VAKOLOSAI KUKHURAANJILILA
KUKHURAANJILILA
Ibarwa ya Paulu Yahandichila Vakolosai, yahandikwa khu likanisa liali nilili mu litaala lia Kolosai mu shivala shia Asia Indititi, khuluveka luli ivukwi wi litaala lia Efeso. Likanisa lienelo, shilinyala khuva liraanjitswa na Paulu tawe; navutswa liali mu lusomo lwa Paulu yalola asinjililanga, lwa yaruma vahinzili khurula mu litaala lia Efeso, nilili litaala likali mu lusomo lwa Varoma lwa Asia. Paulu yali wavoolelwa ndi khuli na veechitsi vu vuvehi mu likanisa lia Kolosai. Vechitsi venavo, vatsililila khwechitsa ndi nuwenyi khumanya Nyasaye khandi khunyola vuhonyinyi vwatoto, khutukha mundu asaale “khu vimilili vi miroho nende vimilili vi shivala.” Vechitsi venavo vavoola khandi ndi khutukha mundu akhole milukha khuli khushevwa, nu khulonda malako malala kalondokhananga ni viukhulia nende makhuva kandi.
Paulu ahandikanga khukaya mechitso kenako, nu khuvavoolela likhuva liatoto liu Vukristayo. Avahinganyinyanga, nu khuvahandichila ndi Yesu Kristo ali nu vunyali vu khuhaana vuhonyinyi vwatoto, khandi ndi milukha chindi chiu khusuuvila, halala ni likhola liachio, chilombanga mundu ava ihale wene khurula khu Kristo. Nyasaye yalomba shivala khuvirila mu Kristo, khandi ashileranga mwene himbi khuye, khuvirila mu Kristo. Khulwa yako, khuli ni lisuuvilitswa liu vuhonyinyi vwa vandu mu shivala khuvirila mu Kristo wonyene vutswa. Paulu yivaalanga vulahi vurulananga khu liechitso likali yili mu limenya lia vasuuvili.
Vwali vulahi Tukika, mundu wa Paulu yaruma khumuhilila ibarwa iyi mu litaala lia Kolosai, khutsia na Onesima, wali nali murukwa wachila Paulu nahandika ibarwa khu Filimona havukono hehe.
Kalimu Muvwimbi
Khukhuranjilila 1:1-8
Limenya khandi Muhinzilu kwa Kristo 1:9—2:19
Vulamu Vuyia mu Kristo 2:20—4:6
Limalilikha 4:7-18
Currently Selected:
VAKOLOSAI KUKHURAANJILILA: LLLCATHOLIC
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013