MAKABAYO 13
13
Menelahu Yiirwa
1Khumuhika kwi imia indala makhomi kane na tisa, Yudasi nende vandu veve vavoolelwa ndi Antioko Ehupatori yali niyitsanga nu mukaanda kwa vasikali veve khukwana Yudeya, 2khandi ndi Lisia, wali nali mundu ulindanga Mwami Antioko, khandi mwimilili mu vwamihi vwi shivala shienesho, yali naye. Vali vitsi nu mukaanda kwa vasikali tsiheelefu imia indala ni likhomi vakwanilanga khu vilenje, vasikali tsiheelefu likhomi vakwanilanga khu tsipunda, vasikali tsiheelefu tsiranu ni tsimia tsivaka vi tsifarasi, tsinzeku makhomi kavili na tsivili, nende makaare kiliihe tsimia tsivaka, nikali ni vivia viuchi viunganyilwa khu makurutumu.
3Menelahu yiyunga navo, khandi khuvirila mu khwikholakholitsa khwekhwe yavoolela Antioko atsililile, shikali yenyelanga shivala shieshie malahi tawe; navutswa shichila yali ninganakani ndi aliitsa khuheelwa muhinzilu ku khuva Mukali wa vasalisi voosi. 4Navutswa Mwami wa vami yachila Mwami Antioko nalolela Menelahu vurima vululu. Lisia yavoolela Mwami Antioko ndi Menelahu neye wachila vutiinyu nu vuvakwila. Nalwo lwa Mwami Antioko yahaana lilako ahilwi mu litaala lia Bereha, nu khwiirwa khulondokhana khu mwiima kwa kholekhanga mu litaala lienelo. 5Khwali nu munaara mu litaala lienelo, nakwo kwali nu vuraambi tsimita makhomi kavili ni tsivili khutsia khwikulu. Munaara kwenoko kwali kwayitsulamu likooshe, khandi kuli ningara yu khukuvotokhana mu tsimbeka tsiosi khukholomokha mu likooshe lienelo. 6Vandu vayaalwangwa shichila vutamanu vwa vakhola khu vanyasaye vavo, inoho shikholwa shindi shitamanu vahilwayo, nu khusiuvwa mukwo khutukha lwa vakhutsa. 7Nindio khandi Menelahu yiirwa, vuchila khali mmbili kwekwe khuyeveelwa mu shilindwa, 8khandi nako koosi ka yali natushili khukholwa. Yali wamenya niyononyinyanga likooshe litakatifu liu mulilu ku vwaali mu Litempeli. Khulwa yako, khali ye mwene yakhutsila mu likooshe lienelo.
9Mwami Antioko, khuvirila mu vwiloli vwevwe, yali ninganakani yu khwitsa khunyashitsa vululu muno Vayahudi, khuvira khuli tata wewe yali niyavanyashitsa. 10Navutswa lwa Yudasi yahulila makhuva kenako, yavoolela vandu veve vasaale khu Mwami Nyasaye mbasu nu vutukhu, shichila vali nivali mu maraava ku khukoritsa Malako kavo, shivala shiavo, nende Litempeli litakatifu. Khuvira kenako koosi, Mwami Nyasaye neye wa vali nivenyi avakhonye nu khuvalinda, 11khu vandu vi tsimbia tsindi vatamanu vakorwa Nyasaye vavuli khuvukula shivala shiavo, shia vali nivakalushitse khuvo. 12Lwa vali nivakanile halala khusaala nu khureeva tsimbavasi tsiu Mwami Nyasaye, lwa valilanga tsikhwili, khuhonga vuchila khulia khandi nivakona mahunama khumatukhu kavaka vuchila khwileshitsa, Yudasi yavatinyilitsa navavoolela virecheshe.
