KHURULA 31
31
Vumbashi vwi Liheemo Litakatifu
(Khur 35:30—36:1)
1Mwami Nyasaye yavoolela Musa, 2“Mali khurovola Bezaleli, uli mwana wa Uri, mukuuka wa Huri, khurula mu vandu vuluhia lwa Yuda, 3khandi muheele tsingulu tsianje tsinyishi. Muheele limanya, vucheli, nende vunyali vu khukhola muhinzilu kwosi lukanu -- 4vu khulomba vindu vilahi viosi lukanu, khukhola mihinzilu khu itsahabu, ifetsa nende mukasa. 5Mali khumuha vucheli vu khukhonga machina ku khumbakha, khandi ku khurumishila khukhola mihinzilu chiosi. 6Mali khurovola khandi Oholiabu mwana wa Ahisamaki, khurula mu vandu vuluhia lwa Dani, khukhola mihinzilu naye. Mbele khandi vahinzili vandi vunyali vu khulomba vindu, khu valombe shia shindu shiosi shia navavoolela valombe: 7Liheemo Litakatifu, Lisanduku li Lilakano ni shindu shiu khukhunishila, vindu viosi vienyekhananga mu Liheemo Litakatifu, 8imesa nende vindu vili khuyo viosi, shikuru shi itaaha shialombwa khu itsahabu inyukhu muno nende vindu vili khushio viosi, vwaali vu khusambilakhu vubani, 9vwaali vwi vihanwa viu khusambwa nende vindu viosi vilikhu, lukalayi lu khusavilakhu nende lwalilu lwalwo, 10tsinguvu tsiu khukhola muhinzilu ku vusalisi tsindahi muno tsia Haruni nende vaana veve varumishila, lwa vakholanga muhinzilu ku vusalisi, 11makura ku mundu avekhwangwa khwirecheshitswa khu muhinzilu, nende vindu vihuunyanga mwayu mulahi vienyekhanga khuva Havundu Hatakatifu. Valalomba vindu vienevo viosi, khuli nakhuvoolela vakhole.”
Litukhu li Lisabato ni Liukhuhulukha
12Mwami Nyasaye yavoolela Musa 13avoolele Vaisraeli, “Mutsililile khukhola katushili khulitukhu li Lisabato lianje. Yishi shiliitsa khuva shimanyilu hakari henyu nende inzi khumatukhu koosi kaliitsa khuvaho, khu mumanye ndi ninzi Mwami Nyasaye, wu mukholanga khuva vatakatifu. 14Mutsililile khukhola katushili khulitukhu li Lisabato; shichila ni litukhu lienyu litakatifu. Mundu uliitsa khuchayakhu litukhu lienelo, aliitsa khwiirwa. Mundu uliitsa khukhola muhinzilu khulitukhu li Lisabato, aliitsa khwiirwa. 15Muli na matukhu sita ku khukholelamu muhinzilu kwenyu; navutswa litukhu lia saba ni litukhu litakatifu khwinzi. Mundu uliitsa khukhola muhinzilu khulitukhu lienelo, aliitsa khwiirwa. 16Vaisraeli valiitsa khutsililila khukhola katushili khulitukhu lienelo, khuli shimanyilu shi lilakano. 17Ni shimanyilu shiliitsa khuvaho khumatukhu koosi, hakari ha Vaisraeli nende inzi, shichila ninzi Mwami Nyasaye, waloonga khumatukhu sita likulu nende lilova; khandi khulitukhu lia saba nalekha khukhola muhinzilu manimbulukha.”
18Lwa Mwami Nyasaye yali namali khulomoloma na Musa khu Shikulu shia Sinai, yamuha machina kavili kakhongwa ka Nyasaye mwene yali ni yahandikakhu malako.
Currently Selected:
KHURULA 31: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
KHURULA 31
31
Vumbashi vwi Liheemo Litakatifu
(Khur 35:30—36:1)
1Mwami Nyasaye yavoolela Musa, 2“Mali khurovola Bezaleli, uli mwana wa Uri, mukuuka wa Huri, khurula mu vandu vuluhia lwa Yuda, 3khandi muheele tsingulu tsianje tsinyishi. Muheele limanya, vucheli, nende vunyali vu khukhola muhinzilu kwosi lukanu -- 4vu khulomba vindu vilahi viosi lukanu, khukhola mihinzilu khu itsahabu, ifetsa nende mukasa. 5Mali khumuha vucheli vu khukhonga machina ku khumbakha, khandi ku khurumishila khukhola mihinzilu chiosi. 6Mali khurovola khandi Oholiabu mwana wa Ahisamaki, khurula mu vandu vuluhia lwa Dani, khukhola mihinzilu naye. Mbele khandi vahinzili vandi vunyali vu khulomba vindu, khu valombe shia shindu shiosi shia navavoolela valombe: 7Liheemo Litakatifu, Lisanduku li Lilakano ni shindu shiu khukhunishila, vindu viosi vienyekhananga mu Liheemo Litakatifu, 8imesa nende vindu vili khuyo viosi, shikuru shi itaaha shialombwa khu itsahabu inyukhu muno nende vindu vili khushio viosi, vwaali vu khusambilakhu vubani, 9vwaali vwi vihanwa viu khusambwa nende vindu viosi vilikhu, lukalayi lu khusavilakhu nende lwalilu lwalwo, 10tsinguvu tsiu khukhola muhinzilu ku vusalisi tsindahi muno tsia Haruni nende vaana veve varumishila, lwa vakholanga muhinzilu ku vusalisi, 11makura ku mundu avekhwangwa khwirecheshitswa khu muhinzilu, nende vindu vihuunyanga mwayu mulahi vienyekhanga khuva Havundu Hatakatifu. Valalomba vindu vienevo viosi, khuli nakhuvoolela vakhole.”
Litukhu li Lisabato ni Liukhuhulukha
12Mwami Nyasaye yavoolela Musa 13avoolele Vaisraeli, “Mutsililile khukhola katushili khulitukhu li Lisabato lianje. Yishi shiliitsa khuva shimanyilu hakari henyu nende inzi khumatukhu koosi kaliitsa khuvaho, khu mumanye ndi ninzi Mwami Nyasaye, wu mukholanga khuva vatakatifu. 14Mutsililile khukhola katushili khulitukhu li Lisabato; shichila ni litukhu lienyu litakatifu. Mundu uliitsa khuchayakhu litukhu lienelo, aliitsa khwiirwa. Mundu uliitsa khukhola muhinzilu khulitukhu li Lisabato, aliitsa khwiirwa. 15Muli na matukhu sita ku khukholelamu muhinzilu kwenyu; navutswa litukhu lia saba ni litukhu litakatifu khwinzi. Mundu uliitsa khukhola muhinzilu khulitukhu lienelo, aliitsa khwiirwa. 16Vaisraeli valiitsa khutsililila khukhola katushili khulitukhu lienelo, khuli shimanyilu shi lilakano. 17Ni shimanyilu shiliitsa khuvaho khumatukhu koosi, hakari ha Vaisraeli nende inzi, shichila ninzi Mwami Nyasaye, waloonga khumatukhu sita likulu nende lilova; khandi khulitukhu lia saba nalekha khukhola muhinzilu manimbulukha.”
18Lwa Mwami Nyasaye yali namali khulomoloma na Musa khu Shikulu shia Sinai, yamuha machina kavili kakhongwa ka Nyasaye mwene yali ni yahandikakhu malako.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013