MAKABAYO 12
12
Vayahudi va Yopa Viirwa
1Lwa lilakano liu khulera milembe hakari ha Vayahudi nende Vasiria liali nilimali khurweshitswa, Lisia yakalukha khulola mwami, ma Vayahudi nivakalukha khu muhinzilu kwavo kwa vakholanga mu milimi. 2Navutswa valala khu vimilili viweneyo, nivali Timoteo nende Apolonia mwana wa Genaheho, halala na Hieronimo nende Demofoni, nende Nikanori wali nali gavana wu mukaanda kwa vasikali vali nivasamulitswa vali nivaruli Saipurasi, vambakhana khulekha Vayahudi khumenya limenya lilahi li milembe 3Vandu vi litaala lia Yopa vakholela Vayahudi vamenyanga mu litaala lienelo shikholwa shitamanu muno. Vikhola kholitsa khuva valina va Vayahudi venavo, vavinjilitsa halala na vandu vi tsinzu tsiavo khutsia navo khunina mu tsimeli khu varaanje luchendo lwavo. 4Lwa vandu voosi mu litaala lienelo, vali nivaviritsa khukhola ndio, Vayahudi vavula shindu shinyala khuvaheenditsa mwoyo, navutswa vahuchilila khwinjilitswa munjila indahi. Lwa vali nivali mu inyanza, vandu vi litaala lia Yopa vavasiuva mu matsi. Vali vandu tsimia tsivili.
5Lwa Yudasi yavoolelwa makhuva khu shikholwa shitamanu, shia Vayahudi veshie vakholelwa; navoolela vandu veve. 6Namali khusaala khu Nyasaye, uli mukhalachi wi likhola liu vulunji, vaseera valumindi venavo. Yasamba nu mulilu havundu ha tsimeli tsiasinjilanga, nasamba tsimeli tsiosi, nu khwiira shia mundu wosi wali niyivisayo. 7Lwa miliango chi litaala lienelo chiali nichikalwa vutinyu muno, Yudasi yarulaho natsia wa mwene yenyi. Yali ninganakani yu khukalukha Yopa mumatukhu kandi, khandi khutivitsa shia mundu wosi wali namenyanga mu litaala lienelo.
8Lwa Yudasi yahulila khandi makhuva ndi vandu vi litaala lia Yamunia vamali khuloshitsa khuli vatsitsanga khukwana Vayahudi vamenyanga mu litaala liavo, 9yaseera vandu vi litaala lia Yamunia mu vutukhu, manasamba nu mulilu havundu hi tsimeli tsisinjilanga nende tsimeli tsiali nitsiliyo. Khali tsimemo tsiu mulilu tsialolekhanila mu litaala likali lia Yerusalemi, luchendo lwi tsikilomita makhomi karanu.
Likuura lia Yudasi mu Lusomo lwa Gileadi
(1 Mak 5:9-54)
10Lwa Yudasi nende vandu veve vali nivarulanga havundu henaho khutsia khukwana na Timoteo, nululi luchendo lwi tsikilomita 2 khurula mu litaala lia Yamunia, Vaharabu himbi tsiheelefu tsiranu, va vasikali tsimia tsiranu vahilanga tsifarasi vakhonyanga va vakwana. 11Nivamali khukwana vululu muno, Nyasaye yakhonya Yudasi nende veshie khukuura. Nalwo lwa vandu vahuya huyanga ni miruku vali nivakuurwa venavo vareeva vave valina va Vayahudi, nivavasuuvilitsa khuvaha miruku nu khuvakhonya munjila yindi lukanu. 12Yudasi yalola ndi vulina vwenovo vunyala khukhonya Vayahudi mu tsinjila tsinyishi, nahuchilila khumenya navo mu milembe. Nikamali khwikholekha, Vaharabu vakalukha mu maheemo kavo ka vamenyamu.
