikali ninzi wachila numuhonga vuchila khulia? 6Lwa mwalia khandi nu mung'wa, shiliali lienya lienyu vene?”
7Shikali makhuva yaka nako ku Mwami Nyasaye yavoola khuvirila mu vaprofeti valiho mumatukhu kakhale, lwa litaala likali lia Yerusalemi liali na vandu vanyishi nende miandu, halala na mataala kalivotokhananga, khandi lwa vandu vanyishi vali ikuvanda wa Kanaani khandi khu vikulu vili hasi imbo wi vikulu?
Shivune Shiachila Nivahilwa mu Vuhaambe
8Mwami Nyasaye yavoolela Zakaria, 9“Inzi Mwami Nyasaye wi Mikaanda Chiliihe mbolanga, ‘Rweshitsi katoto mushiina, mukholele vandi malahi, khandi muvele vandi tsimbavasi. 10Muvuli khutambitsakhu mukhutsakhali inoho muvisandu, mucheni wumenyanga mu shivala shienyu inoho mumanani; khandi shia mulala khu munyi avuli khukanakanilakhu weshie vindu vitamanu.’
11“Navutswa vandu vaanje vambakhana khuhulishitsa; nivava vahaaka. Vakhunikha maroyi kavo khu vavuli khuhulila. 12Vali ni mioyo mitinyu khuli lwanda. Lwa vambakhana khuhulishitsa mechitso kaanje, ka navoolela vaprofeti vamenyanga mumatukhu kakhale, navavukulila vurima. 13Lwa vambakhana khumbulishitsa lwa navalaanga, nalekha khuvahulishitsa. 14Navasalanyinya khuli shihungutsi khuvahila ihale wene mu vandu vi tsimbia tsiosi, tsia vali nivakorwa. Valekha shivala shiavo inyuma, khu khali mundu avulakhuho watsiayo, inoho warulayo. Khulwa yako, shivala shiavo shiali shilahi shiene shiakalukhana ni shikwa shiangalangwi.”
Currently Selected:
ZAKARIA 7: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
