KHURULA 30
30
Vwaali vu Khusambilakhu Vubani
(Khur 37:25-28)
1“Uliitsa khulomba vwaali khu musala ku munyenye, vu khusambilakhu vubani. 2Vuliitsa khuva ni tsimbeka tsine tsialekhana, nu vuraambi tsisentimita 45, vukalamu tsisentimita 45, khandi vuve ni tsisentimita 90 khutsia khwikulu. Misala chiu khusinjilitsa khwikulu khwavwo mu tsimbeka tsine, chiliitsa khuva shilala. 3Uliitsa khukhunikha vwaali vwenovo, tsimbeka tsiosi tsine, nende misala chiu khusinjilitsa khwikulu khwavwo ni itsahabu inyukhu, ma uveshe itsahabu khundulu khwavwo. 4Uliitsa khulomba tsingara tsivili tsiu khuchinga vwaali, ma mutsivishi hasi hi itsahabu yavekhwa khu tsimbeka tsivili khutiila misala chienyekhanga chirumishilwi khuchinga vwaali. 5Uliitsa khulomba misala khurula khu musala ku munyenye kwenoko, nu khuchivekha itsahabu. 6Uliitsa khuvikha vwaali vwenovo ilwanyi wu luvaala lwelela imbeli wi Lisanduku li Lilakano. Naho havundu ha nzitsanga khwakana na munyi. 7Shia mu mavwevwe, lwa Haruni yitsanga khuhaambitsa tsitaaha, aliitsa khusambilakhu vubani vuhunyanga mwayu mulahi. 8Aliitsa khukhola khandi ndio, lwa ahaambitsanga tsitaaha khulukolovo. Shihanwa shiu vubani yishi, shilatsililila khusambwa khumatukhu koosi kaliitsa khuvaho. 9Muliitsa khulekha khusambilakhu khu vwaali vwenovo vubani vutamanu inoho shihanwa shiu khusambwa, inoho shihanwa shi imu; inoho khusuundulakhu shihanwa shi idivai khu vwaali vwenovo. 10Haruni aliitsa khukhola mulukha ku khunihitsa vwaali lulala lwonyene khumuhika; lwa aliitsa khuvikha masahi ku muruku kukholelwi musango ku khurulitsaho vwoni khu misala chine chiasinjilitswa khwikulu khu vwaali. Yaka kaliitsa khwikholekha shia khumuhika, khumatukhu koosi kaliitsa khuvaho. Vwaali yuvu vuliitsa khuva vutakatifu muno, nu vwatakaswa khwinzi Mwami Nyasaye.”
Vushuru vu Khurunga mu Liheemo Litakatifu
11Mwami Nyasaye yavoolela Musa, 12“Lwa uliitsa khuvalitsa Vaisraeli khumanya voosi ni vanga, shia mundu wosi aliitsa khurunga shihanwa khwinzi, shichila vulamu vwevwe, matiinyu kavuli khumukwila, lwa uliitsa khuva nushivalitsanga vandu. 13Shia mundu wosi umali khuvalitswa mu livalitswa, aliitsa khurunga murungu kwi tsisenti tsienyekhanga, khulondokhana khu shipimu shiahuchililwa mu matukhu kenako. Shia mundu wosi aliitsa khurunga tsisenti tsienetso, khuli ni shihanwa shianje inzi Mwami Nyasaye. 14Shia mundu wosi wavalitswa, ave ni mihika makhomi kavili inoho wahindila, aliitsa khurunga murungu kwi tsisenti tsienetso. 15Mundu muhinda shialiitsa khurunga tsisenti tsinyishi, inoho khali mundu mumanani khurunga tsisenti tsindititi, lwa valiitsa khurunga tsisenti tsiavo, shichila vulamu vwavo tawe. 16Uliitsa khusolola tsisenti khurula khu Vaisraeli, nu khutsirumishila khutsililila khukhola muhinzilu mu Liheemo Litakatifu. Vushuru vwa muliitsa khusolola yuvu, nakwo murungu ku vulamu vwavo, ninzi niitsa khwitsushitsa khuvalinda.”