13Yudasi yaseera khandi litaala lia Kasipini, liali niliavotokhanwa ni tsimbinga nende lisisi. Vandu vali nivamenyayo vali vukoondo vwa vandu vi tsimbia tsindi. 14Vandu vamenyayo vali vasuuvilila mu tsingulu tsia masisi kavo khandi vali ni lisuuvilitsa ndi vali ni shiukhulia shinyishi shia vali nivavikha shinyala khuvatukha khumatukhu koosi ka vali nivavotokhanwa. Nalwo lwa vakholela Yudasi nende vandu veve shihenye henye, nivavanyeka khandi nivalomoloma vindu vitamanu khulondokhana khu Nyasaye. 15Navutswa Vayahudi vasaala khu Mwami Nyasaye, wamihanga likulu nende lilova, wali niyayongovelitsa masisi ka Yeriko mumatukhu ka Yoshwa, vuchila khurumishila mitaalimbo inoho viuchi viosi lukanu. Nalwo lwa vaseera masisi kenako ni tsingulu tsiavo tsiosi. 16Vavukula ni tsingulu litaala lienelo, khuvirila khu lienya lia Nyasaye. Vayahudi viirayo vandu vanyishi, khali inyanza yali niliho himbi yali nu vuvambalalu vwi ikilomita 1, yalolekha isumeeli masahi.
Yudasi Yakuura Mukaanda kwa Timoteo
(1 Mak 5:37-44)
17Yudasi nende vandu veve varoonjela luchendo lwavo luli himbi tsikilomita makhomi karanu, nivakharula mu litaala lia Kasipini nivatukha havundu ha Vayahudi vali nivamenya halaangwangwa Tobu. 18Navutswa vakhaywa khunyolakhu Timoteo mu lusomo lwenelo, shichila vali vamali khurula khale mu lusomo lwenolo, vuchila khurweshitsakhu shindu shiosi; khali niiva vali nu mukaanda kwa vasikali vi tsingulu mu imbinga indala havundu henaho. 19Vimilili vakali vavili va Yudasi Makabayo nivali Dositsene nende Sosipatera, vaseera imbinga yeneyo niviira shia mundu wosi wa Timoteo yali niyarikamu, vandu voosi vali niviirwa vali tsiheelefu likhomi. 20Navutswa Yudasi Makabayo yakavula vasikali veve mu mikaanda minyishi lukanu, narovola Dositsene nende Sosipatera, shia mulala khusinjilila shia mukaanda kwa vasikali. Namali khukhola ndio, yalondelela Timoteo, wali nali nu mukaanda kwa vasikali tsiheelefu imia indala makhomi kavili vakwanilanga khu vilenje, khandi vasikali tsiheelefu tsivili ni tsimia tsiranu vakwanilanga khu tsifarasi. 21Lwa Timoteo yamanya ndi Yudasi amulondelolanga, yavoolela vandu vakhali nende vaana varoonjele imbeli wewe, nivali ni misiko khutsia mu litaala lia Karahimu, lia vasikali vali vakhaywa khuvotokhana inoho khwinjilamu, shichila tsinjila tsiu khwinjila mulio tsiali tsinyelele. 22Navutswa lwa mukaanda ku khuraanga kwa vasikali va Yudasi kwalolekhaho, mukaanda kwa vasikali kwa vatsiku kwaraanga khuheenda mwoyo, khuvirila khu malolo ka Nyasaye, ulolanga shia shindu shiosi yali narumi. Varanga khwilukhaka maliviri matamanu muno iyi neyo, khali vanyishi khuvo nivasalilitswa tsinguma na veshie khali ni vivavi viavo viene. 23Yudasi nende vandu veve va vahitsanyinya ni tsingulu tsiavo tsiosi, niviira vasikali vanyishi tsiheelefu makhomi kavaka. 24Mukaanda kwa vasikali va Dositsene nende Sosipatera vakumila Timoteo. Navutswa Timoteo yali mucheeli muno. Yavakuura mulilomoloma, lwa yavavoolela ndi yali wakumila valala khu vandu vavo khuli vavohe veve, khandi vatsitsanga khwiira niiva shindu shitamanu shitsitsanga khwikholekha khuye. 25Lukhumalilikha, lwa yavasuuvilitsa khuvakalushitsa ingo wavo vuchila khuvasalilitsa, vamulakhula khuva muvoholole, khwenya veshie vavuli khwiirwa.