13Lwa vali nivakhareevana mu vwivisi na vimilili va Vayahudi, Yudasi yaviritsa khurulayo, khutsia khukwana Mwami Antioko khuvirila khu vukhonyi vwa Nyasaye, Mwami Antioko nashili khwitsa khukwana Yudeya, nu khuvukula ni tsingulu litaala likali lia Yerusalemi. 14Vuchila khwenya khumanya kaliitsa khuvakwila nivamali khukwana, Yudasi yatinyilitsa vandu veve khukwana ni tsingulu tsiavo tsiosi, nu khwirulitsa khukhutsila malako kavo, Litempeli, litaala likali lia Yerusalemi, shivala shiavo nende shia shindu shiosi mu limenya liavo. Vasimiikha maheemo kavo ku khumenyamu himbi mu litaala lia Modehini. 15Yudasi yavoolela vandu veve shimanyilu shiliihe, “Likuura lirulanga khu Nyasaye,” khandi mu vutukhu vwenovo, yarovola vasatsa vavukha vi tsingulu, manakwana havundu handi himbi khu liheemo liu Mwami Antioko. Yiirayo vandu vanyishi tsiheelefu tsivili. Khali yalivira ni lirimu inzeku yimililanga tsindi, halala nu musikali wachihilanga. 16Shia mundu wosi havundu ha vasikali vamenyanga henaho, yaraanga khutechela nu khuheenda mwoyo, lwa Yudasi nende vandu veve varulaho, nivamali khukuura. 17Kenako kikholekha mumatukhu ki liuva liali nilirulilanga, khandi koosi kanyalikha, shichila Mwami Nyasaye neye wa valinda.
Antioko wa Kharanu Yakhola Lilakano na Vayahudi
(1 Mak 6:48-63)
18Mwami Antioko yali wavirilakhu mu matiinyu kakwila Vayahudi, khali nachelitsa tsinjila tsindi lukanu, khuli anyala khukwana tsimbinga tsia Vayahudi. 19Yaseera imbinga yavo yi tsingulu ya Betsi zuri, navutswa vali vamenya nivakalushilanga khumukwana, khali nakuurwa. 20Yudasi yahilila vandu vali nivalindanga imbinga yeneyo, shia shindu shiosi shia venyanga. 21Navutswa mulala khu vasikali va Vayahudi, walaangwangwa Rodoko, wali mulala khu vimilili va Vayahudi, yavoolela vatsiku makhuva malala ku mu vwivisi. Vamukhava, nivamukumila khandi navohwa mucheela. 22Mwami Antioko yachelitsa khandi lwa khavili khuhuchilitsana na vandu vi litaala lia Betsi zuri. Lwa yali namali khuhuchilitsana navo, yarulitsayo mukaanda kwa vasikali veve. Nalwo lwa yasimukha natsia khukwana Yudasi, navutswa yakuurwa khandi. 23Mumatukhu kenako, Mwami Antioko yavoolelwa ndi Filipu wali niyarikwa mu litaala lia Antiokia khuli mwimilili wu vwamihi vwi shivala, yali ukwili muhingani. Mwami Antioko yavula shianyala khukhola, naraanga khushelenyinya na Vayahudi lilomoloma liu khulera milembe. Yahuchilila ka vali nivenyanga khukholelwa, khali niyisuuha aliitsa khukholela Vayahudi katoto. Khwenya ka vali nivahuchilitsane karweshitswi, yakhola musango, nahaana vihanwa viu khwirulitsa khuhaana nu mwoyo mulala khuhaana luyali khu Litempeli, 24khandi niyinjilitsa Yudasi Makabayo nu mwoyo kwi tsimbavasi. Namali khukhola kenako, Mwami Antioko yarovola Hegemonide khuva gavana wu lusomo luli hakari hi litaala lia Putolemi nende Gerari, 25naye mwene natsia mu litaala lia Putolemi. Vandu vi litaala lienelo vali nu vurima, shichila yakhola lilakano na Vayahudi. Vali nu vurima vululu muno, khali nivenya khurulitsaho lilakano lienelo. 26Navutswa Lisia yalomoloma havulavu mu vandu, khwenya khuchelitsa khulinda lilakano khuli anyala khwinyalitsa. Lwa yali namali khuhonjelitsa vandu khwikhala hasi nu khuvamanyinya ndi neye wi likhola liu vulunji mu likhola, yakalukha mu litaala lia Antiokia. Nindi khuli Mwami Antioko yikalilwa khukwana khandi nakalukha inyuma.