Lukalayi Lwalombwa khu Mukasa
17Mwami Nyasaye yavoolela Musa, 18“Uliitsa khulomba lukalayi lu khusavilakhu khu mukasa, nu lwalilu lwalwo khurula khu mukasa kwenoko. Vikha lukalayi lwenolo hakari hi Liheemo Litakatifu nende vwaali ma utsushimu matsi. 19Haruni nende vaana veve, valiitsa khurumishila matsi kenako khusava makhono kavo nende vilenje 20nivashili khwinjila mu Liheemo Litakatifu, inoho khwisuunda khu vwaali khuhaana shihanwa shi shiukhulia khwinzi Mwami Nyasaye, khu vavuli khwiirwa. 21Valiitsa khusava makhono kavo ni vilenje viavo na matsi khu vavuli khukhutsa. Yili ni lilako lia vo vene nende vitsukhulu vavo valiitsa khulonda khumatukhu koosi.”
Makura ku Khwivekha
(Khur 37:29)
22Mwami Nyasaye yavoolela Musa, 23“Uliitsa khuvukula vinzali vilahi muno -- miri tsikilo sita tsia, tsikilo tsivaka tsiu vusi vurulanga khu musala kuhuunyanga vulahi, tsikilo tsivaka tsiu mukhonye kuhuunyanga mwayu mulahi; 24khandi tsikilo sita tsiu vusi vuhuunyanga vulahi khurula khu likhanda liu musala (viosi viapimwa khulondokhana ni shipimu shiahuchililwa shia matukhu kenako). Meetakhu tsilita tsine tsia makura ku musayituni; 25ma ulombe makura matakatifu kukhwivekha, katsukanyinywa khuli makura ku khwivekha. 26Uliitsa khurumishila makura kenako khutakasa Liheemo Litakatifu, Lisanduku li Lilakano, 27imesa nende vindu viosi vilikhu, shikuru shi itaaha nende vindu viosi vilikhu, vwaali vu khusambilakhu vubani, 28vwaali vwi vihanwa viu khusambwa, halala ni vindu vilikhu viosi, nende lukalayi lu khusavilakhu nu lwalilu lwalwo. 29Uliitsa khuvitakasa, nikanyalikha vive vitakatifu muno. Shia shindu shiosi shilitsa khutiila khuvio shilitsa khusalilitswa ni tsingulu tsiu vutakatifu vu vwaali. 30Uliitsa khuvekha Haruni nende vaana veve makura, nu khuvakhola khuva vatakatifu, nikanyalikha vandumishile khuli vasalisi. 31Uliitsa khuvoolela Vaisraeli, ‘Makura matakatifu kukhwivekha yaka kaliitsa khurumishilwa khukhola muhinzilu kwanje khumatukhu koosi kaliitsa khuvaho. 32Shikaliitsa khusuundulwa khu vandu voosi vutswa tawe. Muvuli khulombakhu makura kandi lukanu khusasa kenako. Ni makura matakatifu, khandi mukavukule khuva matakatifu. 33Shia mundu wosi uliitsa khulomba makura kandi khusasa makura kenako inoho khukarumishila khuvekha khu mundu wundi wosi nakhali musalisi; aliitsa khukhungwa khurula mu vandu vaanje.’ ”
Vubani Vuhuunyanga Vulahi
34Mwami Nyasaye yavoolela Musa, “Vukula shilekhani shia vinzali vili nu mwayu mulahi -- stakite, oniki, galabanumi, nende vubani vuhuunyanga mwayu mulahi. 35Uliitsa khuvirumishila khulomba vubani, vwa tsukanyinywa khuli makura ku khwivekha. Meetakhu munyu khuvilomba vitsililile khuva vinihu khandi vitakatifu. 36Uliitsa khusia vilala khuvio mu vusi nu khuvihila mu Liheemo Litakatifu. Uliitsa khuvumitsa imbeli wi Lisanduku li Lilakano. Uliitsa khuvukula vubani vwenovo khuva vutakatifu. 37Uvuli khwilombelakhu vubani vwosi nurumishilanga injila indala yeneyo; vivukule khuva ni vitakatifu khwinzi Mwami Nyasaye. 38Niiva mundu aliitsa khulombakhu shilala khuli vwo khurumishila khuli makura ku khwivekha, mundu mwenoyo aliitsa khukhungwa mu vandu vaanje.”