26Nalwo lwa Yudasi yaroonjela nakwana litaala lia Karanahimu nende litempeli lia Ataragati wali nali nyasaye wi shikhali. Yiirayo vandu tsiheelefu makhomi kavili ni tsiranu. 27Nivamali khutivitsa vandu mu litaala lienelo halala ni litempeli, yaroonjela nakwana litaala lia Efuroni, nilili litaala liali niliumbakhwa ni imbinga, wa Lisia yamenyanga, halala na vandu vi shivala shieshie vanyishi. Vasatsa vavukha vi tsingulu varoonjela khu masisi nivavakwana munjila yu vucheli. Khwali ni vindu viu khukwanila nende viuchi vindi mu livishilu liu mu litaala lienelo. 28Navutswa Vayahudi vasaala khu Mwami Nyasaye, uli nu vunyali vu khutivitsa tsingulu tsia vatsiku veve avakhonye. Vavukula litaala lienelo, khandi niviira vandu tsiheelefu makhomi kavili ni tsiranu. 29Varulayo vwangu nivatsia khutukha mu litaala lia Betsi shani, luchendo lwi tsikilomita 120 khuluveka luli ivuluka wa Yerusalemi. 30Vayahudi vamenyayo vavoolela Yudasi khuli vandu vi litaala lienelo va vakholela malahi, khushila muno nivali mu matiinyu. 31Khulwa yako, Yudasi nende vandu veve vasanditsa vandu khandi nivavavoolela valitsililila khandi khukholelakhu Vayahudi malala mele, mumatukhu kaliitsa khuvaho. Varulayo nivatsia Yerusalemi, nivatukhayo matukhu mati Mulukha kwi Lichesa nukushili khutukha.
Yudasi Yakuura Gorigia
32Lwa mulukha kwi litukhu lia Pentekosti kwali nukuvwele, Yudasi nende vandu veve, varula vwangu nivatsia khukwana na Gorigia, wali nali gavana wa Idumeya, 33wakwana navo nali na vasikali tsiheelefu tsivaka vachelanga khu vilenje, khandi vasikali tsimia tsine vahilanga tsifarasi. 34Muliihe lienelo, Vayahudi shiviirwa vanyishi tawe. 35Navutswa Muyahudi mulala khurula mu litaala lia Tobu, wali musikali wakwanilanga khu ifarasi wi tsingulu, walaangwangwa Dositsene, yakumila Gorigia lwa yahaanda khu inguvu yeye. Yaraanga khumukhwesa ni tsingulu, nali ni lienya liu khuvukula mundu wi shikhaya wali niyalaamwa mwenoyo nashili mwoyo. Navutswa nonoho lwa mulala khu vasikali vakwanilanga khu tsifarasi venavo walaangwangwa Tsuraka yilukhaka nalonda Dositsene vwangu namukutuula mukhono. Khulwa yako, Gorigia yanyola vwiyangu vu khwilushila mu litaala lia Marisa.
36Mumatukhu kenako, Vayahudi va Esiduria yimililanga vali vamenya nivakwananga khumatukhu manyishi, khandi vali vavwele tsingulu. Nalwo lwa Yudasi yasaala ndi Mwami Nyasaye alavamanyinya ndi ali khuluveka lwavo, khandi neye wimililanga mikaanda chia vasikali vavo. 37Lwa Yudasi yimba lwimbo mululomolomo lwavo khulaanga liihe, Vayahudi vakwana Gorigia nende vandu veve vuchila khumanyakhu shindu shiachilanga nivavakwana; manivilukha.