Currently Selected:
MAKABAYO 13: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
MAKABAYO 13
13
Menelahu Yiirwa
1Khumuhika kwi imia indala makhomi kane na tisa, Yudasi nende vandu veve vavoolelwa ndi Antioko Ehupatori yali niyitsanga nu mukaanda kwa vasikali veve khukwana Yudeya, 2khandi ndi Lisia, wali nali mundu ulindanga Mwami Antioko, khandi mwimilili mu vwamihi vwi shivala shienesho, yali naye. Vali vitsi nu mukaanda kwa vasikali tsiheelefu imia indala ni likhomi vakwanilanga khu vilenje, vasikali tsiheelefu likhomi vakwanilanga khu tsipunda, vasikali tsiheelefu tsiranu ni tsimia tsivaka vi tsifarasi, tsinzeku makhomi kavili na tsivili, nende makaare kiliihe tsimia tsivaka, nikali ni vivia viuchi viunganyilwa khu makurutumu.
3Menelahu yiyunga navo, khandi khuvirila mu khwikholakholitsa khwekhwe yavoolela Antioko atsililile, shikali yenyelanga shivala shieshie malahi tawe; navutswa shichila yali ninganakani ndi aliitsa khuheelwa muhinzilu ku khuva Mukali wa vasalisi voosi. 4Navutswa Mwami wa vami yachila Mwami Antioko nalolela Menelahu vurima vululu. Lisia yavoolela Mwami Antioko ndi Menelahu neye wachila vutiinyu nu vuvakwila. Nalwo lwa Mwami Antioko yahaana lilako ahilwi mu litaala lia Bereha, nu khwiirwa khulondokhana khu mwiima kwa kholekhanga mu litaala lienelo. 5Khwali nu munaara mu litaala lienelo, nakwo kwali nu vuraambi tsimita makhomi kavili ni tsivili khutsia khwikulu. Munaara kwenoko kwali kwayitsulamu likooshe, khandi kuli ningara yu khukuvotokhana mu tsimbeka tsiosi khukholomokha mu likooshe lienelo. 6Vandu vayaalwangwa shichila vutamanu vwa vakhola khu vanyasaye vavo, inoho shikholwa shindi shitamanu vahilwayo, nu khusiuvwa mukwo khutukha lwa vakhutsa. 7Nindio khandi Menelahu yiirwa, vuchila khali mmbili kwekwe khuyeveelwa mu shilindwa, 8khandi nako koosi ka yali natushili khukholwa. Yali wamenya niyononyinyanga likooshe litakatifu liu mulilu ku vwaali mu Litempeli. Khulwa yako, khali ye mwene yakhutsila mu likooshe lienelo.
9Mwami Antioko, khuvirila mu vwiloli vwevwe, yali ninganakani yu khwitsa khunyashitsa vululu muno Vayahudi, khuvira khuli tata wewe yali niyavanyashitsa. 10Navutswa lwa Yudasi yahulila makhuva kenako, yavoolela vandu veve vasaale khu Mwami Nyasaye mbasu nu vutukhu, shichila vali nivali mu maraava ku khukoritsa Malako kavo, shivala shiavo, nende Litempeli litakatifu. Khuvira kenako koosi, Mwami Nyasaye neye wa vali nivenyi avakhonye nu khuvalinda, 11khu vandu vi tsimbia tsindi vatamanu vakorwa Nyasaye vavuli khuvukula shivala shiavo, shia vali nivakalushitse khuvo. 12Lwa vali nivakanile halala khusaala nu khureeva tsimbavasi tsiu Mwami Nyasaye, lwa valilanga tsikhwili, khuhonga vuchila khulia khandi nivakona mahunama khumatukhu kavaka vuchila khwileshitsa, Yudasi yavatinyilitsa navavoolela virecheshe.