Currently Selected:
KHURULA 30: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
KHURULA 30
30
Vwaali vu Khusambilakhu Vubani
(Khur 37:25-28)
1“Uliitsa khulomba vwaali khu musala ku munyenye, vu khusambilakhu vubani. 2Vuliitsa khuva ni tsimbeka tsine tsialekhana, nu vuraambi tsisentimita 45, vukalamu tsisentimita 45, khandi vuve ni tsisentimita 90 khutsia khwikulu. Misala chiu khusinjilitsa khwikulu khwavwo mu tsimbeka tsine, chiliitsa khuva shilala. 3Uliitsa khukhunikha vwaali vwenovo, tsimbeka tsiosi tsine, nende misala chiu khusinjilitsa khwikulu khwavwo ni itsahabu inyukhu, ma uveshe itsahabu khundulu khwavwo. 4Uliitsa khulomba tsingara tsivili tsiu khuchinga vwaali, ma mutsivishi hasi hi itsahabu yavekhwa khu tsimbeka tsivili khutiila misala chienyekhanga chirumishilwi khuchinga vwaali. 5Uliitsa khulomba misala khurula khu musala ku munyenye kwenoko, nu khuchivekha itsahabu. 6Uliitsa khuvikha vwaali vwenovo ilwanyi wu luvaala lwelela imbeli wi Lisanduku li Lilakano. Naho havundu ha nzitsanga khwakana na munyi. 7Shia mu mavwevwe, lwa Haruni yitsanga khuhaambitsa tsitaaha, aliitsa khusambilakhu vubani vuhunyanga mwayu mulahi. 8Aliitsa khukhola khandi ndio, lwa ahaambitsanga tsitaaha khulukolovo. Shihanwa shiu vubani yishi, shilatsililila khusambwa khumatukhu koosi kaliitsa khuvaho. 9Muliitsa khulekha khusambilakhu khu vwaali vwenovo vubani vutamanu inoho shihanwa shiu khusambwa, inoho shihanwa shi imu; inoho khusuundulakhu shihanwa shi idivai khu vwaali vwenovo. 10Haruni aliitsa khukhola mulukha ku khunihitsa vwaali lulala lwonyene khumuhika; lwa aliitsa khuvikha masahi ku muruku kukholelwi musango ku khurulitsaho vwoni khu misala chine chiasinjilitswa khwikulu khu vwaali. Yaka kaliitsa khwikholekha shia khumuhika, khumatukhu koosi kaliitsa khuvaho. Vwaali yuvu vuliitsa khuva vutakatifu muno, nu vwatakaswa khwinzi Mwami Nyasaye.”
Vushuru vu Khurunga mu Liheemo Litakatifu
11Mwami Nyasaye yavoolela Musa, 12“Lwa uliitsa khuvalitsa Vaisraeli khumanya voosi ni vanga, shia mundu wosi aliitsa khurunga shihanwa khwinzi, shichila vulamu vwevwe, matiinyu kavuli khumukwila, lwa uliitsa khuva nushivalitsanga vandu. 13Shia mundu wosi umali khuvalitswa mu livalitswa, aliitsa khurunga murungu kwi tsisenti tsienyekhanga, khulondokhana khu shipimu shiahuchililwa mu matukhu kenako. Shia mundu wosi aliitsa khurunga tsisenti tsienetso, khuli ni shihanwa shianje inzi Mwami Nyasaye. 14Shia mundu wosi wavalitswa, ave ni mihika makhomi kavili inoho wahindila, aliitsa khurunga murungu kwi tsisenti tsienetso. 15Mundu muhinda shialiitsa khurunga tsisenti tsinyishi, inoho khali mundu mumanani khurunga tsisenti tsindititi, lwa valiitsa khurunga tsisenti tsiavo, shichila vulamu vwavo tawe. 16Uliitsa khusolola tsisenti khurula khu Vaisraeli, nu khutsirumishila khutsililila khukhola muhinzilu mu Liheemo Litakatifu. Vushuru vwa muliitsa khusolola yuvu, nakwo murungu ku vulamu vwavo, ninzi niitsa khwitsushitsa khuvalinda.”
