VAKORINZO 8
8
Vukhonyi khu Vakristayo vu Mulusomo lwa Yudeya
1Vasuuvili vashieru, nunundi khwenyanga mumanye ki tsimbavasi tsia Nyasaye tsiarweshitsa mu makanisa mu lusomo lwa Mekadonia. 2Vasuuvili vali mu makanisa kenako vachelitswa vululu muno khuvirila mu vutiinyu vwa kavirilamu; navutswa vuyaanzi vwavo vwali vunyishi muno khali nivava nu mwoyo mulala ku khuhaana, khali niiva vali mu vumanani. 3Muvoolelanga toto ndi vahaana mu vunyishi khuli vanyala, khali khuvira shichelo. Vahaana khulondokhana khuli vene vali nivirulitsi khuhaana 4nivakhusaya khandi nivakhureeva nukhuyaanza khuvahe vwiyangu vukhukhonya vandu va Nyasaye vamenyanga mu lusomo lwa Yudeya. 5Khwakhola ndio, khuvira khuli khwakanakananga! Lukhuraanga khwihaana veene khukhola lienya liu Mwami; khandi shichila lienya lia Nyasaye, khwihaana vene khandi khukhonya khutsi. 6Khwasaya Tito, wraanjitsa muhinzilu yuku, nayaanza atsililile khukukhola khandi amukhonye khurweshitsa muhinzilu mulahi muno ku vuyaanzi kwenoko. 7Muli vahinda muno mu vindu viosi via muli navio: mu lisuuvila, mulilomoloma, nende mu vucheli, mu lienya lienyu liu khukhonya nu mwoyo kwosi, nende vuyaanzi vwa muli navwo shichila khutsi. Khwenyanga muve nu mwoyo mulala ku khukhonya khandi mu muhinzilu ku vuyaanzi yuku.
8Shikali mbolanga yaka khumunika tawe; navutswa nyenyanga khuchelitsa manye niiva vuyaanzi vwenyu nu vwatoto, lwa sasanyinyanga ni lienya lia vandi khukhonywa. 9Mwamanya vikholwa khulondokhana khu tsimbavasi tsiu Mwami weru Yesu Kristo. Khali niiva yali muhinda, yikhola khuva mumanani shichila munyi, khu khuvirila mu vumanani vwevwe muve vahinda.
10Inganakani yanje ili ndi nu vulahi numurweshitsi nunundi muhinzilu kwa mwaraanga muhika kwavira. Mwali vu khuraanga, shikali khukhola vutswa khwonyene tawe, navutswa mwali ni lienya liu khukhola khandi. 11Murweshitsi muhinzilu kwenoko nunundi, khu lienya lienyu liu khumala khukhola muhinzilu kwenoko litsianakane nilimalila liakwo, khulondokhana khuli mwenyanga mukhole. 12Niiva muli ni lienya liu khuhaana nu mwoyo kwosi, Nyasaye alahuchilila shihanwa shienyu khulondokhana khu shindu shia mwenyanga khuhaana; shikali nu khulondokhana khu shindu shia muvula tawe.
13Likomba lieru shikali khulola vandi nivanguhi na munyi numulitohitswi nu musiko mulitoho tawe; navutswa khwenyanga voosi muve shilala. 14Vindu via muli navio nunundi mu vunyishi vilakhonya yavo vavula shindu shiosi, khu khali via vali navio mu vunyishi vilikhonya khali munyi khandi. Khulwa yako, nu muve shilala, 15khuli Mahandiko Matakatifu kavoolanga, “Mundu wachesa mu vunyishi, shikali yali navio mu vunyishi muno tawe; khandi woyo wachesa vitititi, shikali yali navio vitititi muno tawe.”
Tito Yarumwa mu Litaala lia Korinzo
16Khusanditsanga Nyasaye shichila neye wachila Tito nava nu mwoyo mulala ku khwenya khumukhonya khuli kwakhuli nakwo kukhumukhonya! 17Shikali yahulila ka khwamuvoolela akhole vutswa tawe; navutswa yali nu mwoyo mulala kukhwirulitsa khukhonya niyitsa khumulola. 18Khurumanga halala naye musuuvili wa makanisa koosi kaheetsanga luyali, shichila muhinzilu kwekwe kukhwilwatsa Ivanjeli; 19khandi shikali ni kenako konyene tawe, navutswa makanisa kamurovola achende na khutsi khukhola muhinzilu kwi tsimbavasi kwa khukholanga shichila khuhaana vukhumi khu Mwami, nu khumanyinya ndi khuli nu mwoyo mulala ku khukhonya.
20Khuchelitsanga khuli khunyala khu vandu vavuli khukhutuula khulondokhana khuli khurumishilanga vihanwa viu vukhonyi vienevo. 21Navutswa lienya lieru nu khukhola ku vulunji; shikali imbeli wu Mwami wonyene tawe, navutswa khali imbeli wa vandu.
22Khulwa yako, khurumanga musuuvili washieru khwitsa halala navo; khwamuchelitsa hali khanyishi khandi khwanyola ali nu mwoyo mulala ku khukhonya shia khase khosi. Lwali ni lisuuvila linyishi mu munyi nunundi, ali nu mwoyo mulala kukhumukhonya. 23Khulwa yako, Tito nu washianje khandi akholanga muhinzilu ninzi khukhonya munyi; khandi khulondokhana khu vasuuvili vandi vatsitsanga halala naye, vasinjililanga makanisa khandi vahaananga vukhumi khu Kristo. 24Vamanyinyi mwavayaanza, khu vandu mu makanisa koosi vasuuvili khandi vamanye ndi ndweshitsanga likhola liu vulunji lwa khwichinjililanga khulondokhana khu munyi.