13Lwa vali nivakhareevana mu vwivisi na vimilili va Vayahudi, Yudasi yaviritsa khurulayo, khutsia khukwana Mwami Antioko khuvirila khu vukhonyi vwa Nyasaye, Mwami Antioko nashili khwitsa khukwana Yudeya, nu khuvukula ni tsingulu litaala likali lia Yerusalemi. 14Vuchila khwenya khumanya kaliitsa khuvakwila nivamali khukwana, Yudasi yatinyilitsa vandu veve khukwana ni tsingulu tsiavo tsiosi, nu khwirulitsa khukhutsila malako kavo, Litempeli, litaala likali lia Yerusalemi, shivala shiavo nende shia shindu shiosi mu limenya liavo. Vasimiikha maheemo kavo ku khumenyamu himbi mu litaala lia Modehini. 15Yudasi yavoolela vandu veve shimanyilu shiliihe, “Likuura lirulanga khu Nyasaye,” khandi mu vutukhu vwenovo, yarovola vasatsa vavukha vi tsingulu, manakwana havundu handi himbi khu liheemo liu Mwami Antioko. Yiirayo vandu vanyishi tsiheelefu tsivili. Khali yalivira ni lirimu inzeku yimililanga tsindi, halala nu musikali wachihilanga. 16Shia mundu wosi havundu ha vasikali vamenyanga henaho, yaraanga khutechela nu khuheenda mwoyo, lwa Yudasi nende vandu veve varulaho, nivamali khukuura. 17Kenako kikholekha mumatukhu ki liuva liali nilirulilanga, khandi koosi kanyalikha, shichila Mwami Nyasaye neye wa valinda.
Antioko wa Kharanu Yakhola Lilakano na Vayahudi
(1 Mak 6:48-63)
18Mwami Antioko yali wavirilakhu mu matiinyu kakwila Vayahudi, khali nachelitsa tsinjila tsindi lukanu, khuli anyala khukwana tsimbinga tsia Vayahudi. 19Yaseera imbinga yavo yi tsingulu ya Betsi zuri, navutswa vali vamenya nivakalushilanga khumukwana, khali nakuurwa. 20Yudasi yahilila vandu vali nivalindanga imbinga yeneyo, shia shindu shiosi shia venyanga. 21Navutswa mulala khu vasikali va Vayahudi, walaangwangwa Rodoko, wali mulala khu vimilili va Vayahudi, yavoolela vatsiku makhuva malala ku mu vwivisi. Vamukhava, nivamukumila khandi navohwa mucheela. 22Mwami Antioko yachelitsa khandi lwa khavili khuhuchilitsana na vandu vi litaala lia Betsi zuri. Lwa yali namali khuhuchilitsana navo, yarulitsayo mukaanda kwa vasikali veve. Nalwo lwa yasimukha natsia khukwana Yudasi, navutswa yakuurwa khandi. 23Mumatukhu kenako, Mwami Antioko yavoolelwa ndi Filipu wali niyarikwa mu litaala lia Antiokia khuli mwimilili wu vwamihi vwi shivala, yali ukwili muhingani. Mwami Antioko yavula shianyala khukhola, naraanga khushelenyinya na Vayahudi lilomoloma liu khulera milembe. Yahuchilila ka vali nivenyanga khukholelwa, khali niyisuuha aliitsa khukholela Vayahudi katoto. Khwenya ka vali nivahuchilitsane karweshitswi, yakhola musango, nahaana vihanwa viu khwirulitsa khuhaana nu mwoyo mulala khuhaana luyali khu Litempeli, 24khandi niyinjilitsa Yudasi Makabayo nu mwoyo kwi tsimbavasi. Namali khukhola kenako, Mwami Antioko yarovola Hegemonide khuva gavana wu lusomo luli hakari hi litaala lia Putolemi nende Gerari, 25naye mwene natsia mu litaala lia Putolemi. Vandu vi litaala lienelo vali nu vurima, shichila yakhola lilakano na Vayahudi. Vali nu vurima vululu muno, khali nivenya khurulitsaho lilakano lienelo. 26Navutswa Lisia yalomoloma havulavu mu vandu, khwenya khuchelitsa khulinda lilakano khuli anyala khwinyalitsa. Lwa yali namali khuhonjelitsa vandu khwikhala hasi nu khuvamanyinya ndi neye wi likhola liu vulunji mu likhola, yakalukha mu litaala lia Antiokia. Nindi khuli Mwami Antioko yikalilwa khukwana khandi nakalukha inyuma.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013