Lukalayi Lwalombwa khu Mukasa
17Mwami Nyasaye yavoolela Musa, 18“Uliitsa khulomba lukalayi lu khusavilakhu khu mukasa, nu lwalilu lwalwo khurula khu mukasa kwenoko. Vikha lukalayi lwenolo hakari hi Liheemo Litakatifu nende vwaali ma utsushimu matsi. 19Haruni nende vaana veve, valiitsa khurumishila matsi kenako khusava makhono kavo nende vilenje 20nivashili khwinjila mu Liheemo Litakatifu, inoho khwisuunda khu vwaali khuhaana shihanwa shi shiukhulia khwinzi Mwami Nyasaye, khu vavuli khwiirwa. 21Valiitsa khusava makhono kavo ni vilenje viavo na matsi khu vavuli khukhutsa. Yili ni lilako lia vo vene nende vitsukhulu vavo valiitsa khulonda khumatukhu koosi.”
Makura ku Khwivekha
(Khur 37:29)
22Mwami Nyasaye yavoolela Musa, 23“Uliitsa khuvukula vinzali vilahi muno -- miri tsikilo sita tsia, tsikilo tsivaka tsiu vusi vurulanga khu musala kuhuunyanga vulahi, tsikilo tsivaka tsiu mukhonye kuhuunyanga mwayu mulahi; 24khandi tsikilo sita tsiu vusi vuhuunyanga vulahi khurula khu likhanda liu musala (viosi viapimwa khulondokhana ni shipimu shiahuchililwa shia matukhu kenako). Meetakhu tsilita tsine tsia makura ku musayituni; 25ma ulombe makura matakatifu kukhwivekha, katsukanyinywa khuli makura ku khwivekha. 26Uliitsa khurumishila makura kenako khutakasa Liheemo Litakatifu, Lisanduku li Lilakano, 27imesa nende vindu viosi vilikhu, shikuru shi itaaha nende vindu viosi vilikhu, vwaali vu khusambilakhu vubani, 28vwaali vwi vihanwa viu khusambwa, halala ni vindu vilikhu viosi, nende lukalayi lu khusavilakhu nu lwalilu lwalwo. 29Uliitsa khuvitakasa, nikanyalikha vive vitakatifu muno. Shia shindu shiosi shilitsa khutiila khuvio shilitsa khusalilitswa ni tsingulu tsiu vutakatifu vu vwaali. 30Uliitsa khuvekha Haruni nende vaana veve makura, nu khuvakhola khuva vatakatifu, nikanyalikha vandumishile khuli vasalisi. 31Uliitsa khuvoolela Vaisraeli, ‘Makura matakatifu kukhwivekha yaka kaliitsa khurumishilwa khukhola muhinzilu kwanje khumatukhu koosi kaliitsa khuvaho. 32Shikaliitsa khusuundulwa khu vandu voosi vutswa tawe. Muvuli khulombakhu makura kandi lukanu khusasa kenako. Ni makura matakatifu, khandi mukavukule khuva matakatifu. 33Shia mundu wosi uliitsa khulomba makura kandi khusasa makura kenako inoho khukarumishila khuvekha khu mundu wundi wosi nakhali musalisi; aliitsa khukhungwa khurula mu vandu vaanje.’ ”
Vubani Vuhuunyanga Vulahi
34Mwami Nyasaye yavoolela Musa, “Vukula shilekhani shia vinzali vili nu mwayu mulahi -- stakite, oniki, galabanumi, nende vubani vuhuunyanga mwayu mulahi. 35Uliitsa khuvirumishila khulomba vubani, vwa tsukanyinywa khuli makura ku khwivekha. Meetakhu munyu khuvilomba vitsililile khuva vinihu khandi vitakatifu. 36Uliitsa khusia vilala khuvio mu vusi nu khuvihila mu Liheemo Litakatifu. Uliitsa khuvumitsa imbeli wi Lisanduku li Lilakano. Uliitsa khuvukula vubani vwenovo khuva vutakatifu. 37Uvuli khwilombelakhu vubani vwosi nurumishilanga injila indala yeneyo; vivukule khuva ni vitakatifu khwinzi Mwami Nyasaye. 38Niiva mundu aliitsa khulombakhu shilala khuli vwo khurumishila khuli makura ku khwivekha, mundu mwenoyo aliitsa khukhungwa mu vandu vaanje.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013