Currently Selected:
VAKORINZO 8: LLLCATHOLIC
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013
VAKORINZO 8
8
Vukhonyi khu Vakristayo vu Mulusomo lwa Yudeya
1Vasuuvili vashieru, nunundi khwenyanga mumanye ki tsimbavasi tsia Nyasaye tsiarweshitsa mu makanisa mu lusomo lwa Mekadonia. 2Vasuuvili vali mu makanisa kenako vachelitswa vululu muno khuvirila mu vutiinyu vwa kavirilamu; navutswa vuyaanzi vwavo vwali vunyishi muno khali nivava nu mwoyo mulala ku khuhaana, khali niiva vali mu vumanani. 3Muvoolelanga toto ndi vahaana mu vunyishi khuli vanyala, khali khuvira shichelo. Vahaana khulondokhana khuli vene vali nivirulitsi khuhaana 4nivakhusaya khandi nivakhureeva nukhuyaanza khuvahe vwiyangu vukhukhonya vandu va Nyasaye vamenyanga mu lusomo lwa Yudeya. 5Khwakhola ndio, khuvira khuli khwakanakananga! Lukhuraanga khwihaana veene khukhola lienya liu Mwami; khandi shichila lienya lia Nyasaye, khwihaana vene khandi khukhonya khutsi. 6Khwasaya Tito, wraanjitsa muhinzilu yuku, nayaanza atsililile khukukhola khandi amukhonye khurweshitsa muhinzilu mulahi muno ku vuyaanzi kwenoko. 7Muli vahinda muno mu vindu viosi via muli navio: mu lisuuvila, mulilomoloma, nende mu vucheli, mu lienya lienyu liu khukhonya nu mwoyo kwosi, nende vuyaanzi vwa muli navwo shichila khutsi. Khwenyanga muve nu mwoyo mulala ku khukhonya khandi mu muhinzilu ku vuyaanzi yuku.
8Shikali mbolanga yaka khumunika tawe; navutswa nyenyanga khuchelitsa manye niiva vuyaanzi vwenyu nu vwatoto, lwa sasanyinyanga ni lienya lia vandi khukhonywa. 9Mwamanya vikholwa khulondokhana khu tsimbavasi tsiu Mwami weru Yesu Kristo. Khali niiva yali muhinda, yikhola khuva mumanani shichila munyi, khu khuvirila mu vumanani vwevwe muve vahinda.
10Inganakani yanje ili ndi nu vulahi numurweshitsi nunundi muhinzilu kwa mwaraanga muhika kwavira. Mwali vu khuraanga, shikali khukhola vutswa khwonyene tawe, navutswa mwali ni lienya liu khukhola khandi. 11Murweshitsi muhinzilu kwenoko nunundi, khu lienya lienyu liu khumala khukhola muhinzilu kwenoko litsianakane nilimalila liakwo, khulondokhana khuli mwenyanga mukhole. 12Niiva muli ni lienya liu khuhaana nu mwoyo kwosi, Nyasaye alahuchilila shihanwa shienyu khulondokhana khu shindu shia mwenyanga khuhaana; shikali nu khulondokhana khu shindu shia muvula tawe.
13Likomba lieru shikali khulola vandi nivanguhi na munyi numulitohitswi nu musiko mulitoho tawe; navutswa khwenyanga voosi muve shilala. 14Vindu via muli navio nunundi mu vunyishi vilakhonya yavo vavula shindu shiosi, khu khali via vali navio mu vunyishi vilikhonya khali munyi khandi. Khulwa yako, nu muve shilala, 15khuli Mahandiko Matakatifu kavoolanga, “Mundu wachesa mu vunyishi, shikali yali navio mu vunyishi muno tawe; khandi woyo wachesa vitititi, shikali yali navio vitititi muno tawe.”
Tito Yarumwa mu Litaala lia Korinzo
16Khusanditsanga Nyasaye shichila neye wachila Tito nava nu mwoyo mulala ku khwenya khumukhonya khuli kwakhuli nakwo kukhumukhonya! 17Shikali yahulila ka khwamuvoolela akhole vutswa tawe; navutswa yali nu mwoyo mulala kukhwirulitsa khukhonya niyitsa khumulola. 18Khurumanga halala naye musuuvili wa makanisa koosi kaheetsanga luyali, shichila muhinzilu kwekwe kukhwilwatsa Ivanjeli; 19khandi shikali ni kenako konyene tawe, navutswa makanisa kamurovola achende na khutsi khukhola muhinzilu kwi tsimbavasi kwa khukholanga shichila khuhaana vukhumi khu Mwami, nu khumanyinya ndi khuli nu mwoyo mulala ku khukhonya.
20Khuchelitsanga khuli khunyala khu vandu vavuli khukhutuula khulondokhana khuli khurumishilanga vihanwa viu vukhonyi vienevo. 21Navutswa lienya lieru nu khukhola ku vulunji; shikali imbeli wu Mwami wonyene tawe, navutswa khali imbeli wa vandu.
22Khulwa yako, khurumanga musuuvili washieru khwitsa halala navo; khwamuchelitsa hali khanyishi khandi khwanyola ali nu mwoyo mulala ku khukhonya shia khase khosi. Lwali ni lisuuvila linyishi mu munyi nunundi, ali nu mwoyo mulala kukhumukhonya. 23Khulwa yako, Tito nu washianje khandi akholanga muhinzilu ninzi khukhonya munyi; khandi khulondokhana khu vasuuvili vandi vatsitsanga halala naye, vasinjililanga makanisa khandi vahaananga vukhumi khu Kristo. 24Vamanyinyi mwavayaanza, khu vandu mu makanisa koosi vasuuvili khandi vamanye ndi ndweshitsanga likhola liu vulunji lwa khwichinjililanga khulondokhana khu munyi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013