Lisaala liu Khusaalila Vandu Viirwa Muliihe
38Nalwo lwa Yudasi yalaanga halala vasikali veve, manatsia mu litaala lia Adulamu. Lwa litukhu li Lisabato liali nilili himbi khutukha, vinihitsa vene khulondokhana khu miima chia Vayahudi, khandi nivakhola kenyekhananga khulitukhu li Lisabato lienelo. 39Khulitukhu lialondakhu, valola nu vulahi khukhola vwangu khandi nu muhinzilu mulahi kukhuvunjelitsa halala mivili chia vandu vali niviirwa muliihe, nu khuchiyeveela mu vilindwa viali via vakuuka vavo. 40Navutswa khu shia mmbili ku mukhutsu vanyolamu tsinguvu tsi vifwanani viti va vanyasaye va vandu vasaalakhu mu litaala lia Yamunia tsialimu, tsia malako kavula khuhuchilila Vayahudi khwifwala. Nalwo lwa shia mundu wosi yamanya shikholwa shiachila vandu venavo niviirwa. 41Khulwa yako, voosi vitsominya Mwami Nyasaye, uli mukhalachi watoto, wali navamanyinyi vindu viali niviaviswa, 42nivasaya Mwami Nyasaye nayaanza avuli khwitsushitsakhu shindu shiosi khulondokhana nu vwoni vwenovo. Nalwo lwa Yudasi, wali nali mundu wi tsingulu, yavoolela vandu valekhane nu khukhola vwoni, shichila vali valolikhu khale, kali nikakholeshe khu vandu vali nivakhola vwoni. 43Yudasi yasolola ifetsa khurula khu vandu veve, himbi ifetsa tsikilo tsivili, manachiruma mu Yerusalemi khuva khuli shihanwa shiu khurulitsaho vwoni. Yudasi yakhola shikholwa shilahi shienesho, shichila yali wasuuvila ndi vandu vakhutsa valiitsa khwisimushitsa khurula mu likhutsa. 44Niiva yakhavuli khuva ninganakani ndi vandu vakhutsa valiitsa khwisimushitswa khurula mu likhutsa, khusaalila vandu vakhutsa shiakhavele shikholwa shiu vuyiingwa khandi shikhaya vutswa. 45Navutswa niiva yalindililanga khuheelwa shihanwa shiu vukhumi shia vandu vakhutsa nivali vasuuvilwa mu Nyasaye, vali nivavishilwa, yali ninganakani indahi khandi indakatifu. Khulwa yako, Yudasi yakhola musango kwi shihanwa shiu khurulitsa vandu vali nivakhutsa khurula mu vwoni vwavo.
Currently Selected:
MAKABAYO 12: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
MAKABAYO 12
12
Vayahudi va Yopa Viirwa
1Lwa lilakano liu khulera milembe hakari ha Vayahudi nende Vasiria liali nilimali khurweshitswa, Lisia yakalukha khulola mwami, ma Vayahudi nivakalukha khu muhinzilu kwavo kwa vakholanga mu milimi. 2Navutswa valala khu vimilili viweneyo, nivali Timoteo nende Apolonia mwana wa Genaheho, halala na Hieronimo nende Demofoni, nende Nikanori wali nali gavana wu mukaanda kwa vasikali vali nivasamulitswa vali nivaruli Saipurasi, vambakhana khulekha Vayahudi khumenya limenya lilahi li milembe 3Vandu vi litaala lia Yopa vakholela Vayahudi vamenyanga mu litaala lienelo shikholwa shitamanu muno. Vikhola kholitsa khuva valina va Vayahudi venavo, vavinjilitsa halala na vandu vi tsinzu tsiavo khutsia navo khunina mu tsimeli khu varaanje luchendo lwavo. 4Lwa vandu voosi mu litaala lienelo, vali nivaviritsa khukhola ndio, Vayahudi vavula shindu shinyala khuvaheenditsa mwoyo, navutswa vahuchilila khwinjilitswa munjila indahi. Lwa vali nivali mu inyanza, vandu vi litaala lia Yopa vavasiuva mu matsi. Vali vandu tsimia tsivili.
5Lwa Yudasi yavoolelwa makhuva khu shikholwa shitamanu, shia Vayahudi veshie vakholelwa; navoolela vandu veve. 6Namali khusaala khu Nyasaye, uli mukhalachi wi likhola liu vulunji, vaseera valumindi venavo. Yasamba nu mulilu havundu ha tsimeli tsiasinjilanga, nasamba tsimeli tsiosi, nu khwiira shia mundu wosi wali niyivisayo. 7Lwa miliango chi litaala lienelo chiali nichikalwa vutinyu muno, Yudasi yarulaho natsia wa mwene yenyi. Yali ninganakani yu khukalukha Yopa mumatukhu kandi, khandi khutivitsa shia mundu wosi wali namenyanga mu litaala lienelo.
8Lwa Yudasi yahulila khandi makhuva ndi vandu vi litaala lia Yamunia vamali khuloshitsa khuli vatsitsanga khukwana Vayahudi vamenyanga mu litaala liavo, 9yaseera vandu vi litaala lia Yamunia mu vutukhu, manasamba nu mulilu havundu hi tsimeli tsisinjilanga nende tsimeli tsiali nitsiliyo. Khali tsimemo tsiu mulilu tsialolekhanila mu litaala likali lia Yerusalemi, luchendo lwi tsikilomita makhomi karanu.
Likuura lia Yudasi mu Lusomo lwa Gileadi
(1 Mak 5:9-54)
10Lwa Yudasi nende vandu veve vali nivarulanga havundu henaho khutsia khukwana na Timoteo, nululi luchendo lwi tsikilomita 2 khurula mu litaala lia Yamunia, Vaharabu himbi tsiheelefu tsiranu, va vasikali tsimia tsiranu vahilanga tsifarasi vakhonyanga va vakwana. 11Nivamali khukwana vululu muno, Nyasaye yakhonya Yudasi nende veshie khukuura. Nalwo lwa vandu vahuya huyanga ni miruku vali nivakuurwa venavo vareeva vave valina va Vayahudi, nivavasuuvilitsa khuvaha miruku nu khuvakhonya munjila yindi lukanu. 12Yudasi yalola ndi vulina vwenovo vunyala khukhonya Vayahudi mu tsinjila tsinyishi, nahuchilila khumenya navo mu milembe. Nikamali khwikholekha, Vaharabu vakalukha mu maheemo kavo ka vamenyamu.
13Yudasi yaseera khandi litaala lia Kasipini, liali niliavotokhanwa ni tsimbinga nende lisisi. Vandu vali nivamenyayo vali vukoondo vwa vandu vi tsimbia tsindi. 14Vandu vamenyayo vali vasuuvilila mu tsingulu tsia masisi kavo khandi vali ni lisuuvilitsa ndi vali ni shiukhulia shinyishi shia vali nivavikha shinyala khuvatukha khumatukhu koosi ka vali nivavotokhanwa. Nalwo lwa vakholela Yudasi nende vandu veve shihenye henye, nivavanyeka khandi nivalomoloma vindu vitamanu khulondokhana khu Nyasaye. 15Navutswa Vayahudi vasaala khu Mwami Nyasaye, wamihanga likulu nende lilova, wali niyayongovelitsa masisi ka Yeriko mumatukhu ka Yoshwa, vuchila khurumishila mitaalimbo inoho viuchi viosi lukanu. Nalwo lwa vaseera masisi kenako ni tsingulu tsiavo tsiosi. 16Vavukula ni tsingulu litaala lienelo, khuvirila khu lienya lia Nyasaye. Vayahudi viirayo vandu vanyishi, khali inyanza yali niliho himbi yali nu vuvambalalu vwi ikilomita 1, yalolekha isumeeli masahi.
Yudasi Yakuura Mukaanda kwa Timoteo
(1 Mak 5:37-44)
17Yudasi nende vandu veve varoonjela luchendo lwavo luli himbi tsikilomita makhomi karanu, nivakharula mu litaala lia Kasipini nivatukha havundu ha Vayahudi vali nivamenya halaangwangwa Tobu. 18Navutswa vakhaywa khunyolakhu Timoteo mu lusomo lwenelo, shichila vali vamali khurula khale mu lusomo lwenolo, vuchila khurweshitsakhu shindu shiosi; khali niiva vali nu mukaanda kwa vasikali vi tsingulu mu imbinga indala havundu henaho. 19Vimilili vakali vavili va Yudasi Makabayo nivali Dositsene nende Sosipatera, vaseera imbinga yeneyo niviira shia mundu wosi wa Timoteo yali niyarikamu, vandu voosi vali niviirwa vali tsiheelefu likhomi. 20Navutswa Yudasi Makabayo yakavula vasikali veve mu mikaanda minyishi lukanu, narovola Dositsene nende Sosipatera, shia mulala khusinjilila shia mukaanda kwa vasikali. Namali khukhola ndio, yalondelela Timoteo, wali nali nu mukaanda kwa vasikali tsiheelefu imia indala makhomi kavili vakwanilanga khu vilenje, khandi vasikali tsiheelefu tsivili ni tsimia tsiranu vakwanilanga khu tsifarasi. 21Lwa Timoteo yamanya ndi Yudasi amulondelolanga, yavoolela vandu vakhali nende vaana varoonjele imbeli wewe, nivali ni misiko khutsia mu litaala lia Karahimu, lia vasikali vali vakhaywa khuvotokhana inoho khwinjilamu, shichila tsinjila tsiu khwinjila mulio tsiali tsinyelele. 22Navutswa lwa mukaanda ku khuraanga kwa vasikali va Yudasi kwalolekhaho, mukaanda kwa vasikali kwa vatsiku kwaraanga khuheenda mwoyo, khuvirila khu malolo ka Nyasaye, ulolanga shia shindu shiosi yali narumi. Varanga khwilukhaka maliviri matamanu muno iyi neyo, khali vanyishi khuvo nivasalilitswa tsinguma na veshie khali ni vivavi viavo viene. 23Yudasi nende vandu veve va vahitsanyinya ni tsingulu tsiavo tsiosi, niviira vasikali vanyishi tsiheelefu makhomi kavaka. 24Mukaanda kwa vasikali va Dositsene nende Sosipatera vakumila Timoteo. Navutswa Timoteo yali mucheeli muno. Yavakuura mulilomoloma, lwa yavavoolela ndi yali wakumila valala khu vandu vavo khuli vavohe veve, khandi vatsitsanga khwiira niiva shindu shitamanu shitsitsanga khwikholekha khuye. 25Lukhumalilikha, lwa yavasuuvilitsa khuvakalushitsa ingo wavo vuchila khuvasalilitsa, vamulakhula khuva muvoholole, khwenya veshie vavuli khwiirwa.
26Nalwo lwa Yudasi yaroonjela nakwana litaala lia Karanahimu nende litempeli lia Ataragati wali nali nyasaye wi shikhali. Yiirayo vandu tsiheelefu makhomi kavili ni tsiranu. 27Nivamali khutivitsa vandu mu litaala lienelo halala ni litempeli, yaroonjela nakwana litaala lia Efuroni, nilili litaala liali niliumbakhwa ni imbinga, wa Lisia yamenyanga, halala na vandu vi shivala shieshie vanyishi. Vasatsa vavukha vi tsingulu varoonjela khu masisi nivavakwana munjila yu vucheli. Khwali ni vindu viu khukwanila nende viuchi vindi mu livishilu liu mu litaala lienelo. 28Navutswa Vayahudi vasaala khu Mwami Nyasaye, uli nu vunyali vu khutivitsa tsingulu tsia vatsiku veve avakhonye. Vavukula litaala lienelo, khandi niviira vandu tsiheelefu makhomi kavili ni tsiranu. 29Varulayo vwangu nivatsia khutukha mu litaala lia Betsi shani, luchendo lwi tsikilomita 120 khuluveka luli ivuluka wa Yerusalemi. 30Vayahudi vamenyayo vavoolela Yudasi khuli vandu vi litaala lienelo va vakholela malahi, khushila muno nivali mu matiinyu. 31Khulwa yako, Yudasi nende vandu veve vasanditsa vandu khandi nivavavoolela valitsililila khandi khukholelakhu Vayahudi malala mele, mumatukhu kaliitsa khuvaho. Varulayo nivatsia Yerusalemi, nivatukhayo matukhu mati Mulukha kwi Lichesa nukushili khutukha.
Yudasi Yakuura Gorigia
32Lwa mulukha kwi litukhu lia Pentekosti kwali nukuvwele, Yudasi nende vandu veve, varula vwangu nivatsia khukwana na Gorigia, wali nali gavana wa Idumeya, 33wakwana navo nali na vasikali tsiheelefu tsivaka vachelanga khu vilenje, khandi vasikali tsimia tsine vahilanga tsifarasi. 34Muliihe lienelo, Vayahudi shiviirwa vanyishi tawe. 35Navutswa Muyahudi mulala khurula mu litaala lia Tobu, wali musikali wakwanilanga khu ifarasi wi tsingulu, walaangwangwa Dositsene, yakumila Gorigia lwa yahaanda khu inguvu yeye. Yaraanga khumukhwesa ni tsingulu, nali ni lienya liu khuvukula mundu wi shikhaya wali niyalaamwa mwenoyo nashili mwoyo. Navutswa nonoho lwa mulala khu vasikali vakwanilanga khu tsifarasi venavo walaangwangwa Tsuraka yilukhaka nalonda Dositsene vwangu namukutuula mukhono. Khulwa yako, Gorigia yanyola vwiyangu vu khwilushila mu litaala lia Marisa.
36Mumatukhu kenako, Vayahudi va Esiduria yimililanga vali vamenya nivakwananga khumatukhu manyishi, khandi vali vavwele tsingulu. Nalwo lwa Yudasi yasaala ndi Mwami Nyasaye alavamanyinya ndi ali khuluveka lwavo, khandi neye wimililanga mikaanda chia vasikali vavo. 37Lwa Yudasi yimba lwimbo mululomolomo lwavo khulaanga liihe, Vayahudi vakwana Gorigia nende vandu veve vuchila khumanyakhu shindu shiachilanga nivavakwana; manivilukha.
Lisaala liu Khusaalila Vandu Viirwa Muliihe
38Nalwo lwa Yudasi yalaanga halala vasikali veve, manatsia mu litaala lia Adulamu. Lwa litukhu li Lisabato liali nilili himbi khutukha, vinihitsa vene khulondokhana khu miima chia Vayahudi, khandi nivakhola kenyekhananga khulitukhu li Lisabato lienelo. 39Khulitukhu lialondakhu, valola nu vulahi khukhola vwangu khandi nu muhinzilu mulahi kukhuvunjelitsa halala mivili chia vandu vali niviirwa muliihe, nu khuchiyeveela mu vilindwa viali via vakuuka vavo. 40Navutswa khu shia mmbili ku mukhutsu vanyolamu tsinguvu tsi vifwanani viti va vanyasaye va vandu vasaalakhu mu litaala lia Yamunia tsialimu, tsia malako kavula khuhuchilila Vayahudi khwifwala. Nalwo lwa shia mundu wosi yamanya shikholwa shiachila vandu venavo niviirwa. 41Khulwa yako, voosi vitsominya Mwami Nyasaye, uli mukhalachi watoto, wali navamanyinyi vindu viali niviaviswa, 42nivasaya Mwami Nyasaye nayaanza avuli khwitsushitsakhu shindu shiosi khulondokhana nu vwoni vwenovo. Nalwo lwa Yudasi, wali nali mundu wi tsingulu, yavoolela vandu valekhane nu khukhola vwoni, shichila vali valolikhu khale, kali nikakholeshe khu vandu vali nivakhola vwoni. 43Yudasi yasolola ifetsa khurula khu vandu veve, himbi ifetsa tsikilo tsivili, manachiruma mu Yerusalemi khuva khuli shihanwa shiu khurulitsaho vwoni. Yudasi yakhola shikholwa shilahi shienesho, shichila yali wasuuvila ndi vandu vakhutsa valiitsa khwisimushitsa khurula mu likhutsa. 44Niiva yakhavuli khuva ninganakani ndi vandu vakhutsa valiitsa khwisimushitswa khurula mu likhutsa, khusaalila vandu vakhutsa shiakhavele shikholwa shiu vuyiingwa khandi shikhaya vutswa. 45Navutswa niiva yalindililanga khuheelwa shihanwa shiu vukhumi shia vandu vakhutsa nivali vasuuvilwa mu Nyasaye, vali nivavishilwa, yali ninganakani indahi khandi indakatifu. Khulwa yako, Yudasi yakhola musango kwi shihanwa shiu khurulitsa vandu vali nivakhutsa khurula mu vwoni vwavo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013