VAEFESO KUKHURAANJILILA
KUKHURAANJILILA
Ibarwa ya Paulu Yahandichila Vaefeso, ili na makhuva lukhuraanga lwene khulondokhana khu “Inganakani ya Nyasaye, yu khwenya khulera halala vindu viosi via yalomba, viosi vili mwikulu nende vili khulilova, Kristo nali mwimilili wavio” (1:10). Ibarwa iyi, ichelitsanga khwivaalila vandu va Nyasaye, nivayaanza vamenye khulondokhana khu inganakani ingali yu khwenya khulera halala vandu voosi khuvirila mu Yesu Kristo.
Mushitonye shiukhuraanga shi ibarwa iyi, muhandichi achelitsanga khwivaala shivune shikali shili mu ibarwa yumu, khulondokhana khu vuhambani lwa alomolomanga makhuva khuli Nyasaye, uli Tata yamala khurovola vandu veve; khuli vasemehwangwa, mavavohololwa khurula mu vwoni vwavo khuvirila mu Mwana Yesu Kristo; khandi khuli lilaaka likali lia Nyasaye, lirweshitswangwa khuvirila mu Roho Mutakatifu. Mushitonye shia khavili, muhandichi asayanga vandu vachisoma, nivayaanza vamenye limenya linyala khuchila vuhambani vwavo mu Kristo vumanyikhane nu vwatoto mu limenya liavo lia halala.
Muhandichi arumishilanga vimanyilu lukanu na lukanu khumanyinya vuhambani vwa vandu va Nyasaye khuvirila mu Kristo: Likanisa lili khuli mmbili, Kristo nali murwi kwalio; inoho khuli mumbakho, Kristo nali khuli lichina liu mukona, lili nu vukhonyi muno khuvira kandi koosi; inoho khuli mukhali, Kristo nali musatsa walio. Ibarwa iyi, inyolanga tsingulu tsinyishi, lwa muhandichi yimililwangwa khulondokhana ni inganakani yi tsimbavasi tsia Nyasaye khuvirila mu Kristo. Shia shindu shiosi mu ibarwa iyi, shimanyishilanga mu vuyaanzi vwa Kristo, musango, lisemehwa, tsimbavasi nende vunihu.
Kalimu Muvwimbi
Kukhuraanjilila 1:1-2
Kristo nende Likanisa 1:3—3:21
Limenya Liyia mu Kristo 4:1—6:20
Limalilikha 6:21-24
Currently Selected:
VAEFESO KUKHURAANJILILA: LLLCATHOLIC